قال :

قدّر الله علينا ومات ابوي بالسرطان

وامي عندها القلب والضغط والسكر

وجدّتي جايتها ثلاث جلطات

وحنا عددنا 27 نفر في بيت شعبي دور واحد

والماء والكهرب مقطوع من ثلاث شهور

قلت له :

طيب والمطلوووووووووب ؟؟؟

قال :

ابي 20 ريال اجيب غداء لهم.. صار لهم اسبوعين ماذاقوا شي

قلت له :

خلاص ابشر... انا باعطيك الف ريال

قال :


الف ريال .. الله يجزاك خييييييييييير

قلت :

بس عندي شرط... لازم اعزمك على الغداء بالمطعم

قال :

لا مافيه داعي.. عطني الفلوس وخلني اروح

قلت :

والله ماتشوف ريال حتى تتغدى

اخذته لمطعم عندنا بالروابي مشهور حق مندي ومثلوثة

عندهم نفر اللحم قيمته 45 ريال

واطلب له نفرين لحم مع كنافه ولبن.. الحساب كامل 98 ريال

وقلت له :

استرح وخذ راحتك بالغداء دامي اروح اسحب لك الالف وارجع لك <<

واطلع واخلّيه ولا ردّني الا باب بيتنا ههههههههههههههه

عقب المغرب مرّيت على المطعم وسألتهم عنه

وقالوا انه سوّى لهم قلق وقام يهايط لكنه بالاخير دفع الحساب

واللي يقهر انه حسب كلامهم دفع 500 ورجّعوا له الباقي


موقف ثاني


كنت ماسك خط القصيم وبنشر علي الكفر قبل المجمعة بمسافة بسيطة

ويوم فتحت الشنطة لقيت الاستبنه مبنشره بعد

مشيت على الكفر مسافة وهو مبنشر حتى وصلت عند المحطه

واسلّم على راعي البنشر واقول له يصلّح لي الاستبنه

قال : انا ماعندي تصليح.. بس اركّب جديد

قلت : الشكوى لله.. ركّب لي جديد

ويركّب لي كفر جديد كوري.. معروف قيمته الاصلية 170 ريال

ويوم خلّص قال : حسابي 500 ريال

قلت له :

الظاهر انك منتب صاحي انت

قال :

هذا حسابي تبي تدفع والا افك الكفر وتوكّل على الله

( يدري ابن الـ........ اني مستحيل امشي بدون الكفر حقّه )

قلت له :

ترى شغلك هذا حرام ومايجوز... تستغل حاجة اخوك المسلم

قال :

بلا حرام بلا فلسفة.. عاجبك والا افك الكفر

قلت له :

لا لاتفكّه خلاص.. بس اركب معي نروح لاقرب صراف اسحب لك

قال :

ليش ؟؟ مامعك فلوس ؟؟

قلت :

مامعي الا 300 ريال.. اذا تبيهن خذهن او اركب معي اسحب لك

قال :

خلاص نروح تسحب لي... المجمعة قريبة.. بس هات الفلوس اللي معك

وياخذ الفلوس ويركب معي.. ونمشي حتى وصلنا مخرج المجمعة

وعند اول مكينة وقفت اسحب

قلت له :

باقي لك 200.. انزل للبقالة هات لنا 2 مويه نشرب دامي اسحب لك الباقي

ويوم نزل وشفته دخل للبقاله وانا ادعس واتركه ههههههههههه

قلعته يستاهل

ودمتم بألف خير << منتب عاقل يالرسمي

ما عجبوني كلا الموقفين

وخاصة الموقف الاول

ياخوي مو لازم تسوي فيها قوي وصائدة تبي تعطيه عطه ما تبي الله يستر عليك

أما الثاني كان من البداية تفاهمتوا على السعر ومو ذنبه انك تمشي بدون استبنه

الله يعطيك العافية تفضل

إقتباس الرسالة الأصلية كتبت بواسطة مطيع الهميمي ما عجبوني كلا الموقفين وخاصة الموقف الاول ياخوي مو لازم تسوي فيها قوي وصائدة تبي تعطيه عطه ما تبي الله يستر عليك أما الثاني كان من البداية تفاهمتوا على السعر ومو ذنبه انك تمشي بدون استبنه الله يعطيك العافية تفضل

ابشر ولايهمك

مشكور وتفضل

إقتباس الرسالة الأصلية كتبت بواسطة الـصـخـرة ابشر ولايهمك مشكور وتفضل

تعازمون على بعض بورود ؟؟؟؟؟ الله يالإتيكيت

أنا أتذكر موقف جا في قناة المجد ... واحد راح يشحت من واحد الواحد الأول كانت يده مقطوعة .. طبعاً الواحد الثاني ماكان معه إلا 500 مامعه صرف ... سأل الواحد الثاني الواحد الأول قلله معك صرف ؟ قال إيه معي .. وطلع يده الثانية )اللي كانت مقطوعة) فيها فلوس

والله عليكم حركات بااااااايخة ..

__________________

وإلا فيه وحده جات عند مسجدنا ... ونفس الكلشته السابقة .. لكن بصوت ناعم وضعيف .. المهم أنا جالس البيت ماطلعت وإلا بعد نص ساعة كذا .. جا جمس أسووووووووووووووووود ركب المرة وراحوا مسرعيييييييييين ..

ماهذا ياهووو .

شكراً للموضوع الخفيف في وسط الأسبوع

تفضل

برايفت ( بطلنا برايفت )

إقتباس الرسالة الأصلية كتبت بواسطة متآبعه بصمت وش هالتفكير؟؟؟!!!!! كل همنا صار كيف نضحك الناس وبس؟؟ أخوي الصخره والله أنت من الكتًاب اللي يعجبوني .. بس حرام اللي سويته بخلق الله !!!

واللي يسوونه هم مو حرام ؟؟

مشكورة على مرورك... بس مافهمت قصدك >> كل همنا صار كيف نضحك الناس وبس؟؟

إقتباس الرسالة الأصلية كتبت بواسطة الـصـخـرة واللي يسوونه هم مو حرام ؟؟ مشكورة على مرورك... بس مافهمت قصدك >> كل همنا صار كيف نضحك الناس وبس؟؟

إقتباس الرسالة الأصلية كتبت بواسطة متآبعه بصمت يا ناس يلووموووووني فيك أهنيك على روحك الرياضيه .. وأدري إن مالنا داعي يوم ننتقدك قدام الخلق والله آآآآآآآآآسفه ما عاد أتعودها وبالنسبه لمواقفك قلت هالجمله >> كل همنا صار كيف نضحك الناس وبس؟؟ لأني فطست ضحك بس الموقف محزن للأسف مو مدعاة للضحك يمكن يكون مريض نفسي هاللي كان يشحت !! وقال تعالى (وَأَمَّا السَّائِلَ فَلا تَنْهَرْ ) تخيل إن الخمسميه اللي صرف منها ما معه غيرها؟؟؟؟ ما تدري وش ظروفه وش حياته؟؟؟ أسأت الظن به والمفروض بنا كمسلمين إحسان الظن بكل شيء حتى يحسنوا الناس الظن بنا أخوي الصخره ما أخفيك إعجابي بقلمك الرائع .. الله يحفظك ويخليك لعين ترجيك

اول شي .. اعتذارك مقبول

ثاني شي .. ما ازعل من الانتقاد ولا غيره من رمي الكلام ( صدري وسيع الحمدلله )

واللي يبي يرمي كلام ياخذ راحته... عساه بـ(حل) الى يوم القيامه

وصدقيني الموقف الاول مو محزن... حقّه وماجاه ويستاهل... اكبر نصاب وانا عارفه زين

الصخرة والله انك تووووحفه ياشيخ

انا احب السوالف الي زي كذا فيها نذاله

إقتباس الرسالة الأصلية كتبت بواسطة عشقي 20 الصخرة والله انك تووووحفه ياشيخ انا احب السوالف الي زي كذا فيها نذاله

هذي يسمونها ( نذاله محموده )

دوك -->

بصرااااااااااااااااااااااااااحه...



الموقف الأول ,, مالك داااااااعي .. اذا منتب دافع قل الله يعطينا ويعطيك ..

بس الموقف الثاني .. اهنيك يشيييييييييييييييييخ بس والله مالها داعي ض1ض1

إقتباس الرسالة الأصلية كتبت بواسطة (((أخلاق سامي))) بصرااااااااااااااااااااااااااحه... الموقف الأول ,, مالك داااااااعي .. اذا منتب دافع قل الله يعطينا ويعطيك .. بس الموقف الثاني .. اهنيك يشيييييييييييييييييخ بس والله مالها داعي ض1ض1

وتبيني اتركه ينصب على خلق الله ؟؟

ويتصيّدهم عند المساجد.. طالعين يسبحون ويستغفرون وهو اكبر نصاب يستغل الموقف

الناس تدوّر الاجر... وهو الله لايبلانا من مسجد الى مسجد وكله نصب في نصب

وحتى الثاني

اقول له حرام تستغل اخوك المسلم.. يقول بلا حرام بلا خرابيط !!!!!!

دوك -->

كفوووو شب عليه

ما ينفع معهم إلا تسذا (( كذا ))

أجل 27 نفر وبيت شعبي

وكفر كوري ب 500 ريال

أقوووول الصخرة

زين ما سويت بس

ورح جب لي كاس مويه على ما ارسل الرد

7
7
7


وزززززززززززززز هذا العضو قد هج (( حط رجله )

إقتباس الرسالة الأصلية كتبت بواسطة الكاتب المشهور كفوووو شب عليه ما ينفع معهم إلا تسذا (( كذا )) أجل 27 نفر وبيت شعبي وكفر كوري ب 500 ريال أقوووول الصخرة زين ما سويت بس ورح جب لي كاس مويه على ما ارسل الرد 7 7 7 وزززززززززززززز هذا العضو قد هج (( حط رجله )

انتبه لاتتكرفس

شكل النذاله عندك مثل شرب الماء

دوك -->

اهلاً ..

يقول تعالى : ( وأما السائل فلا تنهر ) , فكيف أنت تتجاهل طلب الرجال وشحذه الفلوس ؟ لو أنك عطيته 10 ريال مارح يضرك شيء

صعبة أنك تعمل هالمواقف مع الناس لأن ممكن يطلع انسان محتاج فعلاً ! , وإن ما كان محتاج وبس يلعب ع الناس فـ أنت رح تكون أحسن منه .

بالنسبة للموقف الثاني , لو أني مكانك اعطيه قيمة الكفر الأصلية وأمشي .. ولا أحوس نفسي ولا اعطيه أكثر من حقه !!



اخوي الصخرة , شكراً