نادي الهلال السعودي - شبكة الزعيم - الموقع الرسمي - مشكلة ستواجه الهلاليين بالآسيوية أتمنى من الإدارة إيجاد الحل السريع!!

- منتدى الجمهور الهلالي (http://vb.alhilal.com/f28/)

مشكلة ستواجه الهلاليين بالآسيوية أتمنى من الإدارة إيجاد الحل السريع!!

بداية :

أبارك لسمو سيدي قائد الهرم الأزرق الأمير عبدالرحمن بن مساعد وسمو نائبه الأمير نواف بن سعد ولكل عشاق هذا الكيان الشامخ تحقيق بطولة ولي العهد.
هذا الإنجاز الكبير والغير مستغرب على الزعماء تحقيقه فليس من الغرابة أن ترى الزعيم يعتلي المنصات بل الغريب أن لاتراه في القمة ..

مشكلة ستواجه الجمهور الهلالي ..
وهي مبارايات إياب دور الستة عشر من بطولة الشامبيونز ليق الأوربي يوم الثلاثاء القادم الساعة العاشرة وخمسة وأربعين دقيقة ستقام أربع مباريات بنفس الوقت..
فكما يعلم الجميع أنها تستقطب وتلفت أنظار وأهتمامات الكثير من الجماهير الرياضية عموما والجماهير الهلالية خصوصاً ..
بعد هذا لدي اقتراح أتقدم به لإدارة هذا الكيان أتمنى إيصاله للمسؤلين بالنادي كما يعلم الجميع أن لدينا إستحقاق هام جداً وهي البطولة الأهم لدى كل الهلاليين وهي الآسيوية فلن نرضى بغير إصطكاك الملعب بالأمواج الزرقاء ولكن هناك عائق ربما يكون سبب يمنع البعض من الجماهير وهذا ما لانتمناه وهو دور الستة عشر من مباريات الشامبيونز ليق الأوربي وهي البطولة الأقوى في العالم على مستوى الأندية وتجذب الكثير والكثير من المتابعين والرياضيين في الوطن العربي والعالم أجمع فلماذا لايتم تقديم موعد مباراة الهلال وسابا الإيراني إلى مابعد المغرب مباشرةً ..
أو أن يتم لعب الشوط الأول قبل العشاء والشوط الثاني بعد العشاء ..
حتى يتسنى لنا جميعا حضور المباراة وخصوصا لمعرفتنا بالزحام الذي يحصل للجماهير بعد خروجهم من الملعب ..

تبقى في الأخير وجهة نظر قابلة للأخذ وقابلة للرد ..

فأتمنى من المشرفين طرح هذا الموضوع على إدارتنا الموقرة ودراسة الموضوع دراسة وافية..

ولكم تحياتي وتقديري
أخوكم أبوالرحى

اسمح لي أخوي الهلال الأسيوي أهم

وانا أعشق دوري أبطال أوروبا عشق لاينتهي

لكن مايبغالها أكيد بسحب عليه اذا فيه مباراه للهلال بكأس أسيـا فديتك

يمكن لو مباراه للهلال بالدوري السعودي اهتم بمتابعه الهلال ومتابعه دوري الابطال
لأن الدوري السعودي عادي ومارح يفيد الهلال وجمهوره كثر مافادهم خلاص

وانا اشهد انك صادق والله اني نسيت من دوري ابطال اوروبا اتمنى ان يتم عمل المناسب في هذا الموضوع

الهلال أولا وأولا وأولا

وبعدين دوري أوروبا

نعم

شكرررا

شرايك علشان الجماهير المتابعة للدوريات الاوربية

يحطونها العصر !!

صحيح أننـا نـــعشــق الهلال حــتى الثمالــه ..

لكن ..

أصدقائي غالبيتهم الـعـظمـى هلاليين لكنهم لــن يحضـرو المباراة لأنهــم يريدون المتعة سيشاهدون مباراة الهلال وبعدها مباريات أبطال أوروبا ..

يعني نتمنى إيجاد حـــل منــاسب مثل ما قال أخوي أبو الرحـى ..

رغــم صعوبة تقديمها لكن عليهم أن يتعظوا في القادم ..

ورغــم ثقتي الكبيرة في جمهور الزعيم الذواق بل وأجــزم أننــا سنرى إستاد الملك فهد يوم الثلاثاء ممتلئ عن بكرة أبيه ..

نتمنى التوفيق لـلـهلال في جميع مبارياته ..

شكرا ً أخي أبو الرحى على حرصك وملاحظتك القيمه ..

موضوعك للناس الي ماتنتمي للزعيم بمعنى الكلمه... الي يحب الزعيم راح يحضر ويشجع في اصعب الظروف...

صعبه ياعزيزي هذي كاس اسيا موب كاس فيصل

مبرمجه من زمان يعني لو كتبت عن الحضور للملعب والتحفيز للحضور كان افضل !

وبعدين ياعزيزي لو هو نهائي ابطال اؤرباء تقول اجلوا تراه الدور 16 ومافيه مباريات عليها الكلام تخليك تطلب التاجيل وماتحضر المباراه

تكفون ياجماهير الحضور هذي اسيا لازم تكون من نصيبنا لازم ومهم الفوز في اول مباراه وفي ارضنا

بصراحه احبطت احباط شديد من كلامك ..

الاسيويه الحلم .. كأس اسيا المنتظر ,,

انا احاول وافكر بكل الطرق على اني القى فرصه من الدوام والجامعه عشان اطلع الرياض واشجع الزعيم في الدره

وانت تحاول وتفكر انهم يقدمون مباراه الهلال عشان تتابع ابطال اوربا

شتان بين مشجع ومشجع ,,!!!

يااخوي الهلال اهم ، ويحتاج منا المسانده ، وانا محدثك ماافوت اي مباراة بدوري الابطال الاوروبي ، لكن إذا تعارضت مع الزعيم فالزعيم اهم ، وبعدين اذا خلصت مباراة الزعيم يبقى تقريبا نصف ساعه على بداية مباريات دوري الابطال الاوربي، ومو لازم الحق عليها من اولها ، واذا انت حريص مره انك تشوفها من اولها ، فطول اليوم والايام اللي بعدها تعاد على نفس القنوات الناقله ..
___ لعيون الزعيم كل شيء يهون ____

الي هذا اوله ينعاف تاليها اجل اخوياك يدورون المتعه
كلنا نحب ابطال اوربا
بس هذي الاسيويه

بكل امانه وبكل صراحه الان الدوري الاوروبي بشكل عام سواء الدوري الايطالي او الاسباني او الانجليزي او دوري ابطال اوروبا غير ممتع انا من وجهة نظري اشوف ان اللعب الاوروبي تغير في السنتين الاخيرتين صار ممل جدآ ما عاد الديربيات

عني انا يإذن الله حتى لو نهائي كأس العالم يوم الثلاثاء انا راح احضر مباراة الهلال

وهمتكم يا شباب الوقت الحالي لازم نقف نحن جمهور الهلال وقفت رجل واحد لمؤازرة الهلال في هذا الوقت ..

اخي العزيز الهلال ..اهم..

اما مباريات الدوري الاروبي,,فانها تعاد يعني اذ ما شفناها مباشره راح نشوفها معاده,,,,

ما فيه شيء اهم من الهلال...

ياالله ياجمهور الهلال انكم تدورون أعذار علشان ماتحظرون ما أدري من وين تجيبونها هذا عشقنا الأبدي وبعدين أوروبا شوفوها تسجيل عادي أهم شي العشق الأصلي:alzaeem: بس صراحه تحطيم من الأن:no: بس لاتنسون اننا نتغنى بجماهيريتنا وهذي راح تنقل للناس أجمع اتمنى أن لانخذل الزعيم:smilie47::smilie47::smilie47: