|
تعال اقولك ليه ما حضر الجمهور أمس السلآم عليكم ياشباب وش فيكم على جمهور الزعيم والله حضوره في مباراة امس حلو صح انه مو هذآ المأمول لاكن ما الومهم والله اسبآب عدم الحضور الجمآهيري .. : اول شي في يوم المباراه كان فيه غبار ولا قالو لنا ان المباراه تأجلت الا بعد ما قصينآ تذآكر وجلسنآ ... انا شخصيآ جآي من المجمعه 180 كيلو عن الريآض وفي الاخير يقولون تأجلت صرآحه صدمه يعني معقول برجع لـ ديرتي وبوكرى اروح للريآض ! واعرف نآس كثير جآيين من المجمعه والقصيم واللي جآيين من حآئل وش موقفهم ذولآ ..؟ في الاخير رجعت للمجمعه وقلت ماني حآضرها بوكرى لآكن يوم صحيت قلت اذا ما سآندنآ الزعيم بهالوقت من يسآنده ..؟ ثآنيآ : وقت المباراة غلط × غلط وش ذآ المباراه اللي المغرب ..! يآخي الناس ما يمديهآ تطلع من الدوآم الا والشوط الاول بآدي .. ! واحد من آخويآي كان يدآوم في البنك ما جآ للملعب الا نص الشوط الاول .. .. .. .. الزبده من كلآمي لآتلومون الجماهير الظروف ما سآعدتنآ .. ولآ اشوف واحد منكم يقول جماهير الريآض ولاّ جماهير الشرقيه احنآ جمآهير الزعيم وبس ... |
احنا جهور الزعم وبس عبارة حلوه اخوي انا ما يقهرني الا اللي يقارن ملعب الملك فهد بالملز او الشرقيه |
أنا معك في كل ماقلت اوما اللي صاجينا جمهور الرياض مايحضر ياخي لو بجمع اللي بملعب جده والدمام وبريده مامليتو استاد الملك فهد |
يا ابن الحلال جينا من القريات 1500 كليو وجلسنا يوم في الرياض لعيون الهلال |
شباب انا شايف العالم تقلك شوووووووف جمهور الاتحاد كيف الملعب فل ترى حضور الاتحاد ثلاثه وعشرين الف والجمهور الي حضر بالرياض اربعين الف يعني نقدر نقووووووول الضعف بس ترى مو عذر لنا اذا بنقارن بجمهور الاتحاد او النصر او الاهلي وشلون بنقووول انا اكبر قاعده جماهيريه |
ان شاء الله الجمهور الهلالي في المرات القادمه ماراح يقصر وبعدين انا شايف الحضور امس كان حلــو ، صحيح ماهو الحضور المأمول والمعهود من جماهير الهلال ولكن جيد نسبياً :) كل التوفيق للزعيم في باقي المباريات |
لعيون الزعيــــــــــــــــــــــــــــم مافي مستحيل |
والله حنا حضرنا قبل التأجيل لو تشسوف وجيه اللي صافين سرا والله رموشهم وحواجبهم غبار يخوي ترا فيه غبار مويه ومشروبات ماتدخل زين انهم دخلوا مناديل لاكن مع ذالك حاضرين لو الجو طين وهذا اللي يبونه بعض الناس يخربون الاوضاع بالنادي عشان يخرب الهلال بالتوفيق للهلال وحنا معه قلبآ وقالبآ |
ابد هالحضور مو جديد على جمهور الرياض لاتقول ملوا الملاعب في النهائيات ترى نصهم من برا الرياض بغيناهم عون طلعوا فرعون لكن صبرٌ جميل |
إقتباس:
دامكم حاطين اللوم على جمهور الرياض طيب يوم الاربعاء وين جماهير الزعيم في المناطق الاخرى ماحضرت لعيونه .. والا خلاص جمهور الرياض .. دامه في الرياض لازم يطنشون اهلهم ومستقبلهم لعيون الجماهير الاخرى المناطق الثانيه اللي متكيه على الشاشات .. عندك سيارة ولله معطيك خير ان شاءالله ليش مامشيت للرياض .. ولا الاتكاليه لازمه .. الله يصبر اهل الرياض وترى الحضوور كان جيد جدا امس .. اللي جو امس يغطون استاد جده والدمام وكل االمناطق الثانيه .. 40 الف اتوقع الحضور امس .. لو بالمناطقه الثانيه كان غطووه وزياده بعد جمهور بالخارج |
امس الحضور اكثر من رائع رغم ظروف التاجيل !! وش فيكم !! لكن الفريق هو اللي ماقدّر هذا الجمهور !! |
20 الف مشجع يهزون الملعب افضل بكثير من 70 الف متفرج ساكت ينتظر الهدف للاسف فريق الزعيم لايستفيد من عامل الجمهور التايب تعب وهو يحفز الجمهور عمركم شفتو لاعب اتحادي يحفز جمهوره اثناء المباراة يااااااااااااااااااااااااااااااااااااااااااااااااااااااااااااااااااااااااااااااااااااااااه يالقههههههههههههههههههههههههههههههههههههههههههههههههههههههههههر |
الجمهور ممنتاز لكن مثل ماقلت موعد المباراه لك عليه شوي .. والتآجيل حاس الوضع بعد .. ومع ذلك الجمهور ممنتاز بالنسبه للظروف تحيتي اخوووي |
ولاتنسى ان اللي كان بيمشي للرياض قبل تؤجل المباراة عدد لابأس به ولكنهم احبطوا - وبعد المباراة كانت تتوافق مع دوري ابطال اوروبا وغيره وغيره ومع هذا العدد كان excellent |
انتم...شو فيكم علي جمهور الرياض... تعالوا نحسبها بالعقل... كم سعة الاستاد الملك فهد...اكثر من 80 الف مشجع.. واللي حضر كما عرفت يزيد عن 20 الف مشجع.. كم سعة الاستاد الملز 25 الف مشجع.. لو حضر الجمهور ..امس في الاستاد الملز كان غطاه..كله.. كم سعة الاستاد الملك عبدالله الفيصل 20 الف مشجع... وجميع الجمهور اللي حضر المباراة الاتحاد..امس مجانا....لانه الاتصالات السعودية..اشتريت تذاكر المباراه..بعد ما وهقهم البلوي..وما دفع حق التذاكر..قبل المباراه.. |
| الوقت المعتمد في المنتدى بتوقيت جرينتش +3.
الوقت الان » 04:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd