ابو راشد تذكرني بالعسكريه في نظامكم هنا بالمنتدى

Ok ..~}

كـلآم الحرف الازرق سليم 100% ..~}


انت تخلوني يوم اكتب شهر ماكتب

وش هالفضوهـ ...؟~}

يآزين المدرج الهلالي الكبير ..~}


منتدى الآحرآر ..~}

بلآ شروط بلآهم ..~}

ولاتقووللي دبلوماسيين ..~}

علآمة استفهام كبيرة في الدستور الهلآلي ..~}

ولآ على طآري الوفيات ..~}

وان شالله مايموت احد ..~}

سؤال بسيط ..~}

هذآ القسم خآص بأيش ؟؟~}

ومدري و شدخله بالاموآت ..~}

ولا ازودكم الشعر بيت يثبتونه ..~}

يآآرجآآل بدورلي آداري ولا مشرف يتوسطلي ..~}

آلا بالله ذآ الموضوع وش فآيدته ؟..~}

حضـور مخجل للاسف :( اااه بس ليتني بالرياض

وبحآول اعمل موضوع مستقل ..~}



!!.. الـــصــرآآحه رآآآحه ..!!


زعيم البطوله !

الله يعطيكم العافيه علي المجهود الذي تقدمونه

وعساءكم علي القوة

انا من كلامك فهمت ان الواسطه شغاله بالمنتدى

والدليل كلامك .. تقول عند بعض الاعضاء .


انا مرهـ نزلت موضوع وفيه مصدر ولافيه اي مخالفه .. ولا لقيت اي رد من المشرفين


وأرسلت رسايل لاكثر من مشرف ولا لقيت رد



عكس بعض الاعضاء .. مواضيعهم تثبت على طول .. سواء جيده مواضيعهم او سيئه ..



بل فيه مواضيع غير مثبته .. ردود ومشاهده .. اكثر من بعض المواضيع المثبته .






رح شف المواضيع الي بالمنتدى .. وش السب والشتم في الاعبين والمدرب ومجمهور الرياض .. ثم تعال قلي الاختيار السليم للمواضيع

طريقه جميله لوقف عبث البعض بمواضيع مامنها اي فايده

ولكن هالطريقه بتكون متعبه في البدايه للادارة وبعدها ان شاء الله بتكون الامور ممتازه

الف شكر

اخي ابو راشد ....مشرف منتدى الجمهور الهلالي

السلام عليكم ورحمه اللله وبركاته وبعد


وفي الأخير أًًُناشد صاحب السمو الملكي الأمير عبدالرحمن بن مساعد بحل الموضوع وايقاف المهزله والواسطه اللي تحصل في منتدانا الغالي وايقاف هذاا الأسلوب الغير حضاري من المشرفين .
سمووووووو الأمير يامحبوبنا وزعيم الزعيم حقق هذه الأمنيه لي ولباقي الأعضاء المقيدين بالواسطه ( أعطني حريتي أطلق يدي )

الحين وش السالفه ؟

اذا ابي اكتب موضوع وش الحل ؟

والله مشرفينك فيهم بعض السلطه لا حسيب ولا رقيب

الاخ ( صقر بني هاشم ) ..

عندما تبدي رأي فبالتالي أصبحت مجبوراً أن أحترم وجهة نظرك ..
وأنا أحترم وجهة نظرك ما عدا جملتك هذه :

( بكيفي ومزاااااااجي احط الموضوع ولا مااحطه )

وهذه الجملة الحمراء تحدثت بها أنت على لسان ( المشرفين ) ..
وهذه الجملة لا أقبلها ..

عموماً بخصوص الألية التي تم وضعها بخصوص هذا الامر ..
وهي منع ( كل ) الأعضاء من كتابة المواضيع منتدى الجمهور الهلالي تلقائياً ..
ومن ثم نبدأ بعملية ( الفلترة ) ..
فهذه الألية أتخذت لما بدر من أعضاء كثر ساهموا في تشويه المنتدى ..

عموماً يا عزيزي دعني أوضح لك أمر أنت غير مطلّع عليه ..
وهو : أن منتدى التقييم ساهم في إخفاء مواضيع كثيرة لا تستحق النشر ..
وعندما أقول مواضيع ( كثيرة ) فأنا أعني هذه الكلمة تماماً ..
نعم ... مواضيع ( كثييييييييرة ) ..

وبخصوص .. ذكرك للموضوع ( القبلي ) ..
أنا لم أطلّع عليه ولكنك تتحدث عن أمر شاذ عن القاعدة ..
وكان بـ إمكانك ( التبليغ ) عن الموضوع هذا وغيره من المواضيع المخالفة ..
وباستخدام خاصية ( التبليغ ) تستطيع أن تساهم في معالجة الاخطاء الموجودة ..

لا أستطيع أن أزكي عملي كـ ( مشرف ) ..
فقد أكون أخطأت في الامس وسأخطأ اليوم ..
وسأخطأ مستقبلاً ..
لكن العبرة في تصحيح هذه الاخطاء ..

إقتباس الرسالة الأصلية كتبت بواسطة (صقر بني هاشم) اخي ابو راشد ....مشرف منتدى الجمهور الهلالي السلام عليكم ورحمه اللله وبركاته وبعد مع أحترامي لك ولكل مسؤول في نادي الهلال أرفض أسلوبكم هذاا مع بعض الأعضاء لأن فيه تمييز ناس عن ناس بأعذار واهيه وسخيفه , والطريقه هذي اللي تعاملونا فيها بالمنتدى تعتبر على طريقة ( أوووووووووووص ولا كلمه , أنت من تكون عشان تكتب في منتدى الزعيم ) . للأسف ياخوي ابو راشد أنتم تضحكون على أنفسكم بأعذاركم اللي مالها داعي وكل شي واضح وصريح وعلى عينك ياتاجر وأسلوبكم القمعي مع بعض الأعضاء يفهمه الطفل الصغير فما بالك بناس كبار وفاهمين و متعلمين . ياااخي ابو راشد اذا كان عذرك انه لازم يتم تقييم المواضيع قبل عرضها لكثره المواضيع الغير هادفه راح اذكرلك مثال على موضوع انكتب في منتدى الجمهور الهلالي ماله دخل بالرياضه نهائياَ والرياضه في وادي والموضوع هذاا في وادي واعتقد كل الاعضاء بالمنتدى شافوا الموضوع هذاا اللي عنوانه تقريبا ( فلان يسب او يستهزيء بقبيله عتيبه ) , بالله قلي ياخوي ابو راشد وش دخل القبيله في الرياضه وكيف خليتوا الموضوع هذاا بالمنتدى بدون حذف مع العلم بأن الردود كثيره على هذا الموضوع وايضا قرأه ناااس كثير . هذاا مثال واحد والمواضيع الغير هادفه كثيررررره مأاقدر اعددها لك في هذاا المقال , وأيضا مو شرط يكتب كل عضو هلالي موضوع لازم يتم تقييمه لانه يمكن احد الأعضاء عنده أقتراح يبغى يكتبه أو يبغى يعلق على هدف هلالي او طريقه المدرب مثلا او يبغى يقول رأيه في اي مباراه للهلال . ياأخي ابو راشد انا مشجع هلالي من صغر سني واحب الهلال وامووووت فيه ومن حقي أشارك في كل شارده ووارده تخص الهلال ومن حقي اكتب في المنتدى واقول رأيي ومن حقي أقترح أقتراحات للجمهور او للأداره او للفريق بشكل عام ومن حقي أعلق على مباراه معينه واقول رأيي في لاعب معين او مدرب معين ولكن للأسف تفاجأت بمنعي من الكتابه انا وبعض الأعضاء الا بعد التقييم والقمع من المشرفين على طريقة ( بكيفي ومزاااااااجي احط الموضوع ولا مااحطه ) . يابو راشد اللي تسووونه غلط في غلط وقمع وتقييد حريه أنسان بشكل غير حضاري وغير لائق في منتدى زعيمنا وهلالنا وحبنا الأول والأخير . وفي الأخير أًًُناشد صاحب السمو الملكي الأمير عبدالرحمن بن مساعد بحل الموضوع وايقاف المهزله والواسطه اللي تحصل في منتدانا الغالي وايقاف هذاا الأسلوب الغير حضاري من المشرفين . سمووووووو الأمير يامحبوبنا وزعيم الزعيم حقق هذه الأمنيه لي ولباقي الأعضاء المقيدين بالواسطه ( أعطني حريتي أطلق يدي ) شبيه الريح وش باااقي من التهميش والتجريح وش باقي من الألام وش باقي من الأوهام غير اني .. الاقي في هجيرك فيّ الاقي في ظلامك ضيّ واوقد شمعتي في الريح شبية الريح اذا تسمح ابغى اكتب في منتدانا شوي ابجمع همي الباقي وادفن صبري الذابل في أوراقي و برجع لك اذا باقي بنفسك شي شبية الريح أنا من لي سوى إحساسك الجارف بقايا زيف أشواقي سما أمطار أحداقي شبية الريح وش باقي ابي أعرف متى نكتب في منتدانا شبية الريح حبيبي الأصدق الأكذب عجزت اوصل شواطي طبعك الأعذب تعبت أنطر في وسط العاصفة قلب وشعور وعاطفة تعبت أجمع ألم كل الموادع في المواني وأحضن أطيافك تعبت السهد في ليل الشوارع والثواني تنطر انصافك تعبت الظلم واجحافه تعبت الظلم واجحافه تعبت الظلم واجحافه تعبت الظلم واحجافه

إقتباس الرسالة الأصلية كتبت بواسطة أبـو راشـد أخوي لك صلاحية تكتب في منتدى الجمهور .. ولم نمنعك عن الكتابة .. لكن في منتدى التقييم قبل منتدى الجمهور الهلالي .. وهذا الامر اتخذ للمصلحة العامة .. ولكي نقلص المواضيع ( الغير هادفة ) في منتدى الجمهور ..

إقتباس الرسالة الأصلية كتبت بواسطة ليبرتادورس إلى متى الرقابة والوصاية شيء يجري في دم السعوديين الحين الناس تهرب للنت لأن مافي وصاية قل ولا تقل دور المشرفين تقنيين الوصاية ملينا منها أحيان الكتابة تنفيس يعني مجرد تكتب وناس ترد عليك ترتاح بصرف النظر عن نجاح الموضوع أتمنى هالحق البسيط ماتسلبوه وتخلوا الناس تعبر على سجيتها وطبيعتها

غريب تجاهل ردي
والقفز للردود التالية!!!

على العموم
إذا مو قادرين تسيطرون على الأعضاء
ليش تفعلون اشتراكاتهم

؟؟؟؟

جمهور الهلال الكثير منا يكتب ويمارس الكتابة بكل عقل وتروي ولانقول أن كل مانكتبة مميزا

أنت تتحدث عن ( 380 ألف عضو ) ..
فهل بـ إمكانك أن تثبت كلامك ؟
لا أتوقع يا صديقي ..

عموماً نحن بأليتنا هذه لا نشكك في هلالية أشخاص بعينهم .. كما قلت أنت ..
نحن بهذه الألية نحاول جاهدين أن نقلص المواضيع الغير هادفة ..
وكما أنا ذكرت سلفاً ..
كثرة المواضيع ( الغير هادفة ) هي السبب في إقامة هذه الألية ..
وإن كنت تعتقد و تؤمن بوجود المحسوبيات فهذا الأمر عائد لك ..
وهذه قناعتك الشخصية وتحسب عليك ونحن نعمل تاركين لك هذه الإعتقادات ..

الاخ ليبرتادورس ..

ردك عبارة عن وجهة نظر خاصة بك ..
ومأخوذة بالحسبان ولم نتجاهلها ..

وردي على بعض الردود فقط ( للأستفسارات ) ..
و الردود التي تحتوي على مغالطات فقط لا غير ..

لذلك .. ردك لم يغيب وموجود ..
ولكنه واضح تماماً و أحترمه ..
ولا يحتاج لتعليق مني ..