|
أنقذوا رياضتنا هذا ماحصل لابنائي في الملعب ايها الزعماء السلام عليكمم نداء عاجل الى هيئة حقوق الانسان لتدخل عاجلا لان كرامتنا انداست في مكان نرغب في مشاهدة ابداعات زعيمنا احببناه لا اكثر من 35 سنة اورد لكم ما حصل بالتفصيل لمباراة الزعيم الاخيره مع الشباب في الملز!!!!!!!!!!!! 1- عند اخذ التذاكر وتسليمها الى المختصين للدخول الى الملعب رعب شديد وكاننا داخلين الى حدود بعض الدول التي لاتتفق معنا سياسيا استنفار امني شديد لاول مرة في حياتي يحصل لي مثل هذه المناظر المرعبة حتى ان احد الاطفال يصرخ بشده بابا لاتدخلنا الله يرحم والديك ودينا للملاهي تكفى بطني يوجعني مابي ادخل وانا جالس اهديه 2- عند الجمارك التي تفصل بين حدود الرياض وحدود الملعب يالهو من موقف مخيف الانظار تتجه لك من كل صوب بعد معناه وترقب شديد وصلنا الى العساكر تفتيش شديد وتصوير بالكميرات الخاصة بهم احد العساكر يريد تفتيش طفل لايتجاوز 5 سنوات لملابسه الداخلية يبحث عن السلاح الابيض او اعلام او متفجرات وكان المسالة محاولة طفل لايتجاوز الخامسة من عمره لعمليه انتحاريه او تفجير ممتلكات ولكني قلت استح على وجهك وبهذا اللفظ انقلع ياحيوان ياحقير اعزكم الله وهو يقولي لو ماتسكت وديتك للمركز وفقعت وجهك حتى تدخل احد الاشخاص اظنه عضو الشرف السابق وليد الحكير فقلت الايخجل هذا الحقير من تفتيش عورة طفل بسبب كوره لاعادها الله من كوره!!!!!!!!!!!!!!! بسبب ناس لا تعرف فن التعامل حتى مع الاطفال فما بالك بالعقلاء 3- طفلي البالغ 8 سنوات كان يحمل علم المملكه العربيه السعوديه ومكتوب عليه كلمة التوحيد نزعه العسكري بكل وقاحه وهو يقول له ياورع ممنوع قاله احب علم السعوديه قاله ياورع حب السعوديه بالقلب اي قلب تتحدث عنه ايه المسكين ووضعه في اقذر مكان يداس با لاقدام اعزكم الله 4- البلطان ورفاقه ليتني سمعت كلام الاطفال ولم اجلس بجواركم وماحدث من سب وشتم حتى سمعت بعض الكلمات الصبيانيه يامن تدعون المثالية انا جلست بجواركم خوفا من بعض جماهير الدرجة الثانية وياليتني لم اجلس بجواركم 5- البليد بن بدر دمر النصر وطرد من الجاهير وهو يملي هو واسير الشوك واعوانهم الخطط العملية المفلوته والمدمره للكره السعوديه اخيرا عذرا ايها الزعماء هذا غيض من فيض!!!!!!!! البلستيشن افضل للاطفال من هذه الاجواء التي تشبه اجواء الرياض من رياح واغبره وغيرها الهم اجعلها رياح ولا تجعلها ريح |
اتمن انا صوتك يوصل الاداره احنا كا جمهور هلالي نعاني من رجال الامن سواء الي في ملعب الملز او الاستاد يتعاملون معنا كا انا مجرمين لا ما ابالغ لو قلت المجرمين اشو شوي منا اقسم بالله حالة والله انا صرت ماعاد اجيب اخواني ال الملعب بسب ها العساكر والله لو ماجبت عيالك كان افضل والله كرهت الحضور لمباريات بسب ها العساكر ياخي احنا رايحين نستمتع نشوف مباراه ورجال الامن كل شي ممنوع يعني ال مت هذاي الحالة اتمن من المشرفين تثبيت الموضع علشان يوصل ال الادارة لمشكله حنا كبار في سن المفروض ما يعاملون كذا احنا مان مراهقين علشان يسون كذا في النهاية اشكرك عل الموضع وانشاء الله بكره فوز الهلال وشكرا |
اتمنى من شبيه الريح يتدخل حسبي الله ونعم الوكيل |
هذا وانت يقالك في المنصه ناس محترمين يقالك وسمعت هالالفاظ لو جلست في الواجهة أحسن لك .. والعساكر كلاب مايعرفون كيف يتعاملون بإحترام الا ماندر هذولي وهم اطفالك وش سوو فيهم أعاد كيف الشباب خلها على ربك .. ملاعبنا ماتنفع تجيب معك اطفالك ابداً يمكن إلا الاستاد الملك فهد الادارة صارمة وناس محترمين .. |
والله مادري وش اقولك .. الله يعينكم .. يازين رجال امن الدمام |
اتمنى من شبيه الريح يتدخل حسبي الله ونعم الوكيل |
والله مع إحترامي للإدارة وكافة منسوبيها... إنهم لن ولن يلتفتوا لهـذهـ الأمــور.. وبيطنشون.. لكن من أجل أن ينتبهو للجمهور يجب عدم الحــضــور للمباريات علشان يعرفون إن فيه إسأأئه غير طبيعيه.. من هذولا الــعسكريين أعــوذ بالله منهم.. والله وصـرنا مجــرمــين .. ونعامل بأشد وأقسى معامله لأننا نشجع الهــلال... أتمنى وقف هـذا الـتعدي من الأمن على الجــمهــور..وإلا لن يحضر أحد مجدداً للملعب..للمساندهـ والتشجيع.. ســلام.... ؛××؛××؛ |
يا شيخ هي وقفت عالكوره بس |
هــذا الشي متعـودين عليـه من زمـان مافيـه شي جـديـد.. ولكـن أقـول لرعـاية الشباب ورجـال الأمـن عيب هل التصرفـات الصبيـانيـه، وجمهووور الزعيـم أكبـر من هـذه التصرفـات ، والله هل التصرفـات تنبئ بكـارثـه كبيـرهـ في الكرة السعوديـة. |
والله ياخوي تعبنا نبغى احد يوصل صوتنا للادارة والله العسكر يعاملوننا كأننا مجرمين عسكر معليش ماعندهم اسلوب في التعامل مع الاخرين الى متى ونحن نشتكي اطلب المشرفين برفع الامر للامير عبدالرحمن بن مساعد |
حسبي الله ونعم الوكيل والحمد لله على سلامة خروجك من الملعب بخير |
الله يلعن الامن اللي يسئ للجماهير ولكن في غلطة كبيرة انت سويتها , كيف تجيب عيالك الصغار للمعلب وانت تعرف ان بتحصل مشاكل ؟ فكر وش بيصير فيهم لو حضوروا ... |
الى متى هذا التخلف الى متى الى متى الى متى .. والله تعبنا ..نحضر الى الملعب ليس لأجل نادينا فقط بل لأجل الدوري السعودي عموما ..! ولكن للأسف نرى التخلف بعينه ..!! اجل معقوله ملعب صبات كله غبار يجي واحد لابس زين ومتزكرت واخر شي يطلع ماسح ام المدرجات .. ولا النقطه الي ابي اوصل لها اني ابي اشتري فلين الي يبيعونه برا الملعب عشان اجلس عليه ما تتوصخ ملابسي ..اشتريه واشتري لاخوياي وفي الاخير وأتفاجأ في التفتيش انهم يمنعون دخولها ....!!!!! لماذا هذا التخلف ؟؟ لماذا لا يوجد تعليمات بمنع بيعها ؟؟؟ والله قهر اشتريها وعلى بعد خطوات ارميها ..!!!!!!!!!!!!!!!! ولو تحدثت عن التخلف الي يحصل في الملعب والله 20 موضوع ما يكفي ..!! اجل رجال الامن الاعزاء يشوفون واحد لابس البرازيل يطلعونه هههههههه ..!!!!!! : سرطان الرياضه .. كيف الحال ؟؟ |
هــذا الشي متعـودين عليـه من زمـان مافيـه شي جـديـد.. وخصوصا مباراة الهلال ؟؟ ولكن اذا اردت الفرق في التعامل رح لاي مباراة لغير الهلال شف الضحكة والاخلاق الزينه كل هذا بس لان جمهور الهلال كثير ويخوف لذك لازم الشدة...هذه ضريبة الزعامة في هالديرة |
للأسف الشديد و أنا أخوك رياضتنا لم تعد رياضة .. بل إنها تعاسة و تدريس فنون القذارة أعزكم الله صبراً يا زعماء فالقادم أجمل |
| الوقت المعتمد في المنتدى بتوقيت جرينتش +3.
الوقت الان » 02:57 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd