السلام عليكم ورحمة الله وبركاته ..



اول شي حبيت اقول لي مدة وليست بسيطة اني مبتعد عن المنتدى العام ...


اسمحولي ان اتكلم بالعامية ...



روتيني اليومي او اغلب روتينا ممل جدا جدا جدا ..

بتكلم عن نفسي تقوم الصبح بالطقاق تركب السيارة تشغل fm برنامج بك اصبحنا كانكم تعرفونه .. .؟توصل المدرسة تلقى
80% من الطلاب برا يدخنون للاسف تهز راسك وتخش المبنى
يسجلون تأخر اذا تأخرت .. تدخل الفصل تقول السلام عليكم ما يرد الا 3 وعليكم السلام والباقي برا ( هذا حال طلابنا)

اذا رن جرس الفسحة تشوف الطلاب يركضون بشكل موب طبيعي غير اللي منحاشين قبلها ب10 دقايق بس ترا انا ما انحاش معهم
.. اما وقت الصلاة للاسف وقت الاقامة ما تشوف الا القليل من الطلاب في الصف الاول والبقية ما يجون الا في الركعة الثانية او الثالثة وجايين غصب ..

تطلع بعد 8 حصص دوام توصل البيت الساعه 2:15 تتغدا
بعدين تفتح فنون تناضر طاش6 اذن العصر تروح للمسجد ..
ترجع .. تنوم تقوم العشاء .. (للاسف صلاة المغرب اكثر الايام موب في وقتها ) تصلي المغرب واذا مدانا على العشاء في المسجد رحت ..

بعد العشاء .. اقعد على النت بعدين تلفزيون تناضر الجولة وبعد طول انتظار عشان تشوف برنامج يجيك فيصل بنت تركي ويقول.. من اللي يحلمون

خلصت الجولة .. اقعد على النت الين انوم الساعه 1 ليلا او 2 ..

وكل يوم نقول اليوم يتغير الروتين لكن بلا فائدة ما تغير ..

كثير مننا يروح يومه بلا فائده وانا واحد منهم ... وش الحل ..؟


من كثر الفراغ حبيت اقول بيتين شعر من تاليفي .. اقول فيها ..


تعبت من دنيا غدت دون الوان .. عايش بين الهم وميت من القهر

قلبي ما غير يشيل الغم والاحزان .. وعيني ما ترافق الا الدمع والسهر .


وسلامتكم ...


المقصد من الموضوع ...

1. تضيع وقت
2. تضيع وقت
3. تضيع وقت
4. ابي حل ؟؟
5. افضفض ولو بشي بسيط لان علماء النفس يقولون ّ<< بدت الفلسفة .. يقولون اذا كنت متضايق او في خاطرك شيت كلم حتى لو مع جدار

هلا والله مشعل يا قدمك يا شيخ قسم انك غبار
هالايام كل ما اقابل واحد يقول طفش ملل روتين لدرجة ان شباب الاستراحه
قررو يستاجرون ملعب مرتين او ثلاث مرات بالاسبوع يكون الايجار شهري
عشان نغير جو ونلعب كرة قسم بالله ضيقة صدر وخلق حتى البلوت كرهتها
والافلام شفناها كلها معاد فيه افلام حتى لكن حاول تشغل يومك واكيد بيروح
الروتين يعني سجل بنادي لياقه اي شي تسويه عشان تضيع هالروتين

والله يعينك مشعل

إقتباس الرسالة الأصلية كتبت بواسطة هامور البورصه هلا والله مشعل يا قدمك يا شيخ قسم انك غبار هالايام كل ما اقابل واحد يقول طفش ملل روتين لدرجة ان شباب الاستراحه قررو يستاجرون ملعب مرتين او ثلاث مرات بالاسبوع يكون الايجار شهري عشان نغير جو ونلعب كرة قسم بالله ضيقة صدر وخلق حتى البلوت كرهتها والافلام شفناها كلها معاد فيه افلام حتى لكن حاول تشغل يومك واكيد بيروح الروتين يعني سجل بنادي لياقه اي شي تسويه عشان تضيع هالروتين والله يعينك مشعل

يوووووووووووووووه


والله زماااااااااان يا هامور ..


والله مثل ما قلت كلن يقول ملل وملل .. والله يعيننا جميع ان شاء الله

ونور الموضوع بوجودكـ


لا تقاطعنا

اي والله انك صادق ياشعووووول

كل يوم على نفس الحال
حتى صرت اقوم من القيلوله بالضبط كل يوم نفس الوقت
الله يعديها على خير ذا الحياه

لاعدمناااااااكـ

وعليكم السلام ورحمة الله وبركاته

شف يا مشعل .. مانيب قايل مثل الشباب اللي قبلي ..
فقدناك ومدري وشو ..
لاني بصراحة ما فقدتك !!
وش فيك تناظر؟
انا صادق ما فقدتك وما دريت عنك اصلاً ..
حتى يوم شفت يوزرك قلت وش ذا البلشة ، وش يبي منزل موضوع ..
/،






^
^
^

شرايك فيني .. كسرت روتينك صح



شف يا كبتن مشعل .. ان جيت للجــد ..
فأنت اللي تختار يومك بنفسك ..
ما عندك جدول ولا هدف ..
يومك كله نوم في نوم ..
اجل فيه احد يقيّل 3 ساعات !!

عموماً أنت ( طــالب ) يعني شغلتك بالحياة تداوم الصبح بالمدرسة والمسا تذاكر اللي درسته الصبح ..
لين ما تتخرج عاد تعال قل لي روتين وخرابيط ..

إقتباس الرسالة الأصلية كتبت بواسطة (((أخلاق سامي))) السلام عليكم ورحمة الله وبركاته .. افضفض ولو بشي بسيط لان علماء النفس يقولون ّ<< بدت الفلسفة .. يقولون اذا كنت متضايق او في خاطرك شيت كلم حتى لو مع جدار

الجدار أنت (معصب )

بعدين يا أخي انت طفشان حنا وش دخلنا ( نفس الفيس المعصب )

طق رأسك بكل الجدران

أنت وجهكـ

ولا جاك الثاني هامور البورصة يقول فكرنا نستأجر ملعب كرة قدم

أووووووووووما كرة يا سيبويه ارحمننننننني

يللا بس ضفوا وجيهكم يا الشيون

والله إذا لقيت حل للروتين عطني أياه

99% من الشعب السعودي يعانون من الروتين

يعطيكم الف عااااااافية..




كان هنا حلوه حركتك ...ض1ض1

يالقيصر وش عندكـ على كتكات هاليومين ..؟

إقتباس الرسالة الأصلية كتبت بواسطة القيصر رهيب الجدار أنت (معصب ) بعدين يا أخي انت طفشان حنا وش دخلنا ( نفس الفيس المعصب ) طق رأسك بكل الجدران أنت وجهكـ ولا جاك الثاني هامور البورصة يقول فكرنا نستأجر ملعب كرة قدم أووووووووووما كرة يا سيبويه ارحمننننننني يللا بس ضفوا وجيهكم يا الشيون

بالله هذا رد ادمي قسم بالله طلاب السنه التحضيريه مسوين قلق
لا ومن زين الوجه منزل موضوع يقول فيه زقزقة العصافير والي قاهرني
ان الاعضاء يقولون الله جميل رائع ياعمي اي رائع واي جميل واي زقزقة عصافير
بعدين وراك تمشي وتقتبس وتقعد تحفر بردوودي ياخي عاد موضوعك ماعجبني
غصب اقول حلو وجميل عشان معاد تقتبس ردوودي وتحاول تطلع غلطه او زله
اقول يللا بس ضف وجهك وجسمك الكبير علاوي قسم اني ضحكت ع ردك استمر على هالموال خلنا ننتف بعض بالمنتدى

إقتباس الرسالة الأصلية كتبت بواسطة هامور البورصه بالله هذا رد ادمي قسم بالله طلاب السنه التحضيريه مسوين قلق لا ومن زين الوجه منزل موضوع يقول فيه زقزقة العصافير والي قاهرني ان الاعضاء يقولون الله جميل رائع ياعمي اي رائع واي جميل واي زقزقة عصافير بعدين وراك تمشي وتقتبس وتقعد تحفر بردوودي ياخي عاد موضوعك ماعجبني غصب اقول حلو وجميل عشان معاد تقتبس ردوودي وتحاول تطلع غلطه او زله اقول يللا بس ضف وجهك وجسمك الكبير علاوي قسم اني ضحكت ع ردك استمر على هالموال خلنا ننتف بعض بالمنتدى

يا أخي ما أقدر أصير قليل أدب مثلك

أنا رومنسي يعني قلبي ما يطاوعني أصير قليل أدب فديتني شو مهضوم