|
ربما تكون هذه الأحرف أخر عهدي بموقع الزعيم !!! السلام عليكم ورحمة الله وبركاته .. ربما تكون هذه الأحرف أخر عهدي بموقع الزعيم !!!!!!!!! بعد توجيه الكرت الأحمر والخروج من الموقع وأنا ماأشوف الجادة !! لازال البعض من أعضاء موقع الزعيم ... يعانون التجاهل التام لمعاناتهم المتمثله في عدم القدرة على كتابة موضوع جديد ..لكون كتابة موضوع جديد أصبح من المستحيلات بل رابع المستحيلات في ظل سياسة لاأقول ( حسبنا الله ونعم الوكيل ) فيبدو أن عدوى تسلط الأتحاد السعودي ولجانه ضد الهلال إنتقلت إلى إدارة كانت هي ما يمكن أن يتصورة أكثر المتشأمين في إيجاد مبرارات يخجل الإنسان حتى عن مناقشتها ؟؟ وإصبحنا نسير تحت سياسة ( أسكت ) أو نبغى نفصلك !! وإن كنت أشك أن مثل هذا الموضوع سوف يطرح على هذه الصفحات البيضاء التي أسست على إحترام العضو الهلالي المتواجد في موقع الزعيم ولكن هي سنة الحياة .. أحيانا ..تقف أمامها وأنت حيران .. ويازمن العجائب وش بقى ماظهر ... وإنشاءالله ننتظر أن يقيض الله إدارة تتفهم نفسية أي عضو هلالي !! |
وربي انك صادق ... يعني منتدانا ومتنفسنا اللي نتنفس فيه ما نقدر نكتب فيه موضوع... مدري وش هالسياسه الجديده... وربي ادخل المنتدى ومافي شي جديد المواضييع نفسها لان مافي احد ينزل موضوع... ادارتنا ومشرفينا لا تحرمونا من ابسط شي وتخلونا نكره المنتدى ... |
يــآ أخيـ ياحبيبيـ هدي ... إن شاء الله تحل الأمور لكن بهـدآوة |
اخوي خلنا نكون واقعين لو الادارة سمحت لكل عضو ينزل موضوع ..!!! انت تخيل معي كل يوم اقل شي 1000 موضوع اذا ماقرنهآ مع عدد الاعضاء الي يدخلون هالقسم الخاص بالجمهور الهلالي ..!! بتنعدم الفايدهـ في المنتدى وخاصه ان المندسين كثير ولا تنسى صغار السن الي تاخذهم العاطفه بعد المبارة اذا فزنا قالوا انا افضل نادي في العالم واذا خسرنا سب وشت .. في الهلال و لاعبينه اتوقع ان الموضوع لما ينزل في قسم التقييم راح ينزل في قسم الجمهور الهلالي اذا كآن فيه فايدهـ للهلال و جمهور اما اذا كآن الموضوع مثل باقي الموضوع نبي و نطالب و حملة .. الخ مآ أعتقد انه راح يكون فيه فايدهـ تحياتي لك اخوي واحترم وجهة نظرك وعلى عيني وراسي بس انت قدر التعب الي يتعبونه المشرفين و القائيمن على الشبكة وبتعرف ليه هم مسوين هالطريقه سلآلآلآم |
طيب ياللي تقول ان فيه جمهور من صغار السن وتاخذهم العاطفه بعد المباراه... طيب ماشفت المواضيع اللي بعد مباراة سابا باتري وشفت كيف ينتقدون ياسر ويصفونه بالفاشل .. وين راح التقييم اللي تقول .. والغريب في ناس ينزلون مواضيع مالها دخل بالهلال ونلقاها بمنتدى الجمهور .... اذا كل هذا تقييم .... >>> اسكت احسن لي بس من جد يعني الواحد ما يقدر بعبر عن رأيه ... |
إقتباس:
أنا أتفق معك كثيرا ... والدليل مثل ماتفضلت بذكره ...مواضيع يكتبها " صغار بالسن " بعد المباريات التي لايفوز بها الهلال .. ومثال المباراة الأخيرة .. كلنا شاهدنا البعض من المقالات لاترتقى إلى أن توضع في موقع محترم مثل موقع الزعيم ... وخصوصا أنها ردود أفعال فيها الكثير من التقليل من اللاعبين .. ولكن معهم واسطة !! تقدر تقول شيئ ؟ ولكن ... على الأقل !! نستطيع الأن أن نقراء بعض المقالات لبعض الكتاب المتميزين .. لأنه لا بد أن توقع أن يأتي وقت لانستطيع حتى أن نقراء مواضيع ... وليس كتابة مواضيع .. والله المستعان ... |
اولا قبل ما تزعل من هذا الإجراء تذكر أنك وقعت في المحظور الآن فيه قسم اسمه ( الملاحظات والاقتراحات ) تقدر تنزل فيه شكواك لأن منتدى الاستفسارات مخصص للمواضيع الاستفسارية الشيء الآخر أنا ما أدري وش نوع الظلم اللي واجهته ، ولكني بعد مراجعتي لحسابك الشخصي وجدت لك موضوع فيه رسالة لكوزمين وكان الموضوع بلغة غير عربية .. ولذلك لم نرغب في نشره لأنه لن يجدي بهالشكل ولن يتفاعل معه الأعضاء وسبق يا عزيزي انك نزلت شكواك في منتدى التقييم ورد عليك أحد الأخوان المراقبين ووضع لك رابط : توضيح بخصوص ( عدم قدرة بعض الاعضاء على كتابة المواضيع في منتدى الجمهور الهلالي ) ..!! اعتراضك ممكن يكون مفيد لك ولكن لا تأخذك الأنانية بالرغبة في إنزال المواضيع مباشرة بالقسم والتي ستفتح لنا أبواب كثيرة وانت تعلم جيدا أننا عانينا من المندسين وضعيفي الطرح أخيرا تقدر تأخذ صلاحية إنزال المواضيع بشكل مباشر بشرط واحد وهو أن تثبيت قدرتك على إنزال المواضيع وأن تكون كفؤ ومميز في طرحك بهذا الشيء فقط سيتم تمييزك بإنزال المواضيع ، وصدقني المراقبين بصورة مستمرة ينزلون اليوزرات التي تستحق هذا الإجراء أما سالفة ( واسطات ) فهي غير صحيحة أبدا وموضوعك هذا يا عزيزي لن يعكس صورة جيدة بعضويتك ، وكان من الأجدى كما ذكرت لك في الأعلى أن تنزل اعتراضك في مكانه الصحيح |
| الوقت المعتمد في المنتدى بتوقيت جرينتش +3.
الوقت الان » 02:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd