أبـو الذهـب يدخل السجـن .. أدعوا له يا ناس ... - نادي الهلال السعودي - شبكة الزعيم

جمــ ناطل باللفه ــس · #1 29/03/2009, 08:15 PM

السلام عليكم يا حلـويــن ..

كيفنكم ؟؟

اشحالكـم ؟؟

أدري بتقولون " وش تبي أنت وخشتك المحليـه , بعد سنه وشوي جاي تكتب بالمنتدى .!! "

بأرد عليكم وأقـول " وش تبون ؟؟ منتدى أبوكم ؟؟ جاي أسلم على الحلـوين وآخـذ أخبارهـم "

يقول المثـل : لـين طـاح الجمــل ... سو خيـر وأرفعـه

والمثـل الثاني يقـول : إحـذر من أقـترب من الأرض

والمثـل الثالث يقـول : يـاريس .. والبحـر كويــس

مـا أدري ليـه هالمقـدمه اللي مالأمها داعي

حبـايـب قلــبي

أخـوكم " أبـو الذهـب " << -- عضو سابق بلجنة تطوير المجلس العام

دخــل السـجــن وللمــره الثانيــــه

وأي سجـن هــذا يا ابا الكـواري ؟؟؟

|
|
|
|
|
|
|
|
|

الــرجــال ودّع العزوبيـه وهمّهـا ..
نسى أنه في يوم من الأيام كان يغسّل المواعين , وكان ينظف غريفته , وكان يطبخ أحلى كبسه بالتونه

وكان مسوي علاقه طيبه مع كل سنترال بمطعم

, كان يخمـد الساعـه 3 الليـل ويصحـى 5 العصـر
وما يطلع من بيتهم ألا بثوب مشقوق وألا مصفّر .. تشوفه تقول ذا منجلد بالبرحه

.

والحيـــــن ...
بعد ما ودّع العزوبيه ودخل في سجن المعاريس .. ما يطالعك ألا بطرف عينه .. منت عاقل يا باراك أوباما

المهم وبالختـــام ...
حبيتكم تشاركونـي الفرحـه .. وتدعون له أن الله يبارك له بزواجه ..

وبأطلب منكم طلبـه يا عالم ::

أبيـكم تقنعونه أنه يهجد شوي

تراه ناوي على الثالثــه

تحياتي للجميـــع ..

zammamwek · #2 29/03/2009, 08:33 PM

ماشاء الله تبارك الله
بارك الله لهما وبارك عليهما وجمع بينهما على خير
واله يرزقهم الذرية الصالحة

مطيع · #3 29/03/2009, 08:45 PM

بارك الله لهما وبارك عليهما وجمع بينهما على خير

ماشاء الله شيابنا رجعوا باعلانات زواج وافراح المولود الاول

الله يبارك للجميع ويوفقهم

وعقبال العزابية

سهل · #4 29/03/2009, 08:58 PM

الله يهني سعيد بسعيدهـ

وجاج عسى امره زينه ......

وعقبالك تلقى ددسنه ناطله باللفه وتعرس عليها

هالموضوع ما يتثبت لا .. بل يتلزّق بباتكس غرى

الســفيرة · #5 29/03/2009, 09:06 PM

الف مبرووووووك

الله يوفقهم يارب ويسعدهم ويرزقهم الذرية الصالحة

شووكرا خيو عالخبرية وصل له سلامنا

من الردود حسيت انها رقم 2

صدق ولا لا؟

Blanco Soul · #6 29/03/2009, 09:13 PM

الف مبروك يالغالي ..

الله يجمع بينكم بالخير ..

ومنك المال ومنها العيال ..

بس باأي قصر ؟

نـــــــ15ــــــمر · #7 29/03/2009, 09:25 PM

مبروك يا غالي

ولله يهنيك والله يرزقك بالذريه الصالحه

تدري عاد انك توهقت وبتذكر كلامي بعد فتره وبتقول يا زين غسل المواعين

يقولون هذا بدوي تزوج وقعد اسبوع في غرفته ما طلع المهم يوم طلع ومل وقال رجعوني عند اهلي

يعني اوزنها ولا تكثر نصيحه احد الشياب في احد المجالس

تشـــــــــــاو

الضحى · #8 29/03/2009, 11:26 PM

إقتباس

الرسالة الأصلية كتبت بواسطة نـــــــ15ــــــمر


	مبروك يا غالي ولله يهنيك والله يرزقك بالذريه الصالحه تدري عاد انك توهقت وبتذكر كلامي بعد فتره وبتقول يا زين غسل المواعين يقولون هذا بدوي تزوج وقعد اسبوع في غرفته ما طلع المهم يوم طلع ومل وقال رجعوني عند اهلي يعني اوزنها ولا تكثر نصيحه احد الشياب في احد المجالس تشـــــــــــاو

جعله مبارك والله يسعده ويهنيه ......

ماودي أرد ولكن أثارني عنوان الموضوع ...الله يصلح حال كاتبه كيف الزواج سجن

والله ورسوله يأمر به وفيه أستقرار وراحة بال.....

وأعترض على ردك ياولد عمي .....أن شاءالله مايندم .....

وترى الذين يحشون في الزواج هم السبب فيما هم فيه ...

واحد من الشباب تعدى الثلاثين وعندما يقولون تزوج ....يقول أخاف أصير خروف

وراء حرمتي ....أمحق عذر ...

يحفظكم ربي جميعاً...

السمسار الهلالــي · #9 29/03/2009, 09:30 PM

الله يهنيهم ويوفقهم :: والف شكر لك S45s

القيصر رهيب · #10 29/03/2009, 10:19 PM

الله يبارك لهم ويجمع بينهم بخير

والعقبى لكـ إن شاء الله

بس يا أخوي ما تلاحظ إنك غاسل وجهك بمرقه

جاي مستانس طيب ارسل لنا كروت دعوهـ نتعشى مع المسلمين

مباركـه أخرى وعقبال ما تجينا تقول أبو الذهب جاهـ الذهب ولدهـ

( متابع من أيامكم يا الشياب )

سع ـود · #11 29/03/2009, 10:24 PM

ماشاء الله تبارك الله

بارك الله لهما وبارك عليهما وجمع بينهما على خير

والله يرزقهم الذرية الصالحة

Financial 3ziz · #12 29/03/2009, 10:41 PM

ماشاء الله..

الله يوفقك.. و يسعدك.. و يرزقك الذرية الصالحة..
و يصلح لك زوجتك..

شكرا لك..

hilali-arsenali · #13 29/03/2009, 11:41 PM

ما شاء الله
الناس قامو يتزوجون الثانيه والثالثه وحنا ياقي نحتري الاولى

.. ..
الف مبروك
بارك الله لهما وبارك عليها وجمع بينهما في خير
اسأل الله ان يسعده في زواجه وان يصلح له زوجه
.. ..
وعقبالنا جميعا معشر العزاب

عصويد · #14 29/03/2009, 11:55 PM

مبروك ياشخص والله يصبر قلب سعيدة

اقول ابو النحاس ترا اللى رجلة تطول الثانية ماعاد يوقفة الا الرابعه

...][ هلالي الخبر ][... · #15 30/03/2009, 12:00 AM

الف مبروووك

وعقبال الشعب اللي هون