السلام عليكم ورحمة الله وبركاتة .. في هذا الصباح الجميل قابلت عبالعزيز الكلثم طبعًا بالصدفه ولم يكن بميعاد وهذا ما حلى الموقف .. طلعت من الجامعه أنا وصديقي .. بعدها وصلنا لمحطه لنشتري بعض الاغراض .. < أكيد ريثما صديقي يشتري وأنا خارج البقالة أشوف لعيبه عليهم تيشرت أحمر .. جاء على بالي على طوووول نادي الرائد وتخليت الكلثم .. بعدها نزلت ودخلت البقاله . كالأب عندما يبحث عن ولده .. تنظرت وتنظرت .. وآخيرًا وجدته .. شفته مع لاعب ما أعرفه أنتظرت حتى يكون لحالة .. بعدما اللي معه طلع ذهبت له وبصراحه قابلني بكل أدب وأحترام وطيبة قلب .. سمعت عن عبدالعزيز كثير بس تغير كل شيء بعدما قابلته.. بصراحه طيب لأبعد درجه .. سئلته عدة أسئله : بالبداية قلت له أين الكلثم ؟ قال أنا قدامك ما تشوفني سئلته عن وضعه وهل هو مرتاح ؟ قال الحمدلله وأنتظر عودتي للهلال ..
قلت له يرضيك وضع الهلال الان؟
قال لاتخاف الهلال ما يبين إلا بالوقت الحرج وتوقع تأهل الهلال عن مجموعته ..
بعدها قلت له يا عبدالعزيز أبقولك وجة نظري ورد علي إذا خلصت ..
بعدها قلت له إشوفك تقلد طارق كثير _ طبعًا أنا ملاحظ كذا ممكن غيري ما يرى ؟
قال طارق نجم كبير وقدوة لنا وما تتصور كيف تعامله مع الاعبيه .. وقال أن هناك لاعب كان سينسق لكن التايب انقذه وافهم يا فهيم لكن أحترم وجه نظرك وأنا لا أقلد أحد سئلته عن الدوري من يتوقعه للهلال أو الاتحاد؟
قال البطوله هلاليه _ بصراحه واثق من كلامه بشكل ما كنت اتوقعه_
وبالاخير سئلته من يريد أن يبقى طارق التايب أو غيره في الهلال الموسم القادم؟
قال ابغى التايب معنا على طول .. "" قلت له وأنا ابغى ردة فعله يعني مش من قلبي "".. قلت طارق كبير بالعمر .. قال العقل أهم من العمر والله سكتني .. والحمدلله أن لعيبة الهلال يحسون بقيمة طارق .. سئلته وقلت الجمهور يرى فيك أنت والفريدي وعبدالعزيز الدوسري مستقبل الهلال
وش يمثل لك ؟
قال إن شاء الله نكون عند حسن الظن وجمهور الهلال فوق رأسي ..
طبًعا فيه كلام مشفر لم أذكره ما أقول إلا الله يسعدك يا عبدالعزيز وأعتذر منكم على ركاكة الاسلوب كتبت الموضوع على عجل .. بصراحة دار نقاش طويل بس هذا اللي ذكرت .. وصوّرت عبدالعزيز لكن رفض أني أنزل الصورة .. و الله على ما أقول شهيد .