|
تكفون ! يالوجه الابيض في الجسد الاسود ! وتكفى تهز الرجاجيل ! أحبة المملكة : :rose::rose::rose:s13s لتسمح لي اليوم الفصحى التي أعشقها وأحترمها ! أريد ان أحدثكم من القلب فقط ! ياجعلني ما ابكيكم ! أنشهد انكم زعماء ! بيّضتوا الوجه ! وأخرستوا الألسن ! وفقعتوا مرارة الحاسدين ممن قتلت الغيرة فيه كل روح تنافسية شريفة ! في هذه الساحة السايحة !! يا حبني لكم ! جيتوا على الوعد واحترمتوا الموعد ! يقولون ( الزعيم بلا مدرب ) وأقول : الزعيم معه الآلاف من أميز المدربين هُم جمهوره الوفي والعاشق . يقولون / مشجع هلالي شتم البلطان ! واقول هذي منصة الخويا ! وش جابه فيها ؟!!! يقولون / رئيس الهلال وينه ؟! واقول : شوفوه قدّام رجاله يحمسهم ويشجعهم ويراعيهم بعيونه الخايفة عليهم وبقلبه الكبير والحنين . ومخلي البلطجة لاهلها !! يقولون / طاح عقال البلطان ! واقول ياكثر العقل اللي بتطيح ! بس مهوب على جلود الناس !! يقولون / جمهوركم يردد كوزمين كوزمين ! واقول / هذي اخلاق الزعامة / الصدق والوفا ! يقولون / جمهوركم محتقن ! واقول / جعل اللي يلومه تلايم عليه الدنيا وتلملمه صكات بقعا !!!!!!! يقولون / وش بيسوون يوم الثلاثا ؟! واقول / شوفوا هذي بتشوفون ضعفها في الاستاد يوم الثلاثا وبقية الايام بحول الله إقتباس:
إقتباس:
يقولون / لاعبينكم عندهم فراغ نفسي ! واقول / وش تعرفون انتم عن الفراغ النفسي الله يرحم حالكم !!! كلمة سمعتوها وما عرفتوا تفسيرها ! الفراغ النفسي يالمهبل ما يصيب الا فقير الاحساس والمشاعر ! فقير الانجازات والبطولات ! فقير الحال والحيله !!! أما لاعبينا / عندهم مشاعر وتجيهم مشاعر يفيض بها الوجدان ! لاعبينا تعبوا من كثر ما دقوا درج منصات البطولات روحه وجَيّة ! لاعبينا / شبعانين حب واخلاص ووفاء واخلاق وبطولات ! لاعبينا / يمشون ملوكاً بخطى واثقة ! لاعبينا / يشيلهم من على الأرض شعب نصف الأرض !! لاعبينا / حولهم رجال ! وبينهم رجال ... وقدامهم رجال ... وخلفهم رجال ... وتراعيهم عيون خوات رجال وبنات رجال !!! لاعبينا / في السما اقمار ونجوم وفي الارض ابطال ! وش بعد بيقولون ؟!! أحسن لهم ما يقولون ! إن كانهم يبون السلامة وراحة البال !!!!!!!!!!!!!!!!!!!!!!! ياشعب الهلال : ما نبي مكان فاضي يوم الثلاثا ! نبيكم مثل ما انتم دايم على الوعد وفي الموعد تجون ! ياشعب الهلال : يوم آسيا ! يوافق الثلاثا وكل آسيا تشوفكم من ورا الشاشات ! حمسوا لاعبيكم وشجعوا زعيمكم وشرفوا وطنكم ! لأنكم الوجه الابيض في الجسد الرياضي الاسود !!!!!!!!!!!!!!!!!!!!!!!!!!!!!!!!!!! [/COLOR][/SIZE] ياشعب الزعيم : تكفون ! تكفون ! وتكفى تهز الرجاجيل ! كونوا مع شبيه الريح ونائبه وأبنائهم يوم الثلاثا ! ساعدوا شبيه الريح يكسب رهانه على لاعبيه وعليكم ! حبه اكبر ! وحقه اكثر !!! |
الجمهور الهلال ما يتوصى و انا أعرف أن اخر القرارت اخذت من أجل احباط عزيمة الهلاليين و لكن في مبارة الشباب كانت صفعة في وجيهم و ملتقانا الملعب :) |
ابداع والله كلامكـ .. جمهور الهلال جمهور واعي واكيد يعرف حجم المنافسه في البطولات الاسيويه تحتاج الا جهد وتعب من الاداره .. وحظور ومؤازره من الجماهير ..! كلي امل في في تواجد الموج الازرق يوم الثلاثاء وبأذن الله نحتفل في اول ثلاث نقاط اسيويه للزعيم .. |
المملكة كتبت فأبدعت واىسيا مالها إلا هلالهااا وان شاء الله ما راح يقصروون جماهير الهلال تقبلي مروري |
لا تكوني ناسيه ....نحن عائدون يا آسيا كلنا معاك ياشبيه الريح ومافيه احد بالدنيا يفرقنا عن الهلال ومشكورة اختي |
الله على كلامك يشرح الصدر من زمان ما شفت موضوع حلو الله يعطيك العافية |
ياشعب الزعيم : تكفون ! تكفون ! وتكفى تهز الرجاجيل ! كونوا مع شبيه الريح ونائبه وأبنائهم يوم الثلاثا ! ساعدوا شبيه الريح يكسب رهانه على لاعبيه وعليكم ! حبه اكبر ! وحقه اكثر مشكوره اختي على الطرح الجميل |
إقتباس:
الله يكتب لنا ويقسم لنا على قد النوايا لاهنتي والله |
موضوع صراحة روعة يقولون يقولون والزعيم يرد عليهم بالبطولات مهما عملوا فلن يوقفوا مسيرة الزعيم وبإذن الله بطولة آسيا تكون أقوى رد للحاقدين |
:smilie47: كلنا معاك ياشبيه الريح ومافيه احد بالدنيا يفرقنا عن الهلال s13s |
ابشررررررررررررررر لأجل الهلال كل شي نسوييييييييه |
جمهور الزعيم العريض الوعد استاد الملك فهد وبصوت واحد من صافرة البداية الى النهاية بصوت واحد هلال |
ان شاء الله حاضرين لعيون شبيه الريح ولعيون هلالنا حاضرين حاضرين والله لو يسوون الي يسوون فينا حاضرين هلالنا وعشقنا |
موضوع صراحة روعة يقولون يقولون والزعيم يرد عليهم بالبطولات مهما عملوا فلن يوقفوا مسيرة الزعيم وبإذن الله بطولة آسيا تكون أقوى رد للحاقدين |
مشكوووووووووووووووره يا اختي ويعطيكي الف عافيه |
| الوقت المعتمد في المنتدى بتوقيت جرينتش +3.
الوقت الان » 08:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd