02/05/2009, 07:34 PM
|
زعيــم متواصــل | | تاريخ التسجيل: 07/09/2007 المكان: الجبيل
مشاركات: 68
| |
اذا طاح الجمل كثرة سكاكينة هالمثل ينطبق كثيرا على الكثير من ارائنا فارائنا كثيرا متكون وقتيه وعاطفية .. اعتقد واتمنى اني ما اكون من هالفئة وانتم الحكم .. رغم تحققينا لكأس ولي العهد و تأهلنا القريب الى دور الـ16 بدوري ابطال اسيا الى اني اعتبر هالموسم للنسيان .. واليكم تحليلي الشخصي للأسباب بدون ترتيب زمني لها ... اولا: كوزمين مافيه احد ينكر ان الأقالة الظالمة لكوزمين هي من اهم الأسباب اللي ادت لأنحدار مستوى الفريق . صحيح ان كوزمين مدرب كبير . ولكن بالنهاية دور المدرب وتاثيره في نتيجة المباراة لا يتعدى 30% والـ70% المتبقية تأتي من اللاعبين وهذا كلام كوزمين نفسه. ولكن اللاعبين رسخوا فكرة ان الفريق بدون كوزمين بيكون ضايع تكتيكا وهالشي كان مطلوب معالجته من الادارة ولكن الأداره نفسها كان عندها نفس القناعة وكذلك نحن الجماهير و هالشي يوصلنا للنقطة الثانية .. ثانيا : ليكنز دائما السي في او السيرة الذاتية للمدب مهمه ويجب دراستها بتأني . وللأسف اعتقد ان الأدارة ارادة التعاقد مع مدرب والسلام .. بالنسبة لي السيرة الذاتية لجورج ليكنز ما كانت مشجعة فهو فشل مسبقا مع قطر القطري ومع المنتخب الجزائري كما انه كان كثير التنقلات والأهم انه كبير سنا 59 سنة . وهو ايضا ضعيف الشخصية ..الكل شاهده امس يعطي المبررات لويلهامسون على تغييره وتارك المباراة والاولى تطنيش ويلهامسون وعدم الرد عليه. ثالثا : سياسة الأدارة بالتعاقدات . الأدارة مافيه شك انه ماقصرت بالمبالغ اللي دفعت باللاعبين الأجانب ولكن ... 50 مليون كثيرة بويلهامسون ... فهو مافيه شك انه لاعب تكتيكي واحط تحت تكتيكي مليون خط . ولكن هل هذا يكفي ؟؟؟ هل يعتبر ويلي ممول جيد للماهجمين ...؟؟؟ هل عنده القدرة على انهاء الهجمة بشكل صحيح ؟؟ كل هذي اسئلة يجب اننا نسألها .. ويلي موثر او غير مؤثر ؟؟ بالنسبة لرادوي .. فأعتقد ان كان صفقة ناجحة بكل المقاييس ولكن برحيل كوزمين . راح المخ مع كوزمين وبقة العضلات بالرياض .. سيول ..ما اعتقد انه ممكن يقدم اكثر من اللي سواه مع الفريق حتى الان . التايب ..رغم الأصابات والأيقافات ... الا انه الأجنبي الاكثر تأثيرا برأي الشخصي فالكثير من اهداف الهلال والكثير من الهجمات اللي ضاعت بسبب رعونة المهاجمين كانت بتمريرات حاسمة من طارق.. واللي مو مقتنع يرجع لأشرطة المباريات ويحكم. الهلال كان ومازال يحتاج الى ظهير ايمن بغض النظر عن المبلغ ... لإاذا كان نامي كلفنا 5 مليون ... فـ20 مليون بالمر او معاذ او حتى الرهيب ستكون مبالغ عادلة جداا جداا بالنسبة للمحياني هو اتى بوقته ... فالطموح غير موجود عند بدلاء الهلال ..الصويلح والعنبر والسعود .. لو كان الطموح موجود لما بقوا بدكة الأحتياط كل هالوقت. رابعا: سامي الجابر يؤسفني اللي يجي اليوم اللي انتقد فيه سامي ولكني انتقد سامي الاداري وحسب. ما اعتقد فيه احد ينكر العقلية اللي يتمتع فيها سامي الجابر . ولكن الخبرة لعبت دور كبير في اخفاقه. انا شخصيا احمله مسؤولية كبيرة باللي صار الكوزمين . اعيدوا اللقطات و بتلاحظون انه بينما كا كوزمين يتجادل مع الأمن الصناعي كان سامي يرسم الشماغ و ناسي ان الجدال اللي كان بين كوزمين والامن الصناعي كان امر اداري بحت وليس فني لكي يتولى كوزمين هالنقاش. حتى بعد مااتجه كوزمين للخروج من الملعب ماحاول انه يرجعه. هذا مثال واحد ولكنه خطأ فادح من سامي. انا بالنهاية لا اطالب الادارة بابعاد سامي .. ولكني اطالبها بمحاسبته على اخطاءه. خامسا: ياسر ياسر .. هذا موسم للنسيان ,,,, ماراح اتعمق بها النقطة فاللبيب بالأشارة يفهم اخيرا وليس اخرا الأمير عبدالرحمن بن مساعد: حتى وان خالفني البعض .. اتمنى منه التقليل من الظهور الأعلامي.. صحيح هو انسان يجيد التعامل مع الاعلام ولكن يجب ان يكون ظهوره مدروس ومقنن. وانا بالنهاية مع ابو فيصل حتى نهاية فترته ففكر عبدالرحمن بن مساعد ارقى واكبر من الفكر اللي تدار فيه كرتنا السعودية . اسف على الاطالة .. تقبلوا تحياتي |