®©™سلااااااااااااااااااااااااام ™©®


موضوع ملغم

علشان نعرف اعمار الاعضاء هنا



نبدأ بالشياب


بحكم اني رجل راح اتكلم عن امنياتي كــ ولد في فترة ماضية

في نهاية القرن الرابع عشر الهجري يعني التسعينات الهجرية

كانت احلامنا على قدنا هاك الوقت بحكم الحالة الاقتصادية عموماً

يعني كان الكثيرين يحلمون يصير عندهم سيكل ويزبرقونه ( يزخرفونه ) مثل هالسيكل




او على الاقل انه يعرف واحد في الحارة عنده سيكل علشان يدفه




البعض كانت امنيته ان يمر من عند الملعب او مقر النادي فقط ولا يصل طموحه للدخول



وبالنسبة للمأكولات والمشروبات

كانت فرحتهم اذا قرروا اهله يشترون ببسي ( قوارير طبعاً ) ويشربونها في احتفال عائلي

وقمة الوناسة اذا كان العشاء نواشف وبالذات اذا صار فيه طحينية



اما الملابس والخلاقين

فكان الولد ممكن يجيه صرعة اذا شروا له اهله طاقية زري



وممكن يقعد في بيتهم اسبوع مايطلع اذا شروا له كنادر جديدة



والواحد يصير اهم شخص في الحارة اذا كان في جيبه خمسة ريال او عشرة بالكثير




امور كثيرة كلها بسااااااطة وبراءة





نجي للجيل الحالي

وهم مواليد 1410 وجاي

كل يوم لعبة جديدة ... يمل منها ويرميها

ألعاب مختلفة الاشكال والاصناف

همهم هو ألعاب البلاي ستايشن

تحصلهم بكثرة على المسنجر والشات


الأكل والشرب ...... يمدحون ماكدونالد

الفرفرة والدوجان في الشوارع هي افضل وسيلة لقتل الفراغ


الملابس ( الخلاقين لنا والملابس لهم ) بناطيل وقمصان اشكال وألوان






فرق شاسع بين الجيلين

نحمد الله على النعمة وتغير الاحوال

عشنا ايامنا بسعادة

ويعيشون ايامهم بسعادة



اتمنى رؤية مداخلات تثري الموضوع وبالذات من فئتين

عيال النيدو وهم الجيل الجديد

وفئة النساء ليشرحوا لنا الفرق فيما يخصهم



فتكم بعافية


®©™وسلااااااااااااااااااااااااام ™©®

®©™سلااااااااااااااااااااااااام ™©®

إقتباس الرسالة الأصلية كتبت بواسطة ღ إبن الزعااامـــه ღ هلا فيكـ جدوو في الحقيقة والواقع مدري ايش أقولكـ لأن موضوعكـ يحتااج جلسه وروقاان وأنا توي طالع من الجامعه .. والحين الوقت ضهريه وحر>> هذا وهو ما بعد دخل الصيف عالعمووم الله يعطيكـ العافيه أخوي وفرصه سعيدهـ >> مدري ايش دخلها بس ودي أقولها.. ( ثااني مرهـ لا تقول عيااال النيدو ) بالتوفيق لهلالنا

هلا بك يبن الزعامة

خلاص مانسميكم عيال النيدو

بنسميكم عيال الاندومي

صدق انكم جيل ضايع وما عندك احد

اجل هالجو الباريسي هالايام وتقول حر وصيف

بيجيك طباااااااخ التمر ثم طباخ الاوادم وتعرف ان الله حق


منووووووور يا كبتن


®©™وسلااااااااااااااااااااااااام ™©®

وعليكم السلام ..

هلا بك , وبمواضعك الظريفه .. الخفيفه , اللي بدون كليسترول ..

بحكم ان موضوعك ملغم , بقول لك مايحتاج تلغيم , انا كانت امنيتي

السيكل اللي يتزبرق , وحصل وتزبرق وانوار وحركات مايمدينا عليها ..

اما الحين همهم بلايستيشن 3 , وآي بود , وجوال , وقيم بوي ..

الله اكبر .. راحت ايام الكيرم , وايام الطجمه << لعبه قديم ..

الا ليت الوقت يعود لحظه << انواع الترقيع ..

بس جد احسد هالجيل الجديد , لان ماشاء الله كل شي متوفر عندهم ..
صح الحمد لله ماني كبير , بس بعض الاشياء ماحصلت لي بوقتها ..

لاتحسبون اني ابو 40 سنه مثل رفلينو ولا القاضي .. ولا سهل وماجد مقبل

لكن مخضرم عشت مع الجيلين

رفلينوا .. الف شكر لك .. وتقبل احترامي ..
دمت بخير

®©™سلااااااااااااااااااااااااام ™©®

إقتباس الرسالة الأصلية كتبت بواسطة الكلاسيكي وعليكم السلام .. هلا بك , وبمواضعك الظريفه .. الخفيفه , اللي بدون كليسترول .. بحكم ان موضوعك ملغم , بقول لك مايحتاج تلغيم , انا كانت امنيتي السيكل اللي يتزبرق , وحصل وتزبرق وانوار وحركات مايمدينا عليها .. اما الحين همهم بلايستيشن 3 , وآي بود , وجوال , وقيم بوي .. الله اكبر .. راحت ايام الكيرم , وايام الطجمه << لعبه قديم .. الا ليت الوقت يعود لحظه << انواع الترقيع .. بس جد احسد هالجيل الجديد , لان ماشاء الله كل شي متوفر عندهم .. صح الحمد لله ماني كبير , بس بعض الاشياء ماحصلت لي بوقتها .. لاتحسبون اني ابو 40 سنه مثل رفلينو ولا القاضي .. ولا سهل وماجد مقبل لكن مخضرم عشت مع الجيلين رفلينوا .. الف شكر لك .. وتقبل احترامي .. دمت بخير

هلا بك اخوي الكلاسيكي

اجل مخضرم .... منتب عاقل يا صالح خليفة


بس صدقت يوم قلت : الا ليت الزمن يرجع ..... ورى والليالي تعووووووود

تحياتي لك يا عم

إقتباس الرسالة الأصلية كتبت بواسطة رائدة الزعيم بالنسبة لجيلي هو الجيل المتوسط بين اللي يدف السيكل وجيل البلاي ستيشن يعني من جيل كمبيوتر العايلة وماريو أحس طلع غبار مع أسم اللعبة أكثر شي أذكرة من طفولتي دبابي الأحمر اللي تو أبوي شارية لي وكسرة ولد عمي صح عوضني أبوي بواحد جديد بس الأول ما تهنيت فية أكيد ولد عمي نسى أنه كسر دبابي لأن الأمر مجرد حادث بس انا مانسيت طبعا أنا من 1406 يعني مخضرمة عشت الجيل القديم والجديد بس أحس أن جيلي متوفر لهم كل شي يبونة لكن شي واحد محرومين منه الشارع سمعت أنهم كانوا يلعبون في الشارع وسعة صدر أنا من الجيل اللي ما عرف أن فية شمس الا لما دخل المدرسة كان مصكوك علينا في البيت وما نطلع الا مع أهلنا وحتى البر لاتلعبون بالتراب تتوصخ ملابسكم كل شي عندكم ليش تلعبون برا يجيكم الحرامي,أم السعف والليف,العبد المدهن,حمار القايلة وانا مصدقين أن هالمسميات موجودة كان عندنا عرايس كثيييييييييييير ومواعين والعاب البنات المعروفة ذكريات باربي وعفشها ملابس وسيارة وبيت ...الخ ويالله كلها دبل لأننا بنتين ومن نشوف شي عند بنات عمي شرينا مثلهم ومن يشوفون شي عندنا شروا مثلنا والله البزران قلق كل ماشفت فلة ملحقاتها تذكرت هبالنا أول على الباربي للأسف أن جيل الباربي وفلة مساكين لأن الرجيم ذبحهم عشان يطلعون مثل باربي رشيقات فقدوتهم صارت باربي عشان كذا مجتمعنا أكثر البنات اللي فية نحيفات وين البنات يتذكرون أيام العرايس ولعبة الحريم <<ماادري وش نحس فية على هاللعبة صدقني عيال هالجيل مساكين محرومين من متعة الحرية وما يذوقونها لين يصيرون مراهقين ساعتها ينطلقون بقوة نحو التحرر من البيت والأنطلاق في الحواري والمقاهي والإستراحات خذت راحتي في جيلنا ولا زلت عند رأيي أن الجيل القديم حياتة أحلى بالحب والإشراق

هلا بك اختي رائدة الزعيم

من جد اسعدتني مداخلتك كونك بنت ولانعرف طبيعة حياتكم السابقة كما تعرفونها انتم


وفعلا اللعب في الشارع كان له طعم ثاني ذيك الايام


تسلميم على المرور اختي



®©™وسلااااااااااااااااااااااااام ™©®

^^^
طارق من هو جون كنيدي ..!!

بحثت عنه بقوقل وشفت انهـ مقتول وفيه صور لراسه واشياء ص1
<< ارتاعت



أنا اعرفها
بس اوب انا الي استخدمها
كانوا اخواني يسوونها ويلعبون فيها
انا اخاف انبط فيها اخاف يكون المغاط قديم وينقطع ويرجع على يدي
<< ماقد صارت لها ابد

طارق يا الشايب اتحتكـ بجيل هالوقت

®©™سلااااااااااااااااااااااااام ™©®


كل التقدير لمن رأى تثبيت الموضوع وقام بتثبيته

إقتباس الرسالة الأصلية كتبت بواسطة حتى ظلالي هلالي أنا من شفت صورتك الشخصيهـ وانا حاسهـ انكـ من حقين ماقبل 1400 ومافيه احد جيل أول اتمنى اعيش وقتهم صحيح حنا موفر لنا كل شيء من وحنا صغار وجيل مدلع لاخر درجهـ .. بس حياة اول احس احسن الواحد يعيش حياة بسيطهـ يحب كل الي حولهـ وكل الناس تحبهـ علاقات الجيران جميع ويتواصلون مابين الاطفال شيء غير اللعب بالحارهـ جميع والفلهـ مو الحين الله يكفينا الشر يتهاوش بزرين عشان لعبهـ .. وتتقاطع العايلتين عشانهم ياحليكم أطلق واحد بينكم الي معه 5 وإلا 10 الله يرحم ايام زمان الحين الي معهـ 100 زي الريال عندهـ اذا على الالعاب طبعا كانت لعبتي الاولى (السيكل) هذي العبها مع العيال دايم بحكم ان ماحولي بنات .. كل الي حولي من الاقارب عيال لا ونسوي اشارات بالحوش نصرف البزران بالنسبهـ لنا هم اقالهم الشرطهـ بس والله يا دايم حوادث وجروح ماظن فيهـ أحد من الي كانوا يلعبون معنا إلا فيهـ اثر للحين واذا اجتمعنا بنات بالاجازات لعبنا حريم يا حياتي يا حنا كنا نلعبها على نياتنا وببرائهـ وبالمدرسهـ كانت العابنا فتحي ياورده وعين سين صاد << مدري وش تحس فيه هاللعبهـ ومن في المطبخ << ترى هذولي كلها اقاله التراث حقنا يعطيكـ العافيهـ يا شبيب << جمع بين الشايب والشباب

هلا بأم ظلال

يعطيس العافية على البربرة الممتعة

إقتباس الرسالة الأصلية كتبت بواسطة هلالي من ارض اليمن شخصيا لا استطيع ان استوعب كيف كان الناس يحييون قبل عام 1990 م بدون ستلايت وجوالات وانترنت وبلايستيشن وشاشات LCD واللاب توب والكورن فليكس اتذكر المربية في الروضة وهي تجمعنا في تلك الحديقة الغناء تحدثنا عن الحياة قبل ذلك التاريخ .. كانت غاية في الصعوبة والتعقيد !! تخيل اذا اردت ان تحدث احدهم هاتفيا يجب ان تعود الى المنزل لإجراء مكالمه هاتفيه ( قمة السوفاج ) الكلاسيكي لا تأخذ من كلامه يتكلم عن ( السياكل ) ولم يشاهدها من قبل اما رائدة الزعيم وحتى ظلالي هلالي .. فلا يغرك .. اتحدى ان لم يكن شاهدات رؤيا العين على اغتيال ( جون كنيدي ) هل تعرفون هذه ؟ ريفيلينو اسعد الله اوقاتك شكرا لهذه المساحة الجميلة والله يعطيك العافيه

هلا بالغالي طرووووق

حلوووووه حكاية ....المربية وانتم بالروضة

وترى الكلاسيكي كان سيكله دفع رباعي وله آذان طوااااال

وعلى طاري النباطة .... اخوك محترف فيها

لو كانت موجودة في اولمبياد 1970 كان اخذت الميدالية الذهبية فيها

كل الغلا لك يا طارق

إقتباس الرسالة الأصلية كتبت بواسطة حتى ظلالي هلالي ^^^ طارق من هو جون كنيدي ..!! بحثت عنه بقوقل وشفت انهـ مقتول وفيه صور لراسه واشياء ص1 << ارتاعت أنا اعرفها بس اوب انا الي استخدمها كانوا اخواني يسوونها ويلعبون فيها انا اخاف انبط فيها اخاف يكون المغاط قديم وينقطع ويرجع على يدي << ماقد صارت لها ابد طارق يا الشايب اتحتكـ بجيل هالوقت

في جبهتي آثار النباطة



®©™وسلااااااااااااااااااااااااام ™©®

عندي لك سؤال يابوشنب ...

كنت ترقى فوق النخل وتخرف التمر اذا بدأ ينصّف ؟؟

كانك سويتها ترانا خويا

عندي لك هدية.. دنّينه

7

7



دوووك -->

وعليكم السلام ورحمة الله وبركاتة

هلا بك خيوو


اول امنياتنا على قدنا ويازينها من امنيات نسعى لها ونفرح لاصارت
الحين كل شي يجي هالاطفال بما يتمتعون به من حيل ودهاء الله يكفينا شرهم


حنا البنات من اول
ياحبي لنا نفرح بالعروسة مثل حقت رائدهـ الباربي لو انها من ابوريالين
الحين يالله عرايس على سنع ويكون حجمها كبير (طول ابليس على قولتهم ) وملامحها صدقيه
ومعاها خرابيطها وسيارتها


أول لارحنا البقاله وشرينا بريالين نحس اننا ملكنا العالم
الحين يالله توديه سوبرماركت على سنع وماتقل مشترياته عن خمسين ويطلع وهو مكشر بعد يبي زود


حتى متابعتنا للتلفزيون تغيرت
اول افلام كرتون الحين حتى الصغار صارت اهتمامتهم مسلسلات تركية وأفلام
وستار اكاديمي وهالخرابيط
ووماغير ننشد من هالاناشيد قي مدينة النخيل كل شي جميل
الحين بوس الواوا وشاطر شاطر


مانقول الا
الا ياليت الزمن يرجع

\

/
يعطيك العافيه ريفلينو
وياما حـ نشوف من هالاجيال الجايه