بسم الله الرحمن الرحيم

هارد لكم ياشباب على التعادل الغير عادل والذي كان بطعم الخساره بالنسبة لنا

ضيااع الفرص وآآه من هالفرص اللي انا قلت والله بنندم عليها

ياناس والله مادري وش سالفة البرود وعدم الاحساس من بعض اللاعبين في الهجمات الخطره

ياسر والفريدي مهزله عند الباب .... ياسر اول ينشهد له بالتحرك بدون كوره داخل الـ 18 الحين هالك ينتظر الكوره إلى رجله ... دائم يتفرج وبرود عجيب غريب منك ياياسر

ويلهامسون ألف علامة تعجب على المستوى ... صاير مايعرف يتصرف مع الكوره يعني هجمه مرتده وامامك لاعبين من الخصم بدال ماتسحبهم على الخط وتكسب كورنر ولا فاول ولا اوفر داخل المنطقه تبي تدخل العمق وسط مدافعين او ثلاثه ياشيخ لو انك فان باستن ارحمنا حرام عليك 80% من تمريراتك وكراتك مقطوعه

التايب والله انا انصدمت هذا مو طارق اللي اعرفه يعني 75 دقيقه لعبها ولا شفنا كرات مصيريه منك ياطارق مدري وش القصه يعني دايم باصات طويله خاطئه وتمريرات مقطوعه


رادوي ... وش اقول وش اخلي لاقطع كور ولا تمرير ولا أوفرات ولا كرات طويله ولا راح اتعذر لك بسبب كوزمين لأنك لاعب محترف وبعدين وش جايك على الكعوب يازينك اول ماجيت لاعب تكتيكي منظبط مايعرف يمين يسار والحين فريقك مهزوم وتلعب كور مالها داعي

عزيز كالعاده كبير لكن إلى اليوم لم تحل مشكلته مع التمريرات القصيره

ماجد وأسامه ... ماشاء الله تبارك الله لايغير عليكم واخص بالذكر اسامه ياخي هالاعب فدائي يلعب بروح خياليه ومايستسلم للكوره ليت كل اللاعبين مثلك ياهوساوي

نامي والزوري ... الأفضل والأفضل على الاطلاق اليوم لعلها افضل مباراه قدمها نامي والزوري من الدفاع والهجوم صحيح في هفوات لكنها غير مؤثره بإذن الله دائما هالمستوى يادفاعنا

الدعيع .... ماأقدر اتكلم فيك احتراما لكـ ولكن التركيز اليوم ماهوب 100% وخصوصا الكوره اللي حجز فيها اسامه وانت تتفرج عليها المباريات هذي حساسه يابوعبدالعزيز وانت ادرى في هالامور مني

الشلهوب .... وبس

سيول .. يخرب بيت ابو من علمك تجيب هدف ... الباب مفتوح قدامك وتلعبها في كرش الحارس ياخي والله حرام عليك لاهي فوق ولا تحت ولا زاويه في الحارس على طول مانقول خير ياصبر أيوب بس



الحضور الجماهيري ... الصراحه مدري وش سالفة الجمهور يوم اربعاء وقبل مباريات التشامبيونز حضور مخجل ماذكر متى آخر مره ماإمتلت الواجهه في مباريات الهلال الآسيويه الفريق محتاج لدعمكم يرحم امك ... وشي آخر التايب يترجاكم تهتفون للفريق !! ليه طيب ياخي شفتو الفريق ضاغط شجعو ارفعو معنويات اللاعبين واذا اللعب راكد ريحو نفسكم

اعذروني على الاطاله وآسف إذا انا غلطت على احد من دون قصد لكن والله من حرقة في قلبي من

الهلال لما راحت المباراة من يده فك الدفاع الي متمسك فيه الهلال مازال ضائع الوسط ضائع والهجوم لابد نم مساندة ياسر.. سول اتمنى تسريحه من الان والله قهر نيفيز يعار وهالكديش سيول يبقى

كلامك 100%

الله يستر بستره يا رب

الله يعطيك العافيه

بالتوفيق للزعيم

كلامك 100%

وانشاء الله يعوضونها امام باختكور بشرط انهم يعينون عبداللطيف الحسيني بدال كاتلين الله يهديه

للأسف يبدوا أن أثر الهزيمة عليك كبير ..

من طلع الفريدي ما شفنا كورة صح ..

الشيء الثاني ياسر يقولكم ما كلمت الأ 30 % ويلعب ليه .. يا ناس أرحوه تراه بشر مهب جهاز كل مباراة لاعبها ..

سواء كان مصاب ولا مهب مصاب ..

بالنسبة لرادوي كان الأفضل ..

أما نامي ولا عرضية صح ولا شوته صح ولا أوفر صح ..

الله يخلف على التحليل البس !!

الفريدي والقحطاني وولي والصويلح هم السيئين في هذه المباراه


ومع احترامي للجمهور برضو سيئين ..


يعني تأخير واخرو المباراه وعطله وكل شي متاح لكم وين الحضور اللي تقولون انكم بتملون الملعب ..


واللي حضرو المباراه بعد وجودهم مثل عدمهم مع احترامي للبعض منهم اللي شجع بحراره


والله في ايران ماراح يرحم جمهورهم لاعبينا ..


مانبغى اذا طاح لاعب ايراني تقولون هووووووووووووو


سلامات وين قاعدين نبغى الملعب يهتز من زأيركم كذا تفقدون اللاعبين الايرانيين لتركيزهم وترهبونهم ..



انتظروا في ايران وش بيسون جمهورهم راح تكون كلمة الحسم لهم





اسمحولي على الصراحه لاني بصراحه مارضى اشوف الزعيم الهلالي بهذا الشكل لا من لاعبين ولا من جماهير ..



وسلامت روسكم جميعاً

الصويلح. مازود شي للهجوم ابدآ . . بسـ ‘ ياسر اليوم مو يومه ’,.,’

ليييييييه مدري ..

ولا ولي .. ودياشوته
الوحيد: الي لعب طارق

لالالالالالا
التاااايب كااان اليوم جناااااااااااااان
\ما عندك سالفة إسمح لــي
أجل نامي و الدعيع صاحين
الدعيع والله اليوم ما إختبر إلا يمكن مرة و جت قووول

مافيه روح عند الاعبين ابدا

مالها الا الحسيني تكفووووون
يااداره الهلال الحسيني والله هذا وقته
هو اصلا كان مدرب للشباب وفازوا علينا بالنهائي ثلاثه صفر
ودربنا مباراتين ضد الطائي وفريق ثاني مادري منهو وفزنا فيها وقدمنا مستوى جميل

اقول ياليت كل العبين مثل حماس طارق ماهو مثل الفريدي هالمغرور

آغلب كلآمـك مـآدري وشلون جـآي ! ~

يـمكن النتيجه مأثرهـ عليـك آو .. ! ~