ألاحظ أن المستوى اللياقي لغالبية لاعبين الهلال في انخفاض كبيير جدا ولا يمكن السكوت عنه خصوصا من لاعبين تعودنا على ان لياقتهم البدنية عاليةفي مواسم سابقة, ياسر القحطاني يضل أفضل مهاجم سعودي ولكنه في الشوط الثاني يختفي ولا يشفع له الا ذكائه في اقتناص الفرص وهذا الكلام ينطبق على ياسر من سنتين وللتصديق على كلامي ارجعو لمبارايات ياسر في أول موسمين ومبارياته في آخر موسمين وقارنو بين القتالية والركض حتى آخر دقيقة. الزوري ليلة البارحة لم يقوى على الحراك في الشوط الثاني وكأننا في تفريقة استراحة. خالد عزيز اللي متعودين عليه يصول ويجول طفى الشوط الثاني وكان أسهل شي المرور من أمامه. التايب اللي كان بإمكانه إعطاء 90 دقيقة في اول موسم له مع الهلال أصبح الآن لاعب الشوط الواحد فقط.

لا تقولون لي ضغط مبارايات لان الآن زمن احتراف وهذي مهنة اللاعبين, يجب ان تتحرك 90 دقيقة والجميع يعرف كم يلعب اللاعب الاوروربي من مباراة في الموسم ولا يشتكي وبتعذر بضغط المبارايات, لا تخلونا نبعد لاوروبا, الاتحاد أمس اعطى درس في العطاء لمدة 90 دقيقة بل ان قواه ظهرت في آخر 10 دقائق وكذلك الشباب فاز على الغرافة بقطر وأدى 90 دقيقة بنفس المستوى وهم يلعبون بنفس الدوري اللي يلعب فيه الهلال وبنفس عدد المباريات تقريبا.

باختصار لياقة لاعبين الهلال في تدهور من موسم لموسم وهذي ميب ردة فعل على تعادل ليلة أمس وإنما واقع حقيقي.