هذا الله يسلمكم سالفتى ايام البيوت الطين يعنى منذو مبطى
كنت نايم فى السطح والعصافير تحوم فوق راسى ( الله من البرئه )
المهم انى قمت حسران مره ابى اشرب مويه ومن شده ماانا حسران قمت
امشى على اطراف اصابع يدى .. خايف ازعج هالتماسيح :sad:
شربت مويه ورجعت اكمل نومتى وفى نص نومتى قمت مرتاع احس فينى شى
متغير وانا اللى اطمر للمرايه الين شعر وجهى مهوب فيه وشعر راسى
طويل وفيه توكه وشى فى صدرى قام يكبر والغريبه انهم كلهم يسار :sad:
لا حول الله والله البلشه الحين وش بيقولون اهلى
ان درا ابوى بيكفخنى
وبيقول لى هذى اخرت اللقافه .. وانا اللى اروح لامى واعلمها باللى صار
المشكله فيه عزيمه عندنا طيب وين اروح اروح للرجاجيل اصب قهوه ولا
اجلس مع الحريم
طيب انا ماعندى لافساتين ولا شلح انا لله طيب وش اسوى
قلت مالى الا البس فنيله نص كم وصروالى الطويل والبس عليها الدراعه
اللى عطتنيها امى ... يوم جيت بانزل مع الدرج الين محمد ولد خالتى
داخل بالقهوه كأن قاعد يصب القهوه للرجاجيل وانا اللى ارجع مستحيه
لغرفتى واسكر الباب على واتسند عليه واحمرت خدودى وقمت اطق طق
بأصابعى ياربيه عسى ماشافنى
قلت مالى الا البس جلال وانزل للحريم
طيب وشلون اسلم بيدى ولا ....؟ المهم نزلت وسلمت عليهم يوم قعدت الين
شعرى يطيح على عيونى وانا ارفعه بيدى يوم طاح ثانيه قامت وحده من
البنات وعطتنى طوق ولبسته علشان يمسك شعرى
والمشكله ان ابوى شديد ومايخلينى اطلع ولا اكلم بالتلفون قلت مالى الا
اتزوج علشان افتك
يوم تقدم لى اول عريس طبع اللىهو محمد ولد
خالتى وافقت على طول ;)
وبعد 3 شهور من زواجنا رحت ازور اهلى يوم دخلت مع الباب حامت كبدى
وقعدت اطرررررش قامت امى توزع ابتسامت وتقول لمحمد مبروك ولى العهد
قادم
شوى الا ذاك البوز اللى يمشى مليون من الوالد يقول لى قم لا تفوتك
صلاه الفجر ... ياالله اثره حلم الحمد لله انه مهوب صدق :sad: قمت من
الفراش وانا اصب عرق والفراش اللى تحتى مليان مويه مدرى من وين جت
يمكن ماصوره ضاربه فى البيت
الله يرحم ايام زمان 
من خشمك 
الوضع العادي
