نادي الهلال السعودي - شبكة الزعيم - الموقع الرسمي - من روائع الراحل محمد الاحمد السديري

ينام من لاجال هم بخاطره ***** وناشيل من ظيم الهموم ثقيل

اشيل مالاشال حيد من الصفا ***** ولاني على شيل العظيم iiهزيل

إلى صارت النفس العزيزة تسوقني ***** إلى مرقب عال دراه ظليل

اصبر على ظيم الليالي وكودها ***** وناجي القلب بالفواد عليل

على أي درب يالنديم تدلني ***** واظنك على عسر الدروب iدليل

ونا عارف يا قلب ما رداها جسك ***** ولك خالق ما هو عليك بخيل

الواحد اللي ما تعدد فضايله ***** مده الى شح البختيل جزيل

ولي عشقة ما بين الاضلاع غاطسه***** على تبعد والمسير طويل

عشقتها والموت بيني وبيا***** ابتعب وراها لو يقال هبيل

عهد الموده تم بيني وبينها***** ولا ينفصم دام البحور تسيل

ما صاب قيس بحب ليلى اصابني ***** على واحد ما بي حذاه بديل

همه يداعبني بنومي ويقظتي ***** ارجى متى غصنه على يميل

خليل يخايلني بعينه وخايل ***** ماله بنفسي بالعباد عديل

اخيله مخايلة العرب بارق الحيا***** وناله على عسر السنين عميل

ان تم حبل الوصل بينى وبينه ***** ما يلتتفت قلبي لكل جميل

هواها يعيفني من النوم ما حلا ***** متى نلتقي بالفرقدين نزيل

الايامهات الريم روفي بعاشق ***** اسرتيه ولاله بالعباد خليل

ماله من الفزعه حذا وجه خالقه ***** وقلب تحشاان يقال ذليل

قلب على الصكات اقسى من الصفا ***** الى صاب مرعوب الفواد جفيل

وعلى البال يطري لي من الناس نادر ***** جنسه الى ضاق الزمان قليل

ان كبرت القالات مارف خافقه ***** والذل ما يلقي عليه سبيل

الياعتت جرد السنين واجذبت ***** سحب الحيا واصبح ثراه محيل

كريم ولايرخى من البخل حاجبه ***** جوده إلى شح السحاب يخيل

اعني فتى وايل وذروة سنامها ***** سيف بحزات اللزوم صقيل

احب من يصبر على كل شده ***** إلى شاف من خطب الامور جليل

ولا هوب رجاف فواده من العدا***** دخيل للى ماوراه دخيل

اخا الجود من يرقى من المجد ماعلا ***** وخال الذل يصبح للذليل قتيل

وخا الجود فيه الجود يلقى ويرتجا***** وخا الذل ما يلقى وراه حصيل

من عاش بالذل الطويل لقيته ***** ردي العزايم للجبان زميل

قيل الفتى بالعجز ما يدرك العلا ***** ارا الليل بساعات النحوس طويل

رحمة الله عليه