31/03/2009, 10:16 AM
|
| زعيــم نشيــط | | تاريخ التسجيل: 30/10/2002
مشاركات: 536
| |
|
ماكان العشم فيكم ..!!
بسم الله الرحمن الرحيم..
السلام عليكم ورحمه لله وبركاته
من فتره وانا اقرى ردود بصراحه تكدر الخاطر وتضيق الخلق
من بعض أعضاء المنتدى ( الله يهديهم )
وهالكلام من قبل مباره السعوديه مع ايران
اللي يقول ماراح اشجع ... واللي يدعي لإيران تفوز ( وبصراحه صدمه قويه ووطنيه واضحه للي يقول مثل هالكلام )
واللي يقول عشان كوزمين بقاطع المنتخب واللي واللي
وكأن الهلال اهم حتى من المنتخب ..
هذا ردي على احد المواضيع وراح انقله لكم هنا مع بعض التعديل ...
اللي وطنيته حقيقيه
واللي أصله سعودي جد مايقول مثل هالكلام
مع احترامي لكل من يفكر مثل هالتفكير
أي وطنيه تتكلمون عنها وانتوا قاعدين تتكلمون وكأنكم تبون السعوديه تفوز وتفوز وماتخسر بيوم ابد
تتكلمون وكأن محد يلعب كوره غيرنا .. وماتبون حد ينافسنا بشي
تشجعون ماتشجعون على العين والراس وهذي حريه شخصيه
لكن تجون وتقولون قاطعوا .... ويارب ايران تفوز ... والمنتخب صار مهدد بالصفحات السوده
والهزائم ...وباقي الكوريتين ... وماافهم بالكوره إذا تأهلنا ..!!
تتكلمون بكلام وكأن مافزنا على كوريا الجنوبيه في تصفيات 2006 (يعني بالجيل الجديد ) وبين ارضهم وجمهورهم
تتكلمون وكأن السعوديه مو قبل يومين فايزه على ايران ولأول مره بين ارضها وجمهورها ..( أرجع اقول بالجيل الجديد )
اللي يحب بلاده ووطنه يحبه بالحالتين بالحلوه والمره
مو اذا فاز قام ومدح واذا خسر زعل وسب
ترى اقصاها كوره ...فزنا مبروكين..خسرنا ماهي نهاية العالم ولانهاية الكوره
يعني مواضيع خلهم واتركهم ومعرف وشو وبلبله على شي مالها داعي ابد أبد ...
اسمحوا لي اذا ضايقت أحد بهالكلام ...
لكن انا  ســعـــوديــــــــــه
وطنيتي فوق كل شي .. تأهلنا ماتأهلنا
مع السعوديه قلبا وقالبا
والمحب اللي يظهر وقت الشدايد
بالمعني لما تشفون منتخبكم قاسيه عليه الايام وربي ماكتب له التوفيق بالفتره اللي راحت
المفروض تكونون معاه لين ينجح ويرجع مو أنتوا والزمن عليه
أتمنى تقبلون كلامي بصدر رحب
وفي النــهايـــة ( الله لايشغلنا عن طاعته وذكره لافي كـــوره ولافي غيــرهــا ) والله يعز ديرتنا بالدين ويجعلها دوووم منصووره معمووووره قولوا آميــــــن ملحوظه... إذا كان حد يشوف إني غلطانه بكلامي أتمنى يوضح لي الخطأ وين ..؟! أعتذر للإطاله ..
بحفظ الله
أختكم في الله ...
الطيف |
الوضع الشجري
