09/03/2009, 12:34 AM
|
 | موقوف | | تاريخ التسجيل: 20/04/2007 المكان: الظهران
مشاركات: 9,506
| |
|
مخالفات هدايا !! وقصة استاد الملك فهد :D
السلام عليكم ورحمة الله وبركاته
مساكم الله بالخير
وصباحكم خير هالمرة راح اتكلم عن المرور الله يخلف على بعضهم بس ! << من زين مواضيعك  وقصة استاد الملك فهد  والموضوع بدون اي فكرة بس قصتين حصلت لي وبذكرها  قبل فترة ويوم الجمعة بالتحديد صحيت من النوم وتوضيت ورحت للمسجد .. المهم واحد من اخوياي ولي فترة ماقابلته مريته وسلمت عليه وسواليف إلى وصلنا المسجد والامام يخطب الخطبة الاولى , والمواقف زحمة فوقفت في نص الشارع .. وفيه دورية وراي ماقالت لي ولا شئ .. وانا قاعد اسولف مع خويي جاء عندي وقال : الرخصة والاستمارة !! عطيته الرخصة والاستمارة , والرخصة توني مطلعها وفرحان فيها وعطاني مخالفة ! قلت ليش ياخوي مخالفة : قال واقف غلط !! قسم بالله ارتفع ظغطي ويقولها بكل برودة  قلت له الله لا يسامحك , مخالفة على مزاجك وبعدين اكثر السيارات واقفة غلط , وقفت علي انا .. وافتتحنا الرخصة بأول مخالفة .. * أمس كنت مع الوالدة راجع للبيت .. وكان فيه تفتيش للحي اللي احنا فيه ! المهم ماشي والشرطي في سيارته , انا مشيت على حسن نية , وشغل السيارة ولحقني وطاااط وطاااط فضحنا قدام الجيران الله يفضحه وقفت ع جنب , قال ليش ماتوقف عند التفتيش :- قلت ياخوي انت راكب سيارتك تبغاني انزل لك واقول امشي ولا لا ؟! سكت وماعرف وش يقول بعدين قال انوار الزنون ممنوعة ! انا ضحكت وقلت هههههههههههههههههههههههه قلت وش اللي ممنوعة ياخوي , قلت هذي من الشركة , قال ياخوي انا اعرف احسن منك في السيارات وقال انت مركبها ! والانوار من الشركة اصلاً , والله ودي اتكلم عليه بس خايف من التوقيف ونسوي فضيحة عند الجيران .. والله زهقنا من هالعينات ياناس ! إلى متى طيب ! يعني خلاص اوكي شرطي ومرور , بس لاتعطي الواحد مخالفة لانه قاهرك عطه اذا ارتكب خطأ مثل قطع اشارة او يفحط او يسرع او مظلل كتم * وش شعورك إذا دخلت مكان تشوفه كل يوم في التلفزيون وودك تروحه يوم من الايام وتحقق حلمك ! الحمد لله صادف وجودي في الرياض على وقت مباراة الهلال والنصر انا متحمس من قبل المباراة بيومين  وماقصر الاخ ماجد مقبل  وفر لنا التذاكر مجاناً , بعد مسيرة ساعة وفرفرة في ساحة الملز ههههههههههههه .. المهم اول مادخلت الاستاد ماصدقت اني داخل بس سلكت لنفسي اني موجود فيه دخلت وجلست في مكان مميز بحيث اني اشوف جمهور النصر بوضوح وخيبة املهم مع صافرة الحكم صدقت وقتها إني في الاستاد جالس مع الجمهور ! ومازال الامن اللي موجودين في الملعب يمارسون عاداتهم السيئة , وقبل المباراة بــ ثلاث ساعات سكروا البوابة ويقولون زحمة ,, والاماكن شاغرة للهلالين بس حقد على الهلاليين الله لا يوفقهم ! والحمد لله وجهي كان وجه خير للهلال  , وفاز الهلال وتأهل للنهائي والحمد لله والاهم عندي هي مقابلة الغالي ماجد وجهاً لوجه وأيضاً الغالي وهاب :: مسوي كريم :: كلمت ماجد على العشاء اني بقابلة .. وقلت له انا عندي عزيمة عند واحد من اخوياي وبكلمك إذا طلعت .. المهم رحنا انا وياه كوفي شوب .. بعدها قال لازم تتعشاء قلت الله يغنيك ولا شئ ,, واهم شئ شوفتك < اقلقتك فيها ماجد خخخ يدري اني متعشي ولا في مجال للكرشة بس يحسب اني راح امدحه هنا تبطي عظم ماجد خخخ ماجد نمزح معك يالغالي وشوفتك تسوى عندي الشئ الكثير والله ولا يهون وهاب وفي الاخير موضوع بدون اي تنسيق ولا فكرة فمان الله |
صار البلا نور الزينون حقك الله يهديك
<----------<< ترى مابي اوهقك ابد
مبروك يعطيك خيرها ويعديك شرها
<<ما ادري وش علاقة الموضوع
..
الوضع المتطور
