|
وين نرووح (( للنقاش )) السلام عليكم ورحمة الله وبركاته أخواني أعضاء منتدى المجلس العام أنا من أكثر الناس الي تقرأ مواضيع في هذا المنتدى واليوم حبيت اشارككم بموضوع مهم جداُ للشباب وأتمنى نتناقش فيه ونشوف شنهو الحلول الممكنة وتفيدونني وأفيدكم وهو أن الشباب يعانون من وقت الفراااغ وطبعاُ كل إنسان لديه وقت فراغ ولازم يوسع صدره بهذا الوقت مومعقولة كل وقته يقضيه بعمل ولا بدراسة لازم شوي يوسع صدره وعندنا في السعودية وفي الخليج عموماً الشباب يحب يوسع صدره أكثر من غيره من شباب الدول الأوربية أو من شباب دول شرق اسيا مثل (( اليابان والصين )) وهذا غريزة فطرية فيهم مانقدر نغيرها بس يمكن الشاب السعودي أو الخليجي هو من أقل الشباب حاصل على الترفيه المناسب له يعني في الدول الثانية تشوف عندهم خيارات واسعة جداُ للترفيه ومنها (( ذهابهم للملاعب مثلاُ عندهم متعة مو صاحية خصوصاُ ان ملاعبهم داخلها اسواق ومطاعم وتعتبراُ ترفيه كبير لهم وكذلك التسوق وأشياء واجد لايسع المجال لذكرها )) صحيح أن منها أشياء نحن ضدها بحكم تمسكنا بالعقيدة الإسلامية وكذلك بحكم تمسكنا بالقيم الإجتماعية وأكيد حنا لانطالب بأن تكون لدينا مثلهم في بعض الأمور مثل المراقص الليلية والخربطة هذه بل نحن ضدها وبقوة ولكن لاإفراط ولا تفريط يعني مو معقولة الان كل شيء يصير للعوايل وللبنات ففقط خصوصاُ ان نسبة الشباب كبييرة جداُ جداُ في مجتمعنا لو فكرت أعدد الأماكن التي يمنع دخول الشباب فيها والله ممكن اجلس لبكرة وانا ماخلصت طبعاُ أنا ماأنكر أن مايوجد أماكن للشباب نعم يوجد ولكن ليست بالمستوى المطلوب يعني إ قهاوي وديوانيات وشرب شيشة ودخان وأمور سئية ومضرة غير كذا مافيه أدري الكل بيقول أن الشباب يضايقون العوايل ومشاكلهم واجد وأنا أعتقد أن أهم سبب لمنعهم هو مضايقتهم المستمر بالبنات بس أنا أقسم بالله أن لو ماكان فيه بنات تعطي الشباب وجه كان ماأحد فكر أنه يتحرش ببنت صحيح الشباب مخطئين بس حتى البنات لهم الجزء كبير جداُ في إنتشار هذه التحرشات والمعاكسات أخواني الأعضاء أنا اتأسف لوجود أي خطأ إملائي أو أن الأسلوب شوي لك عليه لأني ممكن خبرتي قليلة في كتابة المواضيع بس كما قلت لكم سابقاً أنا حسيت أن الموضوع هذا مهم وحبيت تناقشوني فيه وإن شاء الله ماتحرموني من مالديكم |
اجل لاعقلنا حنا <<ومن ثم عقلتوا انتو طالبو بأماكن *ـ*< نياهاهاهاهاها <<ضحكة شريره غض البصر زين وخل البنت تموت قهروتخيس بزينته مافيه احد معبرها بس لاقيتله خرفان وين ماراحت وين ماجت لاحقينه *ـ* شف وأنا اختك ابد لا جتن فلوس ان شاء الله بسويلكم سوق ومكتوب عليه للرجال فقط عشان تستانسون وتقهرونا (( بدال الاسواق الي حاسدينا عليه) ويتضمن هذا السوق نادي ومسابح وسوق كله ملابس رجاليه وساحة تفحيط للي يفحطون وجمبه مستشفى لهم وساحه للي يطعسون <قلب وجنبه محطة بنزين لتنسيم الكفرات وببنيلكم جيان < قلب وببنيلكم معارض للسيارات وبسوي خصومات خمسين بالميه والي تبون بس قولولي مقترحاتكم وانفذه وعشان مايزعلون البنات برضوه بسويلكم الي تبون ونفسهم بالضبط عشان لاتصير فيه حساسيات *ـ* هذا لاجاتني فلوس وصرت من اغنياء العالم عاد انتم انتضروا ياخوي ماقول الا الله يعينكم والله من جد مشكله يعني اشوف خوالي احسهم ياعمري مشردين طالعين مو عارفين وين يروحون بس يبغون يغيرون جو ولا دقيت عليه اكتشفت انه يا بالمقاهي يابالثمامه يابالتحليه وحدتن منهن اجل وشلون المدن الثانيه وحنا بالعاصمه ومافيه الا 3 الا ان كان فيه وأنا ماأدري ماأقول الا الله يعينكم ويعينا بعد حنا مافيه الا هالسوق غالبا هو الي يوسع صدورنا ومافيه حل الا انكم تقاطون كل واحد على ميه وعاد ماشاء الله وش كثركم سوولكم الي تبون <<حل مؤقت *ـ* |
إقتباس:
خلالالالاص بنقض البصر بس دخلونا <<<<<<<< بس هل البنات بيقضون البصر ؟؟؟ والله البنات دايم يخزون الرجال خز مو صاحي ولايستحون انا والله رجال واستحي احط عيني بعين بنت بهالشكل !!!! واحد من ربعي بنت حاطه عينها بعينه وبعدها استحى ونزل راسه وجات له وقالت بنت تنزل راسك <<<<< شوفي البنات هاليومين مايستحون للإسف طبعاً مو كلهم علشان مانظلمهم واللحين تبيننا ننتظر إلين ماتجيك الفلووس :d:d:d:d علشان يفتتح مشروعك !!!! والله يعين الجميع ويسعدنا ويسعدكم نورتينا يا(( غلاهم وماخذه حلاهم )) بمشاركتك |
إقتباس:
إقتباس:
بس بعض الشباب الله يهديهم تكون الوحده لاهيه في نفسها ويرمون كلام مال امه داعي !! شف اخوي والله شكلكم ماعندكم الا الثمامه او التحليه <<هذا عندنا في الرياض اما الشرقيه وغيرها تضيف لها البحر والكورنيش والسوق خلوه لنا لين يجيب الله مطر ... |
إقتباس:
هلا والله بهلاليه إلى الأبد وانا اعترف لك فيه شباب يغلطون وكذلك في بنات نفس الشيء يغلطون بس مااعتقد ان قرار المنع هو الحل انا والله اليوم شفت من التحرشاات والمعاكسات عند البوابات مالله به عليم وقدام الناس فيه بنات جالسين عند البوابات وكأنهم يقولون ياشباب تعالوا غازلوننا وعاكسوننا وطبعاُ الشباب جاهزين يعني مافيه فرق امنعوا ولا ماامنعوا القضية هذه موجودة ولا انحلت بس حرمونا على الفاضي |
^^^^^^^^^^^^^^ هذي المشكله فئه من الشباب يخربون ع الباقين اما البنات استغفر الله مادري وش يحسون به هم وحركاتهم قسم بالله وانا بنت اني استغرب على حركاتهم لا واذا جاء احد حارشها قالت قليل ادب هو صدق قليل ادب بس هي تستاهل البسي عبايتك مثل العالم والناس وماحد يجيك... |
إقتباس:
والله المحتشمات ماأحد يقدر يرفع عيونه عليهم بس إذا صارت البنت لابسه عباية مخصرة وداقه اللثمة والعيون مكحلة والله أكبر مطوع بينفتن فيها <<<<< والقهر انها مثل ماقلتي تزعل لو أحد كلمها !!!!!!!!! |
الشيء هذا فقط في الرياض عشان ما تلوموني في كرهي للرياض :( والله وين ماتروح تلاقي شيء يفتح النفس حتى في الخرج لكن سبحان الله الرياض اكتئاب خاصة للشباب :( .. بعدين من وقاحة بنات الرياض بيجي يوم يطالبون فيه حتى البر عوائل :( حرمونا من كل شيء حسبي الله ونعم الوكيل :( |
إقتباس:
ونورت موضوعي يا hilali-arsenali |
عاد سبحان الله بالشرقية وما تدري وين تروح ..؟ أجل وش نقول لشباب الرياض .. ؟ والله أنا أشوف الشرقية فيها الترفيه للشباب أكبر من الرياض يعني عندكـ البحر والهاف موون أطلع انت وأخوياك تعشوا برا عندكم صالات البلياردو والبولينج طيب يا عزيزي إذا مليتوا اطلعوا الاحساء يوم روحوا جبل قارا روحوا للجبيل الهيئة الملكية و الفانتير اطلعوا طلعة بر حول النعيرية روحوا الراشد :D يا عزيزي اللي يبي يستمتع ما أحد راح يعيقه حتى لو في بيتهم مع أخوياهـ أنت اصنع فلتكـ بنفسك مو لازم تروح سوق ولا شي طيب يللا علمني أنت وين تبي تروح ..؟ وش الشيء اللي تبي يحطونه لكـ عشان يضيع الطفش ؟ غير السوق طبعا عطني اقتراحات ..؟ بانتظارك |
لا تروحون مكان جلسوا في بيوتكم :yes: وكل واحد يمسك كتابه ويذاكر ويفك الناس من شره s13s / \ / \ شدعوة في اماكن كثيرة تقدر تروح لها . والله انت ولد وعندك سيارة وتقدر تروح اي مكان تبغاه شاليهات ، بحر، هاف مون، اسواق .كافيهات ،أندية رياضية تزاور مع اخوياك كل اسبوع دارية :d التحق بدورات وقت الفراغ :yes: عاشق 10 الموهوب:rose: ان شاء الله تستفيد من نصايحي :d |
إقتباس:
أنا أقصد أن يكون في أماكن الترفيه لنا وكذلك مايصير كل الأماكن نكون ممنوعين منها وبالنسبة للهاف مون و الصالات البلياردو وغيرها هذه نرووح لها بإستمرار بس مالمانع لو كان في خيارات أوسع وبالنسبة للبحر والكورنيش ماشاء الله حاسديننا اهل الرياض عليها بس بذمتك كم يوم في السنة يكون الجو كويس؟؟؟؟؟؟ وتقدر تروح للأماكن هذه أنا أتمنى أن يسمح لدخول الشباب لجميع الأماكن الترفيهه ولكن يكون فيه مراقبة قوية داخل هذه الأماكن ويكون عقواابات رادعة لكل من يخالف الأنظمة من كلا الجنسين المشكلة أن الطرف الوحيد الي ممكن يعاقب هم الشباب وأما البنات والله لو تسوي شتسوي ماراح أحد يكلمها كم نتمنى أن نشوف الشباب والبنات من أنفسهم يكونون عندهم مراقبة وخوف من الله عز وجل لأن هذا هو السبيل الوحيد لمنع حدوث التجاوزات الي جالسه تصير كل يوم في الأسواق وفي غير الأسواق واشكرك يالقيصر الرهيب على تفاعلك مع الموضوع ونورتنا |
معليش يا الحبيب بس بستقعد لكـ شوي :D وش أماكن الترفيه اللي تبيها البلياردو البولينج التنس و صالات التزلج ماهي أماكن ترفيه :D ..؟ تبي يا عزيزي أماكن ترفيه كل اللي فيها عوائل رح طال عمرك بعايلتك وش اللي يمنع .. ؟ وشكرا لك :D |
إقتباس:
ياهلا فيك ياباسكن روبنز منوره الموضوع بمشاركتك وردي مثل ردي على الأخ القيصر الرهيب بالنسبة للبحر والهاف مون وغيرها أما الدورات والدراسة وغيرها ممكن تكون في وسط الأسبوع أما اجازة اخر الاسبوع(( WEEKEND )) الواحد يبي يرتاح من تعب الدراسة ويغير جو |
إقتباس:
هههههههه والله يالقيصر اليوم اشوفك واقف ضد الشباب :d:d:d بس ترى بعض الاحيان الواحد يبي يطلع مع أصدقائه وربعه ومشكور يالقيصر على استقعادك لنا :d:d:d |
| الوقت المعتمد في المنتدى بتوقيت جرينتش +3.
الوقت الان » 12:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd