!!乂 ! ^^..نتائــج مسابقـة التقلـيــد .!^^ 乂 !! ‏ ‏ - صفحة رقم 4 - نادي الهلال السعودي - شبكة الزعيم

ابو طـــــلال · #46 13/03/2009, 03:49 AM

^^^
غوغائي

( للمشاغب )
اثرك يالمليعين مصوت لباربي وتقولي ( صوتي راح لك يابو طلال )

شف يالمشاغب .. خل عنك اللتليعين واللكاعه .. خابزك وعاجنك ..... ولاتقلبها احزان وتضيق صدري وانا توني فايز ببطولة التقليد

المسابقا ت في كل مكان فيها اخطاء سواء جاك الإعتراف بالخطاء او جاك التبرير كالعاده من منظمين المسابقات .. ماتشوف مسابقات الدوري شلون محيوسه وياويلك لو تقول ( أء ) .. يجيك ماجاء فيصل ابو ثنين والرومي ..

بس الفرق إن الإستشاريين بصراحة مجتهدين .. وانا أسميهم بالإسم وهذي مهيب مجاملة لأن ماعندي مااخسرة سواء رضوا وإلا زعلوا .. عندك ابو سته طارق مجتهد وعساه على القوة .. والهنوف بعد من المجتهدين بصراحة .. تحس إن ودهم يسوون شي للمجلس وأعضاءه .. أكثر من زملائهم الآخرين ..!
ومع ذلك انا مااقتنعت برد الهنوف .. وعادي بالنسبه لها وهو بعد بالنسبة لي عادي .. مو ظروري أقتنع ومو اكيد كلامها يكون مقنع .. بس الاكيد منه انها وبصراحة تشتغل وتجتهد ..!
انا قلت لها .. انتي يالهنوف مشاركة بالإعداد... ومشاركة بالتنسيق ... وإسمك ظمن أسامي الشخصيات المقلده !! واللى انا نفسي قلدتها ... ويوزرك يستقبل التصويت ... وتصوتين من جهتين .. من جهة الإستشاريين .. ومن جهة الشخصيات المقلدة !! يعني يمديك تقلبين موازين المسابقة بصوتين من هنا وهنا ..!
==========
1

إقتباس


	إعداد \ الهنوووف وعقد الياسمين

2

إقتباس


	الشخصيات المقلدة لـ المشرف الكريم القاضي والاحبة مواصل من عام 1413 + المشاغب رائده الزعيم + dal3_ua +الهنوووف

3

إقتباس


	والاعضاء المشاركين (ابوطــلال -باربي الهلال_ابودحه الهلالي_nor alshams ][ هلالي الخبر ][.-عقد الياسمين_.فتاة هلاليه.الموسيقار توتي _رنــد_الهنوووف )

4

إقتباس


	الف مبرووووووووك لجميع الفائزين ابوطلال+رنــد +باربي الهلال +الهنوووف +فتاه هلاليه +nor alshams )

المفروض انها إكتفت بالإعداد .. أو بالتنسيق وتر تيب المسابقة ... او ترك الإعداد والتنسيق والإكتفاء بطرح إسمها ظمن الشخصيات المقلده .. او تدخل المسابقة مع الأعضاء اللى شاركوا .. ماودي تصير مثل محمد بن همام .. رئيس الإتحاد الآسيوي .. ويرشح نفسه للمكتب التنفيذي .. وبنفس الوقت رشح نفسه للإتحاد العربي !

حتى في الشركات اللى تعلن عن مسابقة يحرم الموظفين وعائلاتهم من الدخول في السحب والإشتراك بالمسابقة !!

عموما انا ماودي اخرب فرحتي بالبطولة .. ورانا إحتفالات .. سمعت إن الوليد بن طلال يبي يكرمني بكرا بمكتب سموه

الهنوف يعطيك العافه عموما وماقصرتي بصراحة
المسابقة كانت حلوه وفكرتها جميلة
نور الشمس كانت من تستحق اللقب لحالها

المشاغب يمديك بس على هاللقب ؟!! هع هع هع

abo_nasser · #47 13/03/2009, 03:52 AM

الاختلاف الاول من المشاغب
كان في اليوزر اللي يستقبل الاصوات..وان يوزر الاستشاري من المفرروض ان ترسل اليه الاصوات

الاختلاف الثاني من اختنا رائدة الزعيم
من المفروض ان الهنووف ما تفرز الاصوات وان لابد من تكوين لجنه لفرزها

اين هو التشكيك الواضح في الحالتين السابقه..؟؟

المشكله بدت باختلاف صغير والان سوف تكبر بعد رد اختنا رائده..

طلب اخير..

اللي يبي يرد بعد الان ياخذ نفس عميق ويروق..بعدين يرد عشان لا يجيب العيد ..

سلاااااااااااااااااااااااااااااام

عريب عبدالله · #48 13/03/2009, 04:25 AM

إقتباس

الرسالة الأصلية كتبت بواسطة abo_nasser


	الاختلاف الاول من المشاغب كان في اليوزر اللي يستقبل الاصوات..وان يوزر الاستشاري من المفرروض ان ترسل اليه الاصوات الاختلاف الثاني من اختنا رائدة الزعيم من المفروض ان الهنووف ما تفرز الاصوات وان لابد من تكوين لجنه لفرزها اين هو التشكيك الواضح في الحالتين السابقه..؟؟ المشكله بدت باختلاف صغير والان سوف تكبر بعد رد اختنا رائده.. طلب اخير.. اللي يبي يرد بعد الان ياخذ نفس عميق ويروق..بعدين يرد عشان لا يجيب العيد .. سلاااااااااااااااااااااااااااااام

أبو ناصر أنا ما أشكك في الهنوف لكن بناء على مداخلة أبو طلال أن الهنوف موجودة في كل الأماكن

ما يمنع أن الهنوف تعد تنسق وتشارك أو حتى تقلد

لكن اللي غاب عن حبيبتي الهنوف أنها شاركت في اللجنة التحكيمية

المفترض أن الشخصيات المقلدة والمقلدة وأضبطو بالشكل

ما تشارك في لجنة التحكيم بأي صورة كانت

ليس تشكيكا لكن يؤخذ صوتها ولا تشارك في فرز الأصوات واللجنة كعضو

أنا فقط تكلمت عن مسألة اللجنة التحكيمية وتراعى النقطة هذي في مسابقات مقبلة وليست شخصية للهنوف

وإن كنت أشوف أن تشبية الهنوف بأبن همام أو الفريان غير منصف أخوي ابو طلال ليس تقليل في شأنهم
لكن لأن أسمهم مرتبط بالترزز والهنوف فراشتنا الجميلة ما تترزز أنما من حبها للمكان حاولت إنجاح العمل بكل الصور
يعني الترزز هو اللي يلاحقها هي ما تلاحقة

أنا أحب الهنوف كثير لكن الهنوف عارفة أني حقانية ومتأكدة أنها ما تزعل من ملاحظاتي
وأمسحيها في وجه سلطان ترى هو السوسة اللي نبش الموضوع من البداية وخلاني أخرج عن صمتي

بالحب والإشراق

سهل · #49 13/03/2009, 04:31 AM

تم قبول الاقتراحات شكلاً ورفضها مضموناً .

الهنوووف · #50 13/03/2009, 04:32 AM

روقوا
كلامكم كثير مدري وش اعلق عليه بالضبط

اممممممممممممممممم
بس ابشروا ملاحظتكم تهمنا وان شاء الله نراعيها بالمسابقات الجاية
وانا مو ضد انتقادات بالعكس حلوو الواحد ينتقد حنا نستفيد ونفيد
وحنا مو معصومين من الخطأ وماقلت هالشي ابدا

لان الواحد اذا ماتعلم من اخطائه ماراح ينجح ابدا

وملاحظتكم على عيني وراسي

عطوني ابوطلال

إقتباس


	يعني يمديك تقلبين موازين المسابقة بصوتين من هنا وهنا ..!

لو ماكنت متربية في بيت ناس صح يمديني

عطوني المشاغب

سلطان

اذا دعى الامر واضطريت اعطيهم يوزري بعطيهم وبعطيك اولهم
وحتى لو ماعطيتهم يوزري اقدر اصور لكم وتراني مو حريفة بالفوتوشوب مااقدر احرف

يمكن فهمت ردي غلط انت بعد

بخصوص كلامك ان لما يجي عضو وينكر انه صوت لفلان
هذا شي راجع له مو ذنبي انا ولاذنب اي شخص قائم على مسابقة
ادري بتجي بتقول اجل لاتسون مسابقه اذا ماتبون احد يشكك والخ
بقولك اذا الواحد يشتغل بذمه وضمير ويخاف ربه ماراح يهمه تشكيك او انكار الاخرين لكلام قالوهـ
عموما ملاحظتك اشكرك عليها وان شاء الله نراعيها بالايام المقبلة

صدقني لو بنتظر شكر من أحد ماشتغلت ابدا

ومع ذلك ماانكر ان شكركم دافع لي

[QUOTE]

عطوني رائده

تسلمين يالغلا بديت اكرهتس ليتني ماقلدتس

(امزح )
والاستشاري والمشرفين مايعتبرون اشخاص يفرزون الاصوات غير الهنوووف.......؟
كل شي موجود عندنا ولو غش شخص واحد فيه 8 اشخاص غيرهـ بيكون عندهم امانه

ماودي استرسل كثير
عموما لو كنت غلطانه فالعذر والسموحه من الجميع

ماودي مسابقة تخرب علاقتي باحد فيكم كلكم غالين علي

\

/
ابوطلال

المشاغب

رائده

ابوناصر

عريب عبدالله · #51 13/03/2009, 04:48 AM

إقتباس


	عطوني رائده تسلمين يالغلا بديت اكرهتس ليتني ماقلدتس (امزح ) والاستشاري والمشرفين مايعتبرون اشخاص يفرزون الاصوات غير الهنوووف.......؟ كل شي موجود عندنا ولو غش شخص واحد فيه 8 اشخاص غيرهـ بيكون عندهم امانه

أصلا عارفة أنك تحبيني وما تقدرين تكرهيني لأني بسم الله علي أنحب

بس أنتي حاولي وماتقدرين

راح أوضح الأمر أكثر أنا مستحيل أشكك في مصداقيتك لأنك ببساطة الهنوف

لكن وجودك في اللجنة التحكيمية وأنتي مقلدة قد يضرك مثلا أنك تستحقين اللقب لكن ما عطيتي صوتك نفسك

وأمر آخر قد تفتاح باب لدخول العذال بيننا أمثال سلطان أجارنا الله منه

فمن الأولى سد الذرائع والإبتعاد عن اي أمر قد يفتح باب آخر

أنا فقط تكلمت عن اللجنة التحيكمية وليس الأمر شخصي إطلاقا وأنتي عارفة مكانتك عندي

يعني هالأمور تراعى مستقبلا وفي مسابقات أخرى

لكن هالنتيجة منصفة والكل راضي ماعدا سليطين ذو اللسان السليط

مستقبلا لجنة التحكيم تكون حيادية وطريقة التصويت والدرجات واضحة وعلى اليوزر الإستشاري
ولا تؤخذ الأصوات اللي برا الموضوع المقام للتصويت

هذا ما لدينا في هذا الشأن

كنت
هنا
ورحلت

بالحب والإشراق

R D H · #52 13/03/2009, 05:18 AM

السلام عليكم ورحمة الله وبركاته ..

تحيه طيبه للجميع هنا

.. اللي نسقوا واللي أعدوا ولصاحبة الفكره واللي تقلدوا واللي قلدوا واللي مافهموا فكرة المسابقه الا عقب مانزلت النتائج .. زيي يعني ..

أنا حبيت أني أدلو بدلوي .. وأمشي ..

لو تلاحـظوا ياجماعة أن السبب في هالنقاش بسيط وصغير جداً .. لكن مدري وش اللي كبره بهالشكل .. مع أننا لو دققنا بكلام الجميع وفكرناوردينا بهداوهـ .. ما كان الجو صار حر زي كذا ..

أقرأوا الكلام برواقه .. ولو منت رايق لا تقراه ..

أولاً ../

الجهـد والتعب عمرهـ مارح هـدر .. والشبكه يدخلها الألاف من الأعضاء .. والشخص اللي يتعب ويتميز .. رح يظهر ويبانـ .. ورح يشكر على تعبه وجهدهـ .. وطبعا أنا أقصد بهالكلام هذا الأخت الكريمه ( الهنوف ) .. فـ نعلم أنها أعدت .. ونعلم أنها تعبت واجتهدت من أجل نجاح هذه المسابقه .. وهذا الشي الظاهر للجميع .. والكل يشكركـ عليه بدون أية مجاملات في هذا الجانب ..

ثانيا ../

مافي هناكـ أي مسابقه من أول ماتتم تكون خاليه من الاخطاء على جميع الأصعده ..
ونجاح أي مسابقه لا يأتي إلا بعد حدوث الأخطاء في البدايه ثم معالجتها وتفاديها في المسابقات القادمه ..

ولذلك فإن أي نقد يعتبر من أجل مصلحة المسابقه .. ولا يعني أبداً إنكار الجميل والجهد الذي قام به المسؤول عن المسابقه ..

بالنهاية المسابقات هذه تقدم لنا أحنا يالأعضاء .. ( منا وإلينا ) .. فالنقد شي ضروري لتفادي الأخطاء كلها ثم النجاح .. والنقد مايعني إنكار الجميل أبدا بل بالعكس يعني تقدير واحترام .. ويعني اهتمام من العضو نفسه بهذه المسابقه ..

ثالثا ../

الأخ سلطان دوره بهالمسابقه أنه من ضمن الشخصيات التي تم تقليدها .. يعني لو فيه جوائز ماله شي

.. فما الذي رح يخلي شخص مالها في الميداليات نصيب

.. ينتقد خطأ بالمسابقه إلا لأنه يرغب بإصلاح هذه الأخطاء ونجاح المسابقه أكثر في المرات القادمـه .. وانتقاده لا يعني إنكار للجميل .. ولا يعني أبدا التشكيك في مصداقية المعدين ..

كل ما انتقدهـ سلطان .. كان واضحاً جداً .. قال بأنه من المفترض ان يكون اليوزر المرسل إليه التصويت .. هو يوزر ( الاستشاري ) .. وليس يوزر ( الهنوف ) .. انتقاد عابر سريع وأوافقه فيه .. من أجل نجاح المسابقه أكثر الأفضل يصير كذا ..

وأخوي سلطان ضرب مثال على ذلكـ .. لو حدث أي رغبه من أي عضو في أنه يرى النتائج .. يكون من السهل أنه يتم التأكد من قبل المشرفين بالدخول على يوزر ( الاستشاري ) ..

هذا كان كل انتقاد سلطان .. بسيط وواضح .. من أجل مصلحة المسابقه في الأعداد القادمه .. بدون إنكار جميل ولا هم يحزنون ..

فما أدري كيف كبر النقاش وأخذ أكبر من حجمه .. مع أني واثق أن الكل يبي مصلحة المجلس ونجاح المسابقه ..

أخيرا ../

كلنا مجتمعين على حب الزعيق ..

وواضح من الردود أن الكل يرغب في نجاح أي مسابقه .. لأنه نجاحها من نجاح الأعضاء نفسهم .. فكل شي منا ولنا .. فـ مو معقوله نخربه وهو لنا ..

وكل شخص تعب واجتهد الله يعطيه ألف عافيه ..

وأخص بالذكر هنا مره أخرى الأخت الهنوف وصاحبة الفكره سوليدهـ ..

وأتمنى أنك يالهنوف تتقبلي الانتقاد البناء بصدر رحب .. تعبك على عينا وراسنا .. ومانسيناه ولا نكرناهـ وماحد يقدر أصلاً .. لكن أيضا الإنتقاد البناء هو اللي رح يزيد من نجاح هالمسابقه لأنه كل انتقاد رح يكون على خطأ .. ورح يتم تفاديه إن شاء الله ..

وبكل صراحـه أدواركـ كانت كثيرهـ جداً .. ويجب مراعاة هذه النقطه بالمرات القادمه ولا أزيد على ماقاله أبو طلال ..

والله يعطيك العافيه ياسلطان على اهتمامكـ .. بنظري أنا .. أنه هذا كله اهتمام من شخصك للمسابقه .. وأنك ترغب في التطوير للأفضل ..

أعيد وأكرر ( النجاح أن نرى الأخطاء وننتقدها ونتفاداها في المرات المقبله .. لا السكوت عنها )

وأيضا ..( الانتقاد البناء لا يعني أبدا إنكار الجميل .. والتشكيك )

وألف مبروك للي حسسني أنه فايز برالي حايل المقام في نجران

.. أبو طلال

.. وأنا جاهز اكون مدير أعمالك

.. تخبر أنت صرت نجم كبير وتبي من ينظم لك احتفالاتك مع المشاهير .. ( لكن صدقني لو فيه عدد ثاني للمسابقه .. بأكتسحك )

يعطيكم العافيه جميعاً ..

وشكراً من القلب لكل من ساهم في إنجاح هذه المسابقه ..

دمتم بأجمل حال

الســفيرة · #53 13/03/2009, 05:27 AM

مبرووووووكـ للقلودين

المسابقة فكرتها وتفاعل الاعضاء معها اكتملت روعتها

للجمييع بدون استثناء

الا جد الي عنده فكرة مسابقة وين يقترحها ؟

الهنوووف · #54 13/03/2009, 05:36 AM

R D H
هلا بك
وانا اقول يعطيه العافية المشاغب وان شاء الله نراعي هالامر بالمسابقات الجاية
وذكرت بردي مو ضد النقد لان الي مايغلط ماينجح

إقتباس

الرسالة الأصلية كتبت بواسطة أحلاهم واتحداهم


	مبرووووووكـ للقلودين المسابقة فكرتها وتفاعل الاعضاء معها اكتملت روعتها للجمييع بدون استثناء الا جد الي عنده فكرة مسابقة وين يقترحها ؟

عسى مافيها تصويت

ارسليها لـ يوزر الاستشاري

انتقاد المشاغب وابوطلال وصل وفهمته خلاص

ويعطيهم العافية
اذا فيه شي جديد حياكم بس مو نزيد ونعيد والسالفه شبة منتهيه

مَاهِينُورْ · #55 13/03/2009, 06:20 AM

..

الهنوووف

لو أنا مساعدتك بجمع الاصوات تتوقعين كيف بيكون النقاش

الحمد لله اني ماارسلت لك اللي انا حسبت

~> لا حد يفهمني غلط هنوو مااطلبت مني شي

بس انا شفقانة ابي أشوف النتيجة باسرع وقت ومافي حل الا اني أجمع الاصوات

..

حلو نقاشكم

ولو انكم طولتوا والموضوع مايستاهل كل هالردود

كلكم وجهة نظركم واضحة وصائبة

..
حلو ردك يا ( رده )

أتفق معك ولا يهونون الجميع

إقتباس


	أخيرا ../ كلنا مجتمعين على حب الزعيق ..

مندس

يقول زعيق

\
/
\
وسلامتكم

ماحبيت أقرأ الردود ولا تكون لي بصمة

ابو طـــــلال · #56 13/03/2009, 06:22 AM

^^^^

لا بالنسبه لي انا خلصت ماعندي شي ... ( الأسهم للهنوف بس طمرت (بدر الشموس )

مدري عن بقية الزملاء هع هع

==========

يالجنرال

ياليت تقدم ملفك فيه معلومات عنك وخبراتك في مجال الهندسه علشان وظيفة مدير أعمال خاص فيني

وتقدر تستلم شغلك من بكرا .. بس عاد تصبر علينا بالراتب .. لانه من شروط العمل عندي إنك تكون تحت التجربه دون راتب لمدة سبع سنوات .. وبعدين أوقع معك العقد

أجل زعيق يالحالمي >> إحتياطاً