من عنده معلومات عن كاميرات الفديو ..؟
 

أخواني الزعماء انا إن شاء الله ناوي على شرى كاميرا فديوية..

فالرجاء الي عنده معلومات عن :ـ

1 ـ أفضل نوع من الشركات ..... مثلاً ( سوني ، هيتاشي ، توشيبا ...) .

2ـ من ناحية السعر .. والخدمة ما بعد البيع .. ( أفضل الوكيل .. والا محلات تجارية ..) .

3ـ وين ألاقي أقل سعر .. وبيع ممتاز ..( للمجربين ) .

4ـ اذكر بعض الأنواع شاشتها كبيرة وأنواع اخرى صغيرة أيهما أفضل .. وهل الأشرطة التي يسجل عليها كلها واحد والا تختلف .. وهل الكاميرا الكبيرة لها أشرطه كبيرة والصغيرة على العكس ..

5ـ هل أجد النوع المفضل والمطلوب للشراء في القصيم أم لا ..

6ـ أي معلومات أخرى ترى بحاجة كل معلومة .. مثلاً ربط بالحاسب .. ربط بالفيديو والتلفزيون .. الخ........




ولكم مني جزيل الشكر والتقدير ..

ولك مني جزيل الشكر والتقدير ..
على المعلومات المفيده

والله ما أقدر أفيدك عن الموضوع كثير

بس احرص على الديجتال وتوصيلات الكاميرا مع الكمبيوتر

يعني تصور فديو .. وصور عادية

الأخ العزيز مثل القمر ....
أنا أبحث عن معلومات فكيف تقول شكراً على المعلومات..
لك ألف تحية ..

الأخ العزيز ومشرفنا الكبير الإعصار( مدير التطوير والمتابعة )....

مشكور وما قصرت على طلتك على الموضوع لكن الي تقول شكلها بخمسة الآف وحوله .. وأخوك يالله دون الثلاثة..

للمرة الثانية مشكور ..

اذا كان فلوسك حول الثلاثه خذ سوني صناعه ماليزي
والصناعه الياباني نار نار بس ماعليها كلام
هذا اللي اقدرافيدك فيه

الاخ sa999as
عليك بالسوني ، انا مشتري سوني قبل 10 سنين والله نسيت ب4000 او 5000 ريال والان شغاله احسن ما يكون ولا عمرها خربت ( ما شاء الله لاجيب العيد ) و تشتغل على الكهرباء او على بطاريه ، والبطاريه يعاد شحنها اذا فرغت زي بطارية الجوال ، اما الكميرات الحديثه فهي بالتأكيد فيها مواصفات افضل ولكني لا اعرفها .
اما الاشرطه فهي متشابهه لكل الكمرات وتعمل مع اي كمره ,
اما السعر فهي ارخص عند الموزعين من الوكاله .

هذا اللي اعرفه ، و المعذره .

سبق ان سألت عنها في الأسواق مثل البطحاء غاليه وما فيه صناعه ياباني الأ نادر مثل السوني حصلته بسبعة الاف صناعه ماليزي بس مواصفات حلوه اما عمله ما ادري هذا بالنسبه للموزعين
اما الوكاله ياباني 100% بس غاليه
انت بالقصيم رح للعنيزه او بريده بس طبعا ماهو مثل سعر اللي بالرياض

الأخ العزيز صمت العيون ...

مشكور أخي الغالي على ردك وعلى المعلومات التي وافيتني بها ...

شكلك تقول لا تشري إلا يابانية فقط.. وسوني بعد .. ( والله ياليت أقدر وأنا سوف آخذ كلامك محمل الجد والبحث )..

لك ألف تحية يالغالي..

الأخ العزيز mso ...

مشكور يا غالي على ردك على سؤالي ...

لكن ماشاء الله عليك عندك كاميرا من عشر سنوات ولا علمتنا .... ( صورني ).. جنب السيكل حقي .. (( قبل عشر سنوات )) الله يحفظه لك ياخوي ..



المهم والكلام للجميع الحين الزووم وصل 550 على ما أعتقد .. والمواصفات زادت .. واناإن شاء الله سوف أشتري بحدود الثلاثة آلآف وحوله لأني ما ني متهور بشيء أستخدمه مرة بالشهر ..
وهذا الكلام لأني عرفت منكم ومن زملاء على الموصفات والسعر كما هو موجود ..

ولكم مني أجمل تحية ياغالين ..




ــــــــــــــــــــــــــــــــــــــــــــــــ
اللهم وفق هلالنا في يوم الجمعة مساءً أمام الفريق الكوري .. يارب الكاس هلالي .....آمين ..
ــــــــــــــــــــــــــــــــــــــــــــــــ

Please see this link :

http://www.sony-middleeast.com/handy...trv520e_fs.htm

أخوي أنصحك تاخذ سوني .