نادي الهلال السعودي - شبكة الزعيم - الموقع الرسمي - دور الزلات يمشي في جواره ( قصيدة شعرية ) !!

حسبي الله ياميادين الحقارة
والتخلف والتعصب والتعالي
حسبي الله يامعادين الحضارة
والتطور والتقدم والمعالي
كل مكتب او جريدة او وزارة
كل ناجح له محارب او موالي
الهلال النادي اللي في شعاره
الهلال اللي تعلى بالعلالي
كم يمد المنتخب بأطيب ثماره
من تأسس منبع العذب الزلالي
النجوم اللي على فن ومهارة
والرجال اللي على دعم ووصالي
والكؤوس اللي تزاحم وسط داره
والبطولة فالبطولة في توالي
كل هذا رافع ضغط ومرارة
كل حاقد كل فاشل لاهلالي
دور الزلات يمشي في جواره
كلب ينبح والقوافل ماتبالي
واثق الخطوة زعيم في وقاره
مايضره القرار الارتجالي
اصلا الدعوى قذارة في قذارة
مع تخبط مع تعنت مع جهالي
كم قرار جاير اطلق شراره
لاتأني لا تثبت لا سؤالي
افضحونا بالتعجرف والبثارة
وهدموا صرح العدالة بالتعالي
احتراف داج مع دجة ادارة
وانحراف اردى من شغل العيالي
والميول اللي تحركه الاشاره
لجل خاطر حاسد الفن الهلالي
الفريق الثابت اللي بالصداره
واطي خشم الطفارا والحثالي
مايهمه لو تواصو في دماره
هم يزيدونه توقد واشتعالي
والله انا نعشق الأزرق شعاره
الزعيم النادي الحر المثالي
الفريق اللي وحيد في مداره
تابت مثل الثريا مايطالي
بإذن ربي مستمر في مساره
والكلاب اللي تنابح للزوالي

اخوكم..

فايز العجمي