قبل اسبوع تقريبا بغيت ابحث عن رابط مباشر لفتح إذاعة القرآن الكريم من المملكة العربية السعودية .. بالأول لقيت رابط مباشر لإذاعة القرآن الكريم بس لدولة ثانية .. ما أدري من وين البث لان الإذاعة كلها قرآن و ما فيها بريكات و لا برامج و لا شيء .. حتى التلاوات متغيرة نوعا ما علي

خلال بحثي المتواصل لقيت موقع نسائي و مكتوب على صفحة البحث .. ( رابط لإذاعة القرآن الكريم من الرياض ) .. دخلت على الموقع و طبعا مكتوب على الرابط .. ( لا يمكنك عرض الرابط .. اضغط هنا للتسجيل )

قلت في نفسي لا حول حتى و الدعوة فيها أجر تبوني اسجل .. مو مشكلة نسجل .. قدنا سجلنا في مليون منتدى خربوطي و اخذنا حاجتنا و طلعنا .. جيت ( مدرعم ) أبي أسجل و طبعا أول شيء للتسجيل في أي منتدى إنك تضغط صح على ( الموافقة على شروط المنتدى )

جيت مقلع بأحط صح و حطيت موافق ... طلع لي ( عليك وضع صح في المربعين - أو شيء زي كذا ) انتبهت للمربع الثاني .. جيت أقراه و صار وجهي

مكتوب .. اقسم بالله إني بنت و الله على ما أقول شهيد و و و الخ الخ

جلست افكر شوي .. الدعوة فيها قسم .. لحظة نفكر ( تمهل يا ابني لا تجيب العيد )

كنت جالس في مكتبة الجامعة و قلت بس بأروح أنادي وحدة تحط صح بدالي

رحت لعجوز تشتغل في المكتبة و قلت لها ممكن خدمة بسييييييييطة بس بتفك أزمة

سألتني و قلت لها بس حطي صح على هذا المربع ..حسيت نفسي موسوس و أنا أسوي الحركة .. قالت لي sure .. من الحماس بغيت أقولها جزاك الله خير

حطت لي صح و بعدين قلت لها حطي ( موافق ) .. عاد يوم شفت انها فله و تضحك و مبسوطة .. قلت لها كمليها و اكتبي اليوزر نيم و الباسورد و حطي ايميلك بالمره

يوم خلصت سألتي .. ليش لازم أنا اللي أسوي كذا .. قلت لها و الله ودي اشرحلتس بس و الله ما فيني << ترجمته سعودية صميم

بعد كل هالزحمة .. دخلت على الرابط أشوف .. و طلع الرابط ما يشتغل .. عاد .. قلت خلني اهجول في منتداهم أشوف

طبعا الشيء الوحيد اللي اقدر اسويه هو اني افتح روابط و بس ما اقدر اشارك و لا اضيف ردود الين ما يفعلون اليوزر و هذا الشيء المطلوب

اللي جذبني في المنتدى هو إن فيه إعلان فوق مكتوب فيه ( مسيار أولاين .. أول موقع مسيار عربي ) .. عاد من اللقافة قلت خلنا ندخل نهجول فيه هو الثاني

أول ما تدخل الموقع .. تجلس تدلع إلى الليل .. جنسيتها و طولها و عمرها و وضعها الاجتماعي و كلشي

و نص البنات حاطين نبيه رجال غني .. نعنبو بليسكم همكم الفلوس و بس .. و كلهم حاطين رجال حنون و طيب و قلبه صافي .. تحس بعضهم تقعدوا في الماضي

المهم هذا الموقع .. وداني لبحر ثاني و هو طريقة تزويج المسلمات المغتربات و اليتيمات هنا

أنا ساكن في مدينة تورنتو و اطبق في هاليفاكس .. فيه شيخ مسجد اسمه الشيخ احمد .. رجل باكستاني مره متدين في هاليفاكس .. عرض علي مره بنت سورية تؤبر ألبي ..

بنت عمرها 19 سنة و يتيمة و مهرها ما يتعدى الألفين ريال سعودي و ما تبي الا الستر .. راحت لمركز اسلامي و قالت لهم إنها ترغب بالزواج و بحثوا لها .. عرضوها علي ثم على رجل ثلاثيني و تزوجها .. طبعا يوم عرضها علي أخذت رأي الوالد و الوالدة و قالي الوالد هذي لا تتزوجها .. خلها تصبر لي اجيب اتزوجها .. انتوا يا شباب اليوم ما منكم زواج

فيه شياب زاحفين واجد ..منهم مثلا شايب يصلي معنا في المسجد و يشوف باكستانيين و هنود و بنغالية و طبعا هذولي ما يتكلمون عربي هنا .. يجي هالشايب و يقوله .. كيف حالك صديق .. انتا في كلام عربي هههههههههههههههه .. على باله ان هذي لغتهم

مره سأل واحد قاله .. صديق انتا هندي .. رد عليه قاله لا بنقالي .. قاله الشايب امحححق .. و البنقالي مهندس و رجال عاقل

نرجع لمحور حديثنا .. و نقول أشوف إن ما فيها شيء لو بحثت البنت عن الزواج سواء عن طريق مركز اسلامي أو عن طريق النت إن كان عندها ظروف خاصة

بس أنا أبي آرائكم في الأسئلة التالية

1/ ما رأيكم بمن تبحث عن الرجل المناسب بنفسها؟ سواء كانت في المملكة او خارجها ؟

2/ ما هو رأيكم بزواج المسيار إن نفذ بشروطه الكاملة الموافقة للدين ؟ ثم ما هو رأيكم بتلك المواقع التي تبحث جمع المتزوجين بالمسيار ؟

3/ أخيراً .. لو كنت شاب .. هل تفضل أن تقوم انت بانتقاء الفتاة ؟ و هل ترى انه من العيب ان تطلبك فتاة للزواج؟
و لو كنتي فتاةً .. هل تتمنين أن ينتقيك الشاب بنفسه .. ام ينتقيك أهله ؟ هل ترين أنه من الحرج انتقائك للشاب بنفسك؟

شكراً جزيلاً

برايفت

افااااا شلكني حسدنا انفسنا .. انتظر 30 ثانية قبل ارسالة المشاركة .. مناااك بس

معليش عبدالله

أنت تسكت ولا كلمه

تأكل ساكت

وين موضوعك حق الاقتصاد ..؟

إقتباس الرسالة الأصلية كتبت بواسطة القيصر رهيب معليش عبدالله أنت تسكت ولا كلمه تأكل ساكت وين موضوعك حق الاقتصاد ..؟

و انت تاكل كت كات

القيصر

الجزء الثاني يبي له جهد عشان ينزل بشكل افضل من الجزء الأول

السلام عليكم ..،

حي الله عبدالله اجل تدور على مسيار وانت بـ كندا وش خليتو لنا حنا يالي بالرياض <= فاهم الموضوع غلط

تدري يا ابو عبيد اني قد عزمت اتزوج مسيار ودقيت على خطابة وقالت لي انا
مهوب حقت مسيار بس كم عمرك قلت لها بين الـ 20 والـ 25 قالت ياخي تزوج زواج اوادم
اذكركان عندنا دكتور وكان يدرسنا سلم المهم فتحنا معه موضوع الزواج وتكلم عن المسيار قال انه حلال
لكن بن باز قال هذا زواج الجبنا او زي كذا لانه ما يشهر الزواج المهم بالاخير قال الي يبي يتزوج ترى اعرف واحد يزوج مسيار

ووزع رقمه على الطلاب وقال فيه بنات كثير يبون يتزوجون مسيار واغلبهن مدرسات
اخذت رقمه وعلى اني بـ ادق عليه بس لـ يومك هذا مادقيت عليه والموضوع راح عليه سنتين

إقتباس 2/ ما هو رأيكم بزواج المسيار إن نفذ بشروطه الكاملة الموافقة للدين ؟ ثم ما هو رأيكم بتلك المواقع التي تبحث جمع المتزوجين بالمسيار ؟

انا صراحه ماني ضد زواج المسيار يعني فيه بنات كثير ما تزوجو وعندهم ظروف
مثلاً تكون مقطوعه من شجره وعمرها تعدى الـ 30 سنه هينا اشوف ان الزواج استر لها على الاقل تصون نفسها عن الحرام ،،

يا رجال حتى لو رحت تخطب عندك بالسعوديه الي يفكرون يزوجون مسيار ما يزوجون شباب اقل شي عمره يكون فـوق الـ 35 سنه اذكر مره واحد من الشباب يرسل على قناة زواج وتعارف ناسي اسمها تو عمره 23 وكاتب انا عمري 32 ومطلق وعزوبي وابحث عن تعارف صادق وقسم ان انواع المكالمات تجيه والي يقهرني ان بعضهن جادات

برايفت بريمكس
قسم ان المسن جيم معاد يفتح

عبودي

قسم بالله العلي العظيم أن ودي أصدق ان الرابط مكتوب عليه اذاعة القرآن الكريم
معليش بس اسمحلي .. أجل كل هالمشوار عشان تدخل الرابط؟ ليه ما فيه قوقل يحط لك الرابط أون لاين؟
المهم حنا شباب ونعرف وش يجينا مثل هالروابط خاصة انك بكندا وما تجيك روابط محجوبة مثل اللي عندنا
الله يهديك بس .. هذا اللي أقدر أقوله لك أيها الأخ ( كتبت "أيها الزنديق" بس حسيتني زودتها )

بالنسبة للمسيار .. فـ تراه موب شين .. لكن يا خوفي آخذ بالمسيار وحدة متزوجة غيري خمسة بنقاليين وأربعة هنود أجيها البيت ثم أشم ريحة أبو هنّود بالبيت
يعني بالعربي هالمسيار أحياناً يكون غطاء لممارسة الدعارة ويعطي الحرمة حريتها بشكل شبه كامل

طبعاً هالحالات قليلة .. لكن وش الله حادك تاخذ مسيار إذا وضعك طيب وتقدر تتزوج زواج يناسبك ويناسب أهلك؟
المشكلة ان اغلب حالات زواج المسيار تكون البنت تبي الستر ومن ثم تكون هي الضحية .. فبعد ما يخلص الزوج من اشباع رغباته يطلقها ..!

الله يصلح حالنا وحال المسلمين ..!

يا إخوان أنا ودي أوضح نقاط كثيرة لكم

1- أنا لست مع أو ضد زواج المسيار .. أنا شخص محايد و أريد وجهة نظركم

2- أنا ليست لدي رغبة بتاتاً البتة به

3- أنا لست مع أو ضد الزواج عن طريق الانترنت و إن كنت أميل نوعاً لما لأكون ضده .. و لكن هناك حالات ربما يكون هذا الزواج فيه خير و بركة و الله أعلم

4- بالنسبة للي يعتبون على عدم نزول الجزء الثاني و نزول هذا الموضوع ,, اقول .. موضوع الاقتصاد يبي له جهد كبير بعكس هذا الموضوع .. و إن شاء الله بينزل قريباً يعني الجمعة و فيها ( تعريف الجمعة فيها من قاموس راسي = من الجمعة إلى الأحد الجاي )

لالا ياعبدالله طلعت معرس مسياار << اعرج جتك الاشعات

إقتباس دخلت على الموقع و طبعا مكتوب على الرابط .. ( لا يمكنك عرض الرابط .. اضغط هنا للتسجيل )

لا حووول الا غصب نسجل اذكر اول ماطحت بالنت ابي فلم هندي ابحمله قالوا سجل اول واسحب عليهم الضحك عاد بعد كم سنه يرسلون اهلا بك نرحب بك في النتدى بالستاايل الجديد يحليلهم يذكرونن بعد

إقتباس مكتوب .. اقسم بالله إني بنت و الله على ما أقول شهيد و و و الخ الخ

واوووك ههههههههههههههههههههههه
الله من مره ومره يحول انا امشي واحلف
وانت على كيفك هي تجيب ذي توقع بدالك عاد الله واكبر اللي حلفة مقبول
هذا مثل اللي يحلف ويطلع لساانه

إقتباس اللي جذبني في المنتدى هو إن فيه إعلان فوق مكتوب فيه ( مسيار أولاين .. أول موقع مسيار عربي ) .. عاد من اللقافة قلت خلنا ندخل نهجول فيه هو الثاني

جذبك أجل << فيس ماسك خصره
طيب انا التوبك جابني للمنتدى بكبرة
عيني بعينك اجل اذاعة قرآن وحركات مسوي تمهيد <<

إقتباس فيه شياب زاحفين واجد ..منهم مثلا شايب يصلي معنا في المسجد و يشوف باكستانيين و هنود و بنغالية و طبعا هذولي ما يتكلمون عربي هنا .. يجي هالشايب و يقوله .. كيف حالك صديق .. انتا في كلام عربي هههههههههههههههه .. على باله ان هذي لغتهم

الله يرجهه هذا ذكرني بجدة صديقتي تعطية وصفة علااج تقول اقرية تقول ماعرف تقول اجل موب درستي انجليزي وراه ماتقرين تقول موب انجليزي المكتوب مدري وشو تقول مير اقلب الورقة والقاه عربي واهذره له وهي مستانسه << تقل انه ماتشبه سالفة الشايب سلك بس

إقتباس بس أنا أبي آرائكم في الأسئلة التالية

مستعدة ورابطة المحزم <<

إقتباس 1/ ما رأيكم بمن تبحث عن الرجل المناسب بنفسها؟ سواء كانت في المملكة او خارجها ؟

لا
مااش احسه اهانة << لا لا وخر عن بس

إقتباس 2/ ما هو رأيكم بزواج المسيار إن نفذ بشروطه الكاملة الموافقة للدين ؟ ثم ما هو رأيكم بتلك المواقع التي تبحث جمع المتزوجين بالمسيار ؟

المسياار صاير كنه عرفي كل من طرى براسه قام واعرس
المواقع تسذوب اربدي

إقتباس 3/ أخيراً .. لو كنت شاب .. هل تفضل أن تقوم انت بانتقاء الفتاة ؟ و هل ترى انه من العيب ان تطلبك فتاة للزواج؟

أصير شااب
والله زين اختاره بنفسي عشان ماتطول الدعاوي اللي مزوجن اياه لا تهاوشنا

إقتباس و لو كنتي فتاةً .. هل تتمنين أن ينتقيك الشاب بنفسه .. ام ينتقيك أهله ؟ هل ترين أنه من الحرج انتقائك للشاب بنفسك؟

هاهـ
نعم ينتقيني هو


الله يوسع صدرك كندا
ولا عاد تسحب الحريم يوقعون لك

البقايا ..

إقتباس الرسالة الأصلية كتبت بواسطة رائدة الزعيم أنا معصبة تحمسنا على موضوع وتوعدنا بجزء ثاني ثم تنسى والمصيبة تنزل موضوع مختلف جداً بالنسبة لموضوعك هذا مع أن المفروض مانرد علية لين تنزل موضوعك اللي وعدتنا فيه أنا أشوف أن الزواج عبر المجلات المواقع التلفزيون أو أياًكان فاشل لأنه مستحيل بيعطونك طباع حقيقية أنا بنت حلوة <<طيب القرد في عين أمة ورد أنا قلبي طيب<<أكيد بتشوفين نفسك طيبة القلب حتى لو كنتي زعلانة على ثلاثة أرباع الأقارب ومسببة بينهم مشاكل أنا أنيقة<<<أكيد حتى لو كنتي ما تفهمين في الأناقة بيعجبك ذوقك في اللبس يجيك هو.. أنا لطيف <<<حتى لو كان العصا بيدة أربع وعشرين ساعة ورومنسي << حتى لو كان مفهوم الرومنسية عندة باقة كراث وخس يدخل بها على زوجته وهو جاي من الدوام أنا كريم <<< حتى لو كان جوالة ذاك اللي كنه هوائي من كبرة أول مانزلت الجوالات وماياكل الا وجبتين منعاً للأسراف أنا حنون << حتى لو كان لي مر عنده بزر كشر بوجهه ونفخ علية وشاته الا هو واصل الجيران ما عندنا بزران يجلسون مع الكبار اللي بأقولة أن أغلب الصفات صفات فاقد الشيء صح فية نماذج مثل ما ذكرت يتيمة مغتربة هذي ضروفها إستثناءية وممكن تاخذ شاب عادي أو يتيم ونفس الشيء للرجل لكن الأغلبية ما خذينها متعه وتحايل على الشرع ما فيني من يجاوب على أسئلتك لأني زعلانة منك على الموضوع اللي مانزلته الكلام اللي فوق لأني ما أعرف أسكت حتى لو كنت زعلانة بالحب والإشراق

حتى انتي زعنانة بعد

ألحين كل هذا على زعلك

مو لازم ترضين أجل

هذا عبدالله ؟!!!

مين اللي تغير ؟؟ عيوني والا انت !!!

كأني لأول مرة أقرأ لك !!