اولا : كلنا اليوم شاف المبارة، وانا من رأيي الشخصي انو المنتخب لعب بطريقة جيدة وعادلة وبصراحة شفتو احسن مستوى وانظباطا ممن كان عليه في عهد الجوهر، بعدين لا ننسى يا شباب انها اول مبارة للمدرب وانا اقول لو كانت المبارة الودية الخامسة او السادسة راح تكون قليل بعد،هذا منتخب مو بسهل انك تفوز وتظبط تكتيك ولعب من مبارة واحدة.

اثنين : الاصابات عامل ثاني والله ، والله يكون في عون المدرب ، وبكل صراحة هزازي وصالح بشير يبغالهم مباريات دولية عشان يتعودوا على الاجواء الدولية.

احب اقول انو الاعبين ماقصروا كلهم واكثر شي عجبني واثار اندهاشي انو كل مايتبدل لاعب ويدخل لاعب بدالوا يكون احسن وافضل وهذا يدلك انو في لاعيبة كفو بس يبغالهم التوليفة الي تقدر تخليهم يلعبوا لعب حلوا، وانا هنا اشبه المنتخب السعودي بالمنتخب الانجليزي ايام تصفيات كاس اوروبا عندما خرج من التصفيات وكيف وقت ما اتى كابيللو غير طريقة اللعب بالكامل مدرب ذكي ماكر بكل ماتحمل الكلمة من معنى، يارب يكون الحل عند بيسيرو.