السلآم عليكم ورحمة الله وبركـآتـه ،'

مـسـآء / صـبــآح الخـيـر



شلونكم / شخباركـم .. ؟



المهـــم ،'

الاسبوع الماضي و أنا جالس في المحاضرة

زين إني كنت حاط الجوال على وضع ( اششش هدوووء )

<- اسم الوضع الصامت في جواله

ألا شوي و دق جوالي رنة و سكر

قلت أقوم أشوف مين المتصل ولا أخليه لـ نهاية الكلاس

قلت لا خله بعدين أخاف يفوتني شي من شرح المدرس

<- أخس يا مجتهد

و لما طلعت شيكت على الجوال

و شفت المكالمات التي لم يتم الرد عليها

ألا أشوف رقم شـ طوله

00923434745129

قلبت الجوال و عدلته والله للحين طويل الرقم :7:

المهـم لما وصلت البيت دورت في Google عن فتح الخط

عشان أعرف من أي دولـة

ألا أشوف بلااااااوي عن فتح الخط هذا :22:

و هذا جزء بسيط من اللي لقيته :23:

،'



،'

طلعت السالفة فيها احتيال و نصب و شعوووذة :38:

أذكر كنت أقرى عن أفارقة يتصلون يقولون لك فيك سحر

و أنا راح أساعدك بـ العلاج بس تدفع لي فلوس و مادري ايش

<- عليهم نصبات مثل وجيههم

حتى ع الايميل دايم تجيني رسايل مكتوب فيها

إنك ربحت 24 مليون يورو و سجل اسمك و عنوانك

و لا وحدة مات أبوها و ورثت 20 مليون تبيني أرسل لها اسمي و معلوماتي

<- طيب أنا شدخلني لحووول شهالحالة

أخاف بكرة واحد يرسل لي يقول لي توني مستلم مكافأة الكلية

ارسل لي معلوماتك عشان نتشارك فيها

،'

حطيت الموضوع منها لـ تحذير الأعضاء من هذهـ الأرقام

و منها نشوف إذا أحد جا له اتصال من هذا الرقم

،'

تفضلـــوا . . هنــا مساحة حرة تسعد بـ حضوركـم ،'

يالعنبو بليسهم ماخلو خلق الله في حالهم

زين انك ماطلعت من المحاضره

بس الحمدلله ماقد مر علي مثل كذا

بس اذكر مرا تجيني اتصالات من رقم دولي ومسجات انقلش

في النهايه صارو اهل شغالتنا يعرفون رقمي

مشكوور ع التحذير

بنت فهد

ايوه كم مره اتصلو علي

واتصلت على 905 اسالهم اي مفتاح لانو يمكن احد اعرفه او حاجه

قالو لا تردين انو شعوذه ومدري ايش

ولله يفكنا من شرهم

الله يكفينا الشر
لحد يرد عليهم ماوراهم الا البلاوي الزرقاء

تصدق وااحد دق علي يقول وانا اصلي الاستخاااره طلعلي رقمك في الصلااه <<الظااهر حلم مهوب صلااه
المهم قالي انت مسحوور قلتله طيب عاادي انا ماعندي اي مشكله قال لا عندك مشكله انت مسحوور قلتله طيب والمطلووب قاال اذبح خروفين وحولي 1200 قعد يخرف شوي وقااال اذا ماسوييت اللي طلبته بيصيرلك شي موب زيين قلت احسن
طوط طوط طوط طوط وطوط
صكيتها في وجهه ولاعد دق

المههم نصيحه الارقاام اللي زي كذا لاترد عليها لان بعضهم ينشبوووون

الله يستر بس

أيه أنا دايم يدق علي ويقطع

وأنا أسحب عليه ولا أدق عليه


ما أقول ألا الله يحفظنا

ايه جانا اتصالات كثيره من هالنوع
ومرره جا اتصال للوالد
ويقوله انك مسحور ولازم ترسل مبلغ مالي عشان اساعدك
وافك السحر
عاد الوالد قام يستهبل عليه
يقوله كم رقم الحساب حقك عشان ارسل
استانس هالافريقي وقاله رقم الحساب (على فكره الاتصال كان على حساب الافريقي )
بعد ما اخذ الوالد منه معلومات واستهبل عليه شوي
قاله نصاً(انا لازم اكلم ماما انا صغير ما اعرف مصلحتي وقاعد يسوي انه يصيح )
قام الافريقي من القهر يسب ويلعن لان الوالد خسره مكالمة وشلون صغير والصوت صوت رجال