نادي الهلال السعودي - شبكة الزعيم - الموقع الرسمي - تخفيض خاص 50% لأعضاء شبكة الزعيم على عضوية النادي

تسلم لي على التوضيح هذا وشكرا لك دوما اخي الوليد والشكر واصل لإدارة أحلى موقع هلالي

مشكورين وما تقصرون

هذي عوايدكم

يعني ماليقتم الا اليوم لمن سافرت
لا حول ولا قوة الا بالله بس مو مهم كله لاجل الزعيم يهون.
انا اليوم اما اليوم الحين اروح اودع الفلوس وارسل رسالة.
اجل ويش تحسبوا انتو هذا الزعيم الغالي.

عاشق الكيان الازرق:smilewink :smilewink :smilewink

[shdw]كفاية جلوس في البيت ايها الزعماء الزعيم يناديكم فهل من مجيب.[/shdw]
[shdw]المرسل[/shdw]
[gl]استاذ الملك فهد [/gl]
[gl]الجمعة 9/5/1423هـ[/gl]

لاتنسوا لبس الفنايل الزرق .......... نبي الملعب يسير ازرقـــــــــ×ازرقــــــــــ

الف شكر لكم

جهد رااااااااااااائع للشبكه

=======

الله يبشركم بالخير ;)

محك وامتحان حقيقي لكل هلالي ....

مشـــــــــكورين

مشـــــــــكورين

مشــــــــكورين

لا بالله مانتم صاحين ياشبكة الزعيم .. وش بقى ماسويتوه وبتسوونه .. يعنبوا شيطانكم خافوا على قلوبنا لاتوقف من حبكم ومن تربعكم عليها .. كل يوم شيء جديد كل يوم شيء جديد وتميز مايسويه إلا أنتم .
الف الف الف شكر وتقدير اعرف انه مايوفيكم حقكم على ماتقومون به ..

بس ياليت تسووون خير في اهالي الرياض ويصير كل شيء بالبريد.. لأن هالشيء يضمن اكثر طلباً للعضوية .. ففيه كثير يشرفهم ان تكون معهم بطاقة العضويه حتى وان كانوا قليلي زيارة النادي او ظروفهم ماتسمح ان يزوروا النادي .
يكفي اشخص بالبطاقة .. :)

يعني انا اسدد في البنك وارسلكم مايفيد بتسديدي للرسوم ومعه المتطلبات من صور وغيره ان كان وتوصلني بالبريد .

وماهذا سوى مجرد رأي .

بصراحه الزعيم غير

انا كنت بسويها بس كل الي يعيقني اني في الشرقيه بس الحين لا والمهنا ونعم ما يقصر مع اهل الشرقيه

المهم مشكوووووووووووووووووووووووور لادارة الموقع
وعلى راسهم الا مير بندر بن ثامر

تحياتي للجميع

رجــاء اذا هذه اقتراحاتك احتفظ بهــا !!!

[c]أخوي صحن قلابه صباح الخير وشكلك مكثر من القلابة شوي
وين الاخلاص للنادي أو مجرد كلام فقط
ياحبيبي النادي دفع الكثير علشان يسعد الجمهور الغالي وجاء اليوم دور الجمهور الغالي والوفي ( فقط ) لدعم النادي الذي يحتاج لمسانده جميع عشاق الزعيم فى الوطن العربي
ويأتي شخص مثلك ويقول 300 كثيره .
شكرا لك ولا أخلاصك للنادي. [/c]

صحن قلابه .. قل خيرا او اصمت ..

حتى لو لا يوجد ولا ميزه يكفي انك تدعم الزعيم ....

والدخول للنادي يكلف 10 ريـال .... وهذي سعرها 150 ريال سنويا يعني سعري مايتكرر ولا يتعوض

وابشروا والله بالاشتراك .... بس علمونا وش تأكلون عشان نسوي مثلكم ونطلع مثلكم ......

هذا ماكنا نتمناه. من اداره الشبكه

اخوي / الوليد
تحية طيبة وبعد
انا أعتبر الخطوة جدا ممتازة وهذا هو وقت الوقوف مع النادي.
وحيث انني لست من سكان مدينة الرياض فلك وعد مني بأن اشترك وأرسل لك صورة الايداع ولكن بدون صور أو صورة بطاقة لان أشتراكي ليس للاستفادة من منشأة النادي وأنما لدعم مسيرة النادي ولو بشيء بسيط ، والمثل يقول الجود من الماجود

لك تحياتي،،،،،،،،،،،،،،،،،،.

وقف وقف وقف ..... فاهمين غلط انتم .

اخوي الوليد
لو يفتح الهلال حساب للجمهور حتى يتبرع له وبدون مقابل والله لأأدفع كل الي عندي و الهلال يستاهل اكثر .

الي انا اقصده في ردي المميزات , مثلا الأسكواش ؟ من بيلعب سكواش ؟ ثنين ثلاثه فقط . ولا المشاركه في النشاطات الأجتماعيه هذي وش ابيبها ؟ ولا المسبح ؟ المسابح ماليه الرياض .

المميزات الزينه حقت حضور التدريبات والمباريات . أما لو يطلب الهلال مساهمات من الجمهور بدون مقابل انا أول من يساهم .

يعني اذا جيتو تسوون دعايه لا تجيبون طاري السكواش والنشاطات , وانا ما عندي مانع أشترك بلعكس , ولو اني ساكن في المحمديه لكن مايخالف أشترك ولا أحظر أبد .

بعدين مهوب انت الي تعلمني الأخلاص وانااخوك . طيب

أخوي الي (قرا ردي) كايدهم انا ما أقترحت , انا أبديت رايي في بعض المميزات وأستفسرت عن الي يسجل ولا يشارك عشان يستفيد من التخفيض .

اخوي بطل القرن , انا قلت رأي , يعني مافيه خير و شر , بعدين منيب صامت .

أعوووذ بالله يا تمدح فيهم وتكتب عشر سطور مدح و مجامله ولا أسكت !!!!!!
ماينفع الوحد يقول رايه هينا ابد

تحياتي