ملتقى الشباب بالخبر 3 (تقرير - صور ) - نادي الهلال السعودي - شبكة الزعيم

وليد القحطاني · #1 13/03/2009, 01:53 AM

- تغطية الملتقى 1

وليد القحطاني - الخبر :-

انتهت ثاني أيام الملتقى والمقام حالياً بالخبر وبالتحديد في كورنيش الخبر
وبالتحديد في الواجهة البحرية

..
حضور اليوم كان أكثر من حضور امس , على كلام زميل لي

تم الوصول للملتقى الساعة الرابعة والنصف , كانت هناك زحمة غير طبيعية
من اولاد وشباب وبنات

, والبنات استغفر الله العظيم جالسين عند البوابات
استغفر الله بس

أمس كان ضيف الملتقى الشيخ / عائض القرني
وكان ضيف اليوم الشيخ / خالد بن إبرهيم الصقعبي
لم استطيع تغطية لكم المحاضرات لظروف خاصة

وكان من الحضور ايضاً حامد الضبعان وعيد الشمري

المهم اول مادخلت حصلت قدامي اكثر من اجهزة كمبيوتر
وهي استبيان للملتقى تكتب فيه اسمك وفيه 4 اسئلة

رأيك في الملتقى بشكل عام ؟
ورأيك في النظافة ؟
وكيف عرفت الملتقى عن طريق ( منتدى أو صحيفة إلخ )؟
ورأيك في التنظيم ؟

وهذي صورة للأجهزة :-

بعدها مشيت للملعب الترابي اللي يلعبون فيه دوري
وكان فريق اخوياي موجود وفازوا 1-0

بس الملعب مرة سيئ , يعني تمسك كورة تنقطع منك ع طول
مافيه إلا سريع سريع

وهذي صور للملعب :-

بعدها مشيت لشئ اسمه خيمة مجالس شبابية
فيها يجتمعون الشباب الكبار , مسابقات وضحك وفرفشة

وهذي كم صورة للخيمة :-

بعدها مشيت لخيمة الفعاليات , الخيمة الرئيسية في الملتقى
يحي فيها الضيوف والمسابقات والاناشيد والمسرحيات وغيرها !
وهنا كم صورة لها :-

بعدها توجهت لخيمة المعارض والتقطت لكم كم صورة :-

هالصورة بغيت اسوي فيها محترف بس ماعرفت خخخخخخخخخخ

صور منوعة للملتقى :-

..

مقتطفات :-

- دخلت دوري تنس طاولة ووصلت لنص النهائي , فيه مصري مدرب لتنس طاولة
جايب عياله وعيال عمه وعيال جيرانهم يلعبون في الدوري وهزموني

- طبعاً بعد كل صلاة اذا سلم الأمام تشوف الورعان كل واحد يروح عند باب
الالعاب تقول رايحين يحبون الحجر الأسود

- اليوم مسكني واحد من مشرفين الملتقى قال لي : انت اعلامي انا ماعرفت وش اقول !
قلت ايه نعم اعلامي : قال اي صحيفة ؟ قلت كذا بعد تفكير سريع : مجلة عالم الزعماء ههههههههههههههههههههههههههههههههههه

قال وش هالمجلة , قلت مجلة تصدر في الرياض بس خخخخخخخخ

قال : اوكي الله معك

- قبل ماينتهي الملتقى ع الساعة 11 ونص نزلت اخوياي عند الملتقى
كنا نتعشاء ورجعنا الملتقى وانا كنت رايح انام كنت تعبااااااااااان

يوم فتحوا الباب عشان ينزلون سمعت من مكبرات الصوت يغني :-

السيل يا سدرة الغرمول يسقيك
من مزنة هلت الماء عقربيه

نزلت وطار النوم ع طول ..
وطلع حامد الضبعان ينشدها

تسرق اغاني ابو نورة

- في الأخير اعتذر عن رداءة الصور , مدري ليش في الجهاز تطلع واضحة
بس إذا صغرتها تروح جودتها

..

- بإذن الله راح يكون لي تغطية قادمة بس ما ادري اي يوم بصراحة ..
والله يعين بس ..

- لمشاهدة المحاضرات القادمة اظغط هنا

وهنا جدول للدورات التدريبية ( شكر خاص للغالي شبوط )

في الأخير إن أصبنا فمن الله و إن أخطأنا فمن أنفسنا ومن الشيطان
وأرجو ان التغطية عجبتكم

abo 3losh · #2 13/03/2009, 02:00 AM

إقتباس


	- طبعاً بعد كل صلاة اذا سلم الأمام تشوف الورعان كل واحد يروح عند باب الالعاب تقول رايحين يحبون الحجر الأسود

خخخخخخخخخ

وليد يعطيك العافيه
تقرير راائع مميز
تمنيت لو اني في الخبر

لا عدمناااك..!

هلالي في جده · #3 13/03/2009, 02:09 AM

ماشاء الله
يعطيك العافيه وليد مجهود خرااافي

لاهنـت ..

الـمـشـاغـب · #4 13/03/2009, 02:10 AM

يا سلام عليك يا وليد .. مبدع يا اعلامي يا مخضرم

إقتباس


	- اليوم مسكني واحد من مشرفين الملتقى قال لي : انت اعلامي انا ماعرفت وش اقول ! قلت ايه نعم اعلامي : قال اي صحيفة ؟ قلت كذا بعد تفكير سريع : مجلة عالم الزعماء ههههههههههههههههههههههههههههههههههه قال وش هالمجلة , قلت مجلة تصدر في الرياض بس خخخخخخخخ قال : اوكي الله معك

ـههههههههههههههههههههههههههههههـ

من عرفتك كذوب

بس حلوة منك ما شاء الله مبدع حتى بالكذب

المهم .. آسف على السحبة امس

بيني وبينك .. استخرت واخترت أقابل ناس خير منك

ان شاء الله بيننا بكرة بنتقابل بالملتقى بس بالليل

بشرط ما تصوّرني يالاعلامي

تصبح على خير وننتظر تغطية بكرة

abo_nasser · #5 13/03/2009, 02:31 AM

^
^
^
نشيط...بسم الله عليك..

ردود اقتراحات انتقادات هوشات ما خليت شي ما شاءالله..

هلا وغلا بالكذوب وليدوووه..

الله يعطيك العافيه ولاهنت يالغالي..

اذا قابلت سوسو بكرا..بوسه لي لاهنت..

سلاااااااااااااااااااااااااام

الســفيرة · #6 13/03/2009, 02:42 AM

ابي بليلة وايس كريم

ماشاء الله عليك وليد تسلم يدينك

ننتظر التغطيه الجاية

سهل · #7 13/03/2009, 02:42 AM

كم سعر السويت بالاندلسية للاجنحة الفندقية !

يا حليلكم بالشرقية ما فيه زحمه

بالرياض ما تشوف الملتقى او الكتب بمعرض الكتاب
من كثر الناس الموجودين ..

تقرير رائع .. اتعبناك اخوي وليد

القيصر رهيب · #8 13/03/2009, 03:11 AM

إقتباس

الرسالة الأصلية كتبت بواسطة سهل


	كم سعر السويت بالاندلسية للاجنحة الفندقية ! يا حليلكم بالشرقية ما فيه زحمه بالرياض ما تشوف الملتقى او الكتب بمعرض الكتاب من كثر الناس الموجودين .. تقرير رائع .. اتعبناك اخوي وليد

ما عرفنا لك ابو حاتم

نوبتن شرقاوي ونوبة رياضاوي

وليد معليش ما راح أتفرج على تغطيتك

عشان احضر مباشر

يوم الاثنين محاضرة الشيخ العريفي إن شاء الله ربي يكتب لي روحه

أحلـى هلاليه · #9 13/03/2009, 03:13 AM

إقتباس


	نوبتن شرقاوي ونوبة رياضاوي

متعوب عليها رياضاوي

الله يعطيك العافيه
ننتظر التغطيه القادمه

فتاه هلاليه · #10 13/03/2009, 03:18 AM

ياهلا فيك وليد

ماشاء الله تغطية حلوة ومتكاملة

بس لو إنك كنت حاط على الصور حقوق الحفظ مدري النشر
مدري وش يسمونها ذيك

يعني يصير اسمك على الصور لأن خبرك الزرف هاليومين بريالين

شكرًا وليد ع التغطية

لاهنت

وردة الهلال · #11 13/03/2009, 03:18 AM

تكفى وليد صور له الزحمة حقتنا

الريآض مشآفيح عآد ماعندهم خير.

حنا الحمد لله متروسين من ذا الخير

<برآآ

التغطيه. كويسه.

بكرا لاتخلي شي ماتصوره هآه

وبعدين صور المعارض كلها مآسي ليش!

مافيه شي حلو!

<برآى تكفين

الزبدة قهر. ابوي آخر ليل ولا كآن قدرنا نجي. مآآش ليتهم مسويينها بعطلة العشر ايام . ابرك

كان يمدي صورت لكم خيمة الحريم

وليد. عآفآك الله على هالتغطيه.

بإنتظآرك بآجر.إن شآء الله

وليد القحطاني · #12 13/03/2009, 03:22 AM

يمكن بكرة أعتذر عن التغطية بكرة !
لاني في اغراض لازم اشتريها بكرة وماعندي وقت فاضي إلا بكرة ..
لكن بحاول لعيونكم ..
والف شكر لمن مر من هنا

السمسار الهلالــي · #13 13/03/2009, 03:29 AM

مشاء الله عليك ياوليد تغطية مميزة

والله يوفقك وحنا الله يوفقنا <

^

افلقووني ان فهمتو شي

-
-

وليد أبسألك متى أخر يوم للفعاليات

.. ؟

/

طوق الحمام · #14 13/03/2009, 03:32 AM

الله يعطيك الف عافية ..ً

تغطية اكثر من رائعة ..

اجل من مجلة عالم الزعماء اعجبتني عالم الزعماء <<< فقشة وااااااجد حليوه

تسلم ما قصرت لك تحية تقدير على ها الجهد ..

با التوفيق

المحبره · #15 13/03/2009, 04:33 AM

هلا وليد

ماشاء الله مجهود كبير .. الله يعطيك العافية ..

واضح إن الملتقى كان حلو .. و مشكورين القائمين عليه لإنهم يرفهون عن الشباب ,,
و ماشاء الله الجو عندكم حلو ..

الله يهنيًكم

إقتباس


	المهم اول مادخلت حصلت قدامي اكثر من اجهزة كمبيوتر وهي استبيان للملتقى تكتب فيه اسمك وفيه 4 اسئلة

حركة حلوة جداً ,,

إقتباس


	وطلع حامد الضبعان ينشدها تسرق اغاني ابو نورة

أعتقد إنه سواها كثير .. ينشد أغاني محمد عبده و بعض الأغاني القديمة !

أعجبتني فكرة خيمة المجالس الشبابية .. و خيمة المعارض حلوة صورها ..

ألف شكر لك وليد عضو مجلة عالم الزعماء

تقرير رائع و متكامل .. و صور روعة

ننتظر البقية