فضايح قامت تحط على راس رعاية الشباب وجعلها في زود - نادي الهلال السعودي - شبكة الزعيم

Alzaeem wolf · #1 06/03/2009, 05:44 AM

لفت انتباهي موضوع في اخبار الزعيم ليوم الجمعـة 9 / 3 / 1430 لجريدة الرياض

اتمنى من اللي بيكتب رد انه قبل مايكتبه يقرا الموضوع كامل

نص الخبر وتعقيبي

7

الأمن سيطر على الوضع والمسعد يبرئ البلطان
مرافق رئيس الشباب يشتبك مع أحد الجماهير في المنصة

الرياض - اسامة النعيمة:
حدث اشتباك بين مشجع هلالي والمشجع الشبابي المرافق لرئيس نادي الشباب خالد البلطان في المنصة الرئيسية بعد نهاية المباراة، لولا تدخل رجال الأمن وابعاد المشجع الشبابي، وكانت بداية القصة مع هدف الشباب الأول فحدث شتم بين المشجعين ومع الهدف الهلالي حدث الاشتباك، إلا أن إبعاد رجال الأمن للمشجع الشبابي باخراجه لأرضية الملعب حد من التوتر والاشتباك.

من جانبه أكد مدير مكتب الرئاسة العامة بالمنطقة الوسطى عبدالرحمن المسعد أن الاشتباك تم بين مرافق رئيس الشباب خالد البلطان وشخص مرافق لأحد الحضور، وقال: «تم تدارك الأمور ولم يكن البلطان هو من اشتبك، بل ساهم في إخراج المرافق الذي معه، وتهدئة الأمور ما أدى إلى نزول البلطان من غير شماغ وعقال
للازدحام الشديد عند بوابة الخروج».
--------------------------------------------------------
يقول المسعد مدير مكتب الرئاسه العامه بالمنطقه الوسطى

ان البلطان لم يشتبك و و و و يبرر له واعطاه صك البرائه على اي اساس مدري!!!!!!!1

التلفزيون فضحهم القاه الرياضيه فضحتهم

والبلطان هو اللي راح للمشجع

وين عايشين حنا مو في عصر ابو جهل الان كل شي واضح يعني التعتيم والترقيع ماعاد تنفع الجمهور تفتح الدليل

اول مره في حياتي اشاهد هجوم شرس وقوي على شبكتنا العزيزه وانا لا استبعد ان الهجوم هذا تم بتحريض واستئجار من رعاية الشباب لان شبكة الزعيم هي واعضائها دائما يوضوحون الواقع والمصداقيه ويكشفون كذبهم اللي دوخوا العالم به. وما اتوقع ان فيه احد من الحاقدين علينا من الانديه الثانيه عندهم القدره على هالهجوم لان دائما هجومهم بسيط وهجوم مبزره لكن الهجوم هذا مدبر وراه ناس اتوقع من خارج السعوديه

طيب يارعاية الشباب والكلام موجه لشخص لان الرعايه عندنا شخص مع انها المفروض منظومه!!!!!!

ماتبي احد يصحح لك اخطائك وتمشي خططك المدروسه وفق معايير علميه ومنهجيه واضحه

من ما لاشك فيه ان الحل بسيط جدا

طبق قرارات صح وراح تجد ان الشبكه واعضائها هم اول من يصفقون لك

اما تجينا بقرارات محدره لها شعيب وتمنع الصحافه من الكلام ومدري وش كل شي تقدر تسويه الا انك تسكتنا عن قول الحق

ومافيه احد مايخطئ لكن العيب ان الشخص يتمادى فالخطأ

واول اقتراح اقدمه لك عشان تكون خاتمتك طيبه عند ربي

انك تقيل وتبعد البطانه الفاسده اذا انت متمسك فالكرسي وماتبي تفكه اقلها حط ناس ينقلون لك الصوره الصحيحه مو مثل فريان ال سعود ( الوليد بن بدر) لان ماتدهورت قراراتك الا من يوم جبته وجلسته جنبك شفنا نقزتك في الرياضيه على المحللين اللي ما ادري وين هي غاديه انك ماشفت التحليل لانك فالملعب وقت التكريم بس نقله لك ابو سماعه.

والله سبحانه وتعالى اللي اقوى مني ومنك قال في كتابه

(يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين) 6 - (الحجرات)

والشيخ المسعد مدير مكتبك فالوسطى مثال اخر

اجل يبري البلطان !!!!!!!!!!!!!!!!

وين رايح عميان حنا

لكن ما اقول إلا

آفه المرء اثنتان .. إلف كاس وحب كيس

والنفوس اليا بغيت تعرفها ارم الفلوس

دمتم بخير