السلام عليكم ورحمة الله وبركاته ،،
حي الله الجميع
كيفكم
كوزمين اولاريو
انكسرت من الفراق وشوف عيني
شوف عيني ... وانت تدري بانكساري
ماكان ودي أتطرق لهالموضوع لكن قلت من باب ان اللي ماكان بالصوره او مو عارف ايش السالفه بالضبط
يعـــرف ( عن العفو الملكي وغيره ) لأني أشوف كثير من الاعضاء يقولون جاه عفو ولا ماجاه ، طيب جاه عفو وليه مايرجع للهلال وغيرها ...
كوزمين بعد ما انطرد كان المفروض يغادر السبت أو الأحد كحد أقصى ،،
أعضاء مؤثرين من الإدارة الهلالية ذهبو للملك عبدالله الله يحفظه بروضة خريــم وبلغـــوه
عن السالفه وترحيله من السعوديه قال الملك عبدالله يعفــى من الطـــرد من السعوديه ولكن قرار العقوبه والطرد من التدريب من الملاعب السعوديه كانت ومازالت
(( سارية المفعول )).
يعني قرار العفو ان كوزمين ما يطلع برا السعوديه نتيجة ( طرد ).
والآن كوزمين يقدر يجلس بالسعوديه إلى ما يقول (( خلاص طفشت ))
، على أمل المحاوله من الإدارة الهلاليه لوجود عفو
كـــامل لهذا المدرب القدير اللي علق بأحد المطاعم اللي يملكها برومانيا تيشرت مكتوب فيه ((
إلا رسول الله ))
لكن إحساسي يقول عودته لتدريب الزعيم صعبه للأمانه
لكن مافي شي مستحيل
وزوجته المسكينه حالتها صعبهو بتسوي عملية بأحد المستشفيات بالسعوديه بعد إسبوع أو أقل ومن
بعدها (( بيغادر ويودعنا )) إلا اذا صدر العفو والقرار هذا ينتظره الملايين من جمهور الهلال
في
السعوديه ورومانيا وليبيا والسويد .
* كوزمين ومشكلته مع الأمن،،،
كان طلب كوزمين من الأمن واضح وصريح وهو السماح
للاعبين المستبعدين من التشكيله بالإحتفال مع زملائهم في الملعب
وقال هم أولى مني بالإحتفال
في أرض الملعب ولما رفضو صارت المشكله.
والطلب حقه مافيه أي عيب أو مخالفه لأن معروف بالعالم أي لاعب
لأي نادي معين وناديه حصل على البطوله يحق له النزول إلى أرضية
الملعب والإحتفال مع اللاعبين .
على سبيل المثال:ميلان الإيطالي لما حصل على كأس العالم للأندية الموسم الماضي،
قام برفع قائمة بأسماء اللاعبين اللي بيشاركون في كأس العالم قبل بداية البطوله ب 3 أسابيع
وقبل بداية البطوله بأيام قليله اشترى الميلان رونالدو من ريال مدريد الإسباني، وبالتالي رونالدو
لا يستطيع المشاركة مع الميلان حتى لو بالإحتياط، لكنه نزل إلى أرض الملعب واحتفل مع اللاعبين
شوفو المملوح رونالدواللي مكشر ((يسار))
تصدقون ؟
لما شفت لقاء كوزمين في قناة العربية حسيت ان الرجال انغدر فيه وحسيت بظلم كبير كبير كبير !!
حسيت ان كوزمين انفصع صفعه قويه جداً أمام
الشعب الروماني لأنه مدح السعوديه قدامهم وتكلم عننا وقال ان
الشعب السعودي كريم وحبيب وودود وعيشتي بالسعوديه غيرت حياتي بالكامل
وأنا مرتاح فيها لكن كأن لسان حاله يقول :
خان فيني الوقت ودار ،، وأنا مدري شلي صار
عسى لله يهديك ويمهد لك الطريق للإسلام يا كوزمين ،،
ومادمت مشجعاً للهلال سيبقى كوزمين في قلبي وسأتذكره في كل مباراة هلاليه
ولن أنسى ((
غدر الاتحاد السعودي لكوزمين ومحاربتة لزعيم آسيا ))
وحسبي الله على أصحاب النوايا السيئة .
أنت بتسافر حبيبي نعم سافر وغيب
بس تكفي سم بالله على عقلي لا ماع
لأن ماني قادر اوادعك وأنت قريب
كيف وأنت بعيد تبغاني أقول الوداع
الوضع العادي
