السلام عليكم ..



مساء مغبر بأجواء الرياض المتقلبه .. ان شاء الله يكون سعييد للجمييع
قبل فتره وتحديدا ً قبل لقاءات دور الـ 16 الذهاب
جتني فكره من ثُلاثي ذهبي مانشستراوي .. ؛ ][ مشعل ‘ عبدالله ‘ طلال ][
مدري منهو صاحبها الاول بس جاني كل شي وحددوا حتى الفريق اللي بنباريه
رابطة الانتر التعيسه .. كلمت احمد موت .. الرئيس الفخري وأعطاني الموافقه
بعدها كلمت خوزيه الاستشاري
مدري ليه اخترته وما اخترت الرئيس بس قلت ذا شكله طييب والاغلب انه اوول انتراوي جا بوجهي !
بس طبعا ً كاي انتراوي .. طلع مغرور وجاني الرد على رسالتي من محمد الكره الهلاليه
اتفقنا وتحول الحديث للمسن العدد 7 - 7 و الملعب المحترفين يوم الجمعه الموافق 19 \ 2 \ 2009 م
تم كل شي ومنها هزيمة الانتر !


أعضاء فريق الانتر حسب تصريح السيد الكره الهلاليه \
"

إقتباس الرسالة الأصلية كتبت بواسطة الكرة الهلالية اليوزرات الي مثلو رابطتنا .. الكرة الهلالية + بيسبول + al.bluse + @C.RO(7)ONALDO@ + IBRA-MALONEY-8-79 + الإنتر@الإنتر باقي واحد الي هو اخو ابرا مالوني الصغير.. دبرناه في اخر لحظه , يعني فزتو على احتياط رابطة الإنتر

طبعا ً يلاحظ انه حتى هنا ما اعترف اننا فريق جيد !
سبشل ون ياناااااس خخخخ !
غيير ان معهم واحد مانشستراوي

واليوزرات اللي مثلوا فريقنا \

ا

إقتباس اليكس 11 .. الهلالي 11 .. M' MAN U .. الوفا##طبعي .. zammamwek .. الزعيم 96(اخو الدحمي الصغير ) .. Nemanja Vidic Msh3al_37 .. روبين هود ( عضو قديم معنا شارك كان لابس اولي ) واخيرا ً أنا :$

واضح من تشكيلتنا اننا دخلنا عشان نعطي فرصه لاكبر عدد ممكن من اللاعبين !


تصريح من هداف الفريق الهلالي 11 "
دحومي :$ .. وش رايكـ بمبارتنا مع رابطة الانتر !
وياليت تعلق باسلوبك البطل عن كل واحد من اعضاء رابطتنا ؟!
بصراحه والله ابطال من جد اول مرة اعرف ان رابطتنا فريقها اعتقد الاقوى بين الكل ولا تصدق مستوى رابطة الانتر انا متاكد بتلقى اقل شي ثلاثة اربعة ما هم بالشبكة او سجلوهم يوم المباراة والموسم الجاي بيتفعلون
جد كلهم ابطال وانا كنت اقلهم مستوى ولياقه مباراة حلوة والفوز كان له طعم انك تقلب المباراة عليهم شي حلو تعرفت على شباب اول مرة اشوفهم بالنهاية اجمالي الطلعة والمباراة كانت ناجحة واجابية
عزوز بطل والله اليكس برضو لكن خانته اللياقه عصام وحش بالدفاع ما شاء الله ما ودي انسى احد المباراة عموما كانت حلوة ويكفي انها خلتني اعرف ان باي دوري فريق رابطتنا بيكون مؤهل انه يكون البطل
طيب وبصراحه ماكنت متوقع اننا بنخسر بعد البدايه الشينه للفريق ؟!
بصراحه ايه انا مشكلتي احس صعب التعويض لو انصكيت بهدف لان الفريق ما يعرف بعض ولا متعودين نلعب سوا عشان كذا التفاهم صعب غير كذا انا اعصب واترنفز اذا كنت خسران وهالشي يخليني العب بهمجية ... لكن الحمد لله الامور تحسنت كثير وكان واضح فارق اللياقة لمصلحتنا بالشوط الثاني وقدرنا نحسمها ونقلب النتيجه "

طبعا ً الكلام اللي تحته خط اتهامات خطيره اتوقع يتوقف عليها .. > قلب على خوويه
اسسييير شد حييلك

المباراة كانت تحت رعايه المشرفيين
أسير الزعيم .. أبو حمد .. مستر قول
وشرفها بعد الايطاليين
كنج ميلان اتوقع .. و اليوفي وبس الظاهر
وطبيعي الشرف الاكبر حظور المانشستراويين
المرجوج النايم .. ممدوح MU7 .. و ابو العز
و كان فيه ارسنالي واحد
ارسنال فور ايفر 7 الظاهر منب متأكد من الاسم
بس هو طااارق
\
بعرف بالمانشستراويين



سكولز هذا مُحدثكم :$ .. ومن اليميين .. عصام فيدتش
مشعل .. عبدالرحمن الهلالي 11 .. اليكس 11 ..
والصغير اخو عبدالرحمن الزعيم 96 .. واللي يساري .. زمامويكـ

نتكلم عن المباراة شووي



vs


حكم اللقاء كان اسير ..
حارس الانتر الكره الهلاليه
والحين واحد من الانتراويه اللي حظروا ينزل تشكيلتهم
وتشكيلة المانيو
اليكس
زمامويكـ .. عصام فيدتش
الوفا طبعي .. مشعل او(روبن هود )
والشوط الثاني كامل (مشاري .. M' MAN U )
zezoo00oo >>
عبدالرحمن
طبعا ً التشكيله ذي مب الاساسيه لكن هي التشكيله الافضل اللي قدرنا نبدع فيها
يمكن فريقنا غيير بالتشكيله كثيير بسبب عدم التجانس !
وطبعا ً اوول مره نلعب مع بعض :$
المهم
بدأت المباراة بسيطره انتراويه كامله
اول 5 دقايق هدف لهم من كورنر
بعدها عدل لنا النتيجه من هدف صاروخي الوفا طبعي
بعدها تقدم الانتر من بلنتي مدري وش يبي اجل بلنتي ويد اللاعب بصدره
اتوقع سجله ابرا مالوني .. وبعدها التعديل انا جبته :$ !
الشوط الثاني كان مضاربه اول 5 دقايق الظاهر مافي هدف
الانتراويه ضحكونا الله يعافيهم
بنص اللعب قالوا يالله يالله اللعب الايطالي خخخخخخخ
ويجييك ابو داحم ويصك الثالث
وبعدها المباراة كانت بين شد وجذب !
وانتهت بفرق واحد .. 6 - 5 لصالح رابطة المانيوو
برز من اللقاء .. فريق الانتر بالشوط الاول كانوا ابطال
بالشوط الثاني لما رتبنا اوضاعنا اكثر من برز منهم كان ابرا مالوني الظاهر واحد كان لابس ادريانو ..
واللي من مانشستر .. اليكس حارس بطل كان ولعب شوي بس اللياقه ماساعدته ..
عصام فيدتش و زمامويكـ اللي لعب وهو تعبان
والمصور مشاري .. والدحمي الشوط الثاني كان من الافضل .. مع انه ضيع كثييييييير فرص !
والباقيين ماقصروا والله
مبروووووووووووك لنا ولرئيس اعضاء هية الشرف هلالي مووت
ولجمييع الجماهير العاشقه للشياطين الحمر !
\


بداية اللقاء وواضح وجود الحكم المتألق اسير الزعيم
اغلب قالوا يوزراتهم لي بس نسيتهم والله فيعذرونا !
اتمنى احد يجي يعرف فيهم ..


وهنا بعد مانزل لاعبي رابطتنا

لقطة المباراة بصراحه
المنافسه ع الكوره كانت بيني وبين واحد من قلوب الدفاع

//



الحافي سرا ليله
الكبير زمامويك .. جا للمتش وهو تعبان وماردني
يعطييه العافيه جاء وبدع
ماقصر والله
//



الظاهر ان اللي يشوت قلب دفاع وسط مراقبه من كراوتش .. الهلالي 11 درحمان
//


انا منطلق بالكووره واحلى تعليق جاني من اليكس
يقوول لاحظ التحرك بدون كره والتركيز من مشعل هههههههه


البلنتي حقهم
انا والوفا طبعي مطقميين بالوقفه خخخ


شوته من اليكس


ردها محمد ( الكره الهلاليه )
//






//







مشعل يلحق ريكوبا .. الظاهر انه نواف للابد ماني متأكد !
واليكس الحارس ينتظرهم

//




استلام بطل ولا كنترول برباتوف من دحمانوف خخخ
//



عصام المدافع والظهير والجناح وكل شي الله لايضرره
ويلاحظ بالصوره وجود الحافي الثاني !


//



صالح يشيل الكره من ابرا مالوني وسط مراقبه .. من مشعل

//



سباق ع الكووره بيين وبيين ابرا مالوني
والدحمي يتفرج

//



عصام يحظن ع الكوره

//



ون تو حلو بيني وبين الدحمي
\

انتهى بهدف وهذي اوول هجمة الهدف الثاني
المصور للاسف ما ارسلها وهي تترنح بالشباك
//



الوفا طبعي يررركض
//






عصام وهدف > نصاااب
//



فااااول حلو .. ويازيين الحيطه اللي تجمعك مع مشعل
//


وياكله

//



برضوا ون تو حلو بيني وبين الدحمي بس هالمره ماضبط !

//



//



محدثكم يشيل الكره من ابرا مالوني
//



كوره حلووه بيني وبين مشعل بس للاسف ضاعت
//



الكره الهلاليه بالدقايق القليله اللي لعبها
//



اليكس ويطيرهااا





الكره الهلاليه ممسكا ً بالكره
//




ابرا مالوني بعد ما مر مني .. حاول يمر من صالح بس قشها ذيباان
//


//




نهاية الشوط الاول ونهاية التصوير معه طب معنا المصور
عضو رابطتنا وكيفنا :$




نقاط من المتش
× .. احلى مافي المباراة الرووح الحلوه اللي بين الشباب
× .. عبدالرحمن كان له متحدين من برا .. وقالهم بجيب هاتريك وجاب .. قوول وفعل درحمان
× .. أغلب اعتراضات الانتراويه ان الحكم غشاش
واخرتها زعلانين على اوتااات هههه ! والشوط الاول ابد ماجاهم بلنتي كيف الحاال :$ !
× .. انبسطنا بشوفة الاعضاء من برا الرابطه

× .. اعذرونا ع القصوور واعتذر اذا في احد زعل مني من الانتراووييه ونشووفهم بعديين

× .. المانشستراويين يتحدوون .. اي فريق
ويتمنون يقابلون نفس الفريق اللي بيقابل المانيو بدور الـ 8 ..
× .. الشكر مووصووول للاخوان أليكس و كريس لوف و مشعل و المصور البطل ..

عُـذرا ً ع الاطاله و الغثاثه .. و القصور والتأخير بس كان سببه المصور :$

للجميييع