!!!##أحداااااااااااااااااااااااااااااااااااااااااااث تمرين اليوووم!!!#الثلاثاء4/4!!!#
 

السلام عليكم ورحمة الله وبركاته,,,
مساء الخيرات لكل البشاوات<<كيف الشعر:clapping:<<تسمع بالشعر والله:ap:
أقول ..لا أحد يقرب (بني)وخروا عني تدرون ليه؟؟لإني (بزكب)<<يعني مزكم:clapping:
وعشان كذا والله ما قدرت أغطي مباراة الهلال والدرعية مع إني حضرت الشوط الأول لكن الشوط الثاني ما قدرت أجلس والله من شدة البرد اللي قصف الملعب<<يسمع بالإثارة:clapping:
الموهم:اليوم حسيت بنشاط شوي بعد الإجازة اللي منحتها نفسي اليوم وسحبت على الدوام ...لذلك قررت إني أروح النادي من العصر...والله وصارت أحداث كثيرة في النادي اليوم والله ما أقدر أقولها كلها لكم ..يبيلي مليون طعش:to: صفحة عشان أسردلها لكم...لكني راح أقتصر على أهم الأشياء وأطرفها وكواليسها:to:<<مسوي سجع الولد والله لو إنك غسان حسن احم احم.
الموهم :
1-قبل بداية التمرين كان فيه نقاش حااد جدا في المدرجات حول إمكانيات المدرب الجديد جورج ليكنز...ويقود دفة هذا النقاش مجموعة من شيبان النادي ...والله فيه شيبان في النادي كل يووم أشوفهم لدرجة عشق تدرون وش معنى عشق<<أقول لا تتفلسف عطنا اللي بعده:ap:
حتى سامي يوم جوا ذولا الشيبان يسلمون على المدرب قال للمدرب :ذواي شيبان النادي كل ينامون وياكلون ويعيشون هنا..والله سامي صادق ..<<وأنت نسيت نفسك:ap:
2-المدرب الجديد حضر تمرين اليوم واجتمع باللعيبة قبل بداية التمرين في إشارة الى إنه راح يوقع وانا طلعت من النادي وفيه همس إنه وقع.....بس قسم بالله ياهو رسمي وجنتل...أنا يوم شفته انبسطت:clapping: ...أنا يعجبني المدرب الشخصية تحسه صارم :dيذكرني بكوزمين:ga:
3-خيرات والمؤشر والدوسري وماجد المرشدي كان يلفون اليوم حول المضمار لإن الثلاثة الأولين شاركوا في مباراة أمس كاملة بينما<<كيف بينما بس:clapping:المرشدي كان مصاب....وعبداللطيف الغنام دخل في تمارين الكرة لكنه ما شارك في المناورة.
3-أول تمرين بدأ به بالمدرب كان تمرين لياقي وتمارين إطالة<<أحس إني مدرب لياقية عشان الكلمتين هذي:clapping:
4-بعدين كان فيه تمارين (لمسة ولمستين) والعيال كهم كانوا متحمسين يبغون يشوفهم المدرب الجديد ويلعبهم<<<تفكير شباب الحارة:clapping:لكن التائب استنزل مهارات في التمرين هذا.
5-بعدين كان فيه تمارين تكتيكية على العرضيات والبينيات....وبصراحة بدع سلطان البيشي في التمرين هذا والله عليه أوفرات ما شاء الله تبارك الله وأتوقع الحسيني راح يركز على العرضيات قدام الإتفاق..وراح يلعب بمهاجمين لإن ياسر كان ثابت ويغير بين العنبر والصويلح.
6-بعدين كان فيه مناورة...والله يا شباب ياسر:smilie47:قدم كل شئ يمكن تشوفونه في من متعة ولعب ومهارة<<كثر منها:ap:لا والله قدم مستوى كبير وعشان كذا عرف إن ياسر حساس لإن تصريح مدرب المنتخب مأثر فيه<<وش رايكم فيه ذكي صح:clapping:<<امحق ذكي:ap:.
7- بعد ما طلع الذياب من التمرين كان الدكتور علي يقدح يلعب بالكورة في الزاويه جاك الذياب عنده ويمسكه تسحب ومهارات وكباري حتى والله حنيت على الدكتور:no:شوي ويدوخ مسكين:ap:
....................................................................................................
سيداتي آنساتي سادتي <<والله متعوب عليها لا أحد يحطمني:clapping::
هذا يمكن أهم شئ لقطته لكم من تمرين اليوم ...وأعذرونا على القصور...وأبشركم الصور راح تكون قريبا في التغطيات اللي جايه ..لإنب بصراحة الى الحين ما تعلمت على تنزيل الصور<<<صوووف والله:clapping:
...................................................................................................
قفـــــــــــــــــــــــــــــــــــــــــــــــــله:
اضحك اضحك اضحك لإن الدنيا ما تستاهل تزعل وتعصب عشانها صح والا لا!!!
..................................................................................................
مع السلامة يا أجمل :smilie47:وأدلع:smilie47: ناس:ga: بالعالم:clapping:

بارك الله فيك يالغالي

خلااص رح نرشحك
مراسل التمارين

مشكووووووووووووووووور ...


عساك عالقوة خيووووووو..

عافاك ربي يالغالي . والله يوفق هلالنا . وبإذن الله يطون فال خير علينا المدرب الجديد

مشكوووووور يعطيك العافيه
بالتوفيق للزعيم

مشكووووووووووووووووووووووووووووور

يعطيك العافيه....

يعطيك العافيه اخوي
تصلح مع التويجري انت في صدى الملاعب<<يرفع فيك بس

الله يعطيك الف عافية....!!

والله يوفق الزعيم امام الاتفااق


كل الشكر لك على التغطية

مشكووووووووور على التغطية الأكثر من رائعه
ولكــ خالص تحياتي وشكراً

تقرير متعوب عليه واحلي شي شيبان الهلال الله يحفظهم

نسيت ما كتبت الفوائد والاسألة على القطعه حسيت اني مع قطعه يقول فيها اسنخرج الجواب ثم ضع سؤالك ...

قل العيال تمرنوا و فالينها وبس ....مافي جديد ...

بس تدري ودي احضر التمرين معك ...

اتخيل شكلي كأنك ناصر الجوهر على الدفتر والورقة تسجيل والضاهر انك تسجل بالجوال(ملاحضات)




مشكور يالغالي وما قصرت



حبينا نمزح معك شوي

ياحبيبي والله مقدرين تعبك والله يوفقك

بكره لازم تعطينا موجز عن التمارين

بس لاتكثر الحكي مثل اليوم

الله يوفق الزعيم ويوفقك انت بعد

ويوفق الجماهير كلهم ,,

روعة يالغالي

يعطيك العافية

بالتوفيق للزعيم