20/03/2009, 02:38 PM
|
| زعيــم متواصــل | | تاريخ التسجيل: 02/01/2009
مشاركات: 96
| |
..: ريــم الـ خ ــبــر :..
كل ما زولـك علـى بالـي خطـر
ثارت الذكـرى علـى نهرالدمـوع
وانحدر من حجر عينـي وانهمـر
نهر يجري مـن براكيـن الضلـوع
من يعيش الحـب يضنيـه الهجـر
والمواصل بلسـم القلـب الجـزوع
دارت ايامي علـى جفـن السهـر
من غروب الشمس الي وقت الطلوع
مامعـي غيـر التوجـد والصبـر
والامل تضـوي دياجيـره شمـوع
ياربيع العمرعشـت اجمـل عمـر
ليت عذبات الليالـي فـي رجـوع
انت ِ مثل البدر في نـص الشهـر
لا تجلى البدر فـي عـز السطـوع
ماهوى قلبي سـواك مـن البشـر
ولا سواك اللي له الخافـق يطـوع
لو صدفني ريـم غضيـت النظـر
لو يصفون العـذارى لـي جمـوع
لك حديد الشـوف ولغيـرك شجـر
عن جميع الغيد انا شوفـي قنـوع
يا هوى المجروح يـا ريـم الخبـر
يا عديل الروح يـا زيـن الطبـوع
جت بنـا الصدفـه وفرقنـا القـدر
والقدر نرضى بحكمه في خضـوع
|
الوضع العادي
