الزمان يوم من أيام عام 2060 م
الحفيدة : جدو تامر..ازيك...وحشتني اوي..حلو البدي اللي أنت لابسه ده..
بس ده موضة قديمة ياجدو.
الجد : يابنتي أنا راجل دقة قديمة وبالبس حسب ماجيلنا اتعود...وحسب
التقاليد القديمة بتاعتنا.
الحفيدة : أيوه بس ماتحس أنك مخنوق وأنت لابسه؟؟؟
الجد : أبدا يابنتي ده هو اللبس المحتشم المفروض أن الكل يلبسه
ويحافظ عليه..فين أيام زمان يوم ما كنا نلبس البدي اللي مبين البطن
والظهر بس
مع البنطلون السترتش الجلد والجوانتي
الجلد كانت حاجة آخر رونشة.
الحفيدة : ده كانت عادات غريبة..؟.
الجد : وهو أنتي فاكرة أيامكم دي أيام..يابنتي دي أيامكم مايعلم بيها
الا ربنا..فين أيام 2002م هو الواحد فينا كان يستجري يشرب سيجارة بنجو
والا يسحب له سطر بودرة قدام أبوه...طب دي الدنيا كانت حتنقلب ساعتها
أمال ايه ..دا كان فيه حاجه اسمها أخلاق.
الحفيدة : معقول ياجدو للدرجة ديه؟؟
الجد : أمال انتي فاكرة ايه...وبعدين الست ماكانت تلبس اللبس الخليع
بتاع اليومين دول..
يعني الجيبة ما كان يقل طولها
عن شبر ونص ..وكانوا الستات يلبسوا فوقيها بلوزة باستمرار مش زي دلوقتي؟؟
الحفيدة : وايه كمان ياجدو؟؟؟
الجد : ح أقول ايه والا ايه..يعني خدي عندك مثلا..زمان كنا نسمع الطرب
الأصيل لمطربين حقيقين زي مصطفى قمر وعمرو دياب وكانت الأغنية مدتها
أكثر من دقيقتين متواصلتين من الطرب الأصيل والموسيقى الهادئة
اللي تعمر النافوخ بصحيح.
الجد : وبعدين كنا نسمع الأغاني على حاجة اسمها اسطوانة ليزر..ودي
صحيح انقرضت
بس كان ليها طعم عن دلو وقتي...ياسلام لما كنا
نسمع الوكمان ونعلقها في حزام البنطلون ونمشى في الشارع كده..كانت أيام جميلة
الحفيدة : حكاويك ممتعة ولذيذة ياجدو..ثانية وحدة بس لما أصحي سوسو
صحبي لأنه بايت معايا في الأودة من امبارح;) ;) ;)
وبعد عدة دقائق ...هاه ياجدو كمل..وبعدين.
الجد : أحلى أيام بقى كانت أيام الدراسة..الفصل كان على أيامنا رايق
ستين سبعين طالب
وكنا ساعتهابنعرف نفهم الدروس كويس مش
زي دلوقتي..وكانت مصر أيامها الشوارع فاضية لأن مصر كلها كان تعددها
70 مليون مش أكثر..تخيلي بقى الروقان اللي كنا فيه
.
الحفيدة : سبعين مليون بس؟؟؟;) ;)
الجد : أمال ايه..عشان كده كانت كل حاجة رخيصة..يعني مثلا أثخن جوز
جزمة-وأنتوا بكرامة- بـ250 جنيه..والواحد يقدر يشتري شقه بـ150 ألف
واكن الدولار بخمسة جنيه بس..تخيلي؟؟
الحفيدة : ماهو عشان كده الزواج كان على أيامكم سهل خالص!!.
الجد : أمال ...ده الواحد مننالما يوصل 35 سنة يبتدي يفكر في الجواز
على طول وماكان عندنا الأفكار الغريبة بتعاتكم دي الوقت زي أن
البنت لازم تعيش مع الولد كم سنه قبل الجواز
علشان
يتعرفوا على بعض زيك أنتي وسوسو صاحبك..انا شايف أن ده وضع مش لطيف
ده حنا البنت على أيامنا ماكانت تتأخر عن الساعة أربعة
ده بباها كان ممكن ساعتها يخاصمها.
الحفيدة : ده انتوا كنتوا ملتزمين خالص ياجدو ؟؟؟
الجد : يابنتي ده حنا اتربينا على الأخلاق والعادات والتقاليد...
يعني كان الواحد مننا لما يدخل الأسنسير ويلاقي جاره ممكن يصبح عليه
ومش بعيد كان يسأله عن أحواله
..وكانوا أهل الفن محتشمين أوي
وكانوا ديما يطلعوا بالكمومبليزون والمايوهات البيكيني..وكان
التلفزيون لا يمكن يعرض أفلام جنسية في لاسهرة زي كل حميس وحدزي دلوقتي
والمذيعات كانوا يقعدوا جنب الضيف مش على ركبته زي دلوقتي
هي يـ يـ ـه الله يرحم دي أيام.
الحفيدة : رايح على فين ياجدو؟؟؟
الجد : أصلي كنت موصي الجزار على اثنين كيلو لحمه وأديتوه ثلاثة الالاف
عربون وعايز أروح أطمن اذ او صلت اللحمة والا لا...تشاو..سي يو.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـ
تقبلوا تحياتي أخوكم/المـــتهــــور
[gl]لاتنسوا لنا لقاء مع الجزء الثاني....باي .[/gl]
ايه حيصل عام 2060 م ؟؟؟ (الجزء الأول). 
ــلتوني.
الوضع العادي
