مساء الخير
تعمدت اني اتأخر عن كتابة موضوع عن مباراة الامس يوم كامل لاني والله خايف اقول كلام اندم عليه كمشجع هلالي بعدين

لكن احب اناقش معكم مجموعه من النقاط
أولا: مسالة ان ياسر بعد ان ضمن ان مكانه ماراح يروح لغيره بدا يتعالى على الجمهور ( والدليل تصريح اللي في المدرج يتفرج) وياليته وقف عند الحد هذا راح يتعالى على اي قول .. صار همه الاول كيفية القول ومو القول نفسه!!!!!
ولاننسى او لاينسى ياسر ان ابو عبدالله كان جاه وقت وجلس على الاحتياط

ثانيأ: المرشدي بصراحه بعد بطولة الخليج ومستواه في انحدار شنيع جدا .. امس اكثر من خطأ كان احتمال انه يكلفنا قولين اقل شي بسبب المرشدي

ثالثأ: التايب الشوط الاول مستحيل انه واحد عاقل بيتكلم عليه وكذلك ويلي .. لكن في الشوط الثاني هبوط مستوى الاثنين لياقيا بالنسبه للتايب وياليت اعرف سبب هبوط مستوى ويلي

رابعا وهو الأهم: اذا قلنا ان الجمهور هو سبب التعادل .. الجمهور سبق انه ملأ الملعب كامل ولكن النهايه تعادل ونتذكر بالتاكيد المباريات هذي
وكذلك الخساره في نهائيين متتاليين

امس قبل المباراه واحد كان جالس جنبي ويقول ليت ابو فيصل اشترى التذاكر كامله .. يعني بالله هذا شتقوله

انا وغيري كثير يكفيهم حضور 20 الف هلالي عن 80 الف ثلاث ارباعهم جايين لاشياء غير المباراه

وبعدين وبعد مانتهت مباراه الهلال اتفاجأ او انصدم احسن شوي بواحد هلالي يقولي حط الاتحاد بس .. عز الله انهم هم اللي يطيبون القلب

اقسم بالله مارفعت ضغطي النتيجة قد هالكلمه هذي اللي تسببت صراحه بشي مو طبيعي بيني وبينه

وفي الاخير انصح جمهورنا اللي قال انو في ارضك مافزت معناها ماراح تفوز برا ارضك بمتابعة تصريح الاسطوره بعد المباراه لما قال ان النظريه هذي انتهت من زمان
لانه اذا ماعندك لاعبين يفوزون برا ارضك ماتستحق البطوله .. ونظرية انكم تجون لملعبنا ونوريكم انتهت ( كلام كبيرجدا)


أســــــــامــــــــة هـــــوســــــاوي

ودمتم بود