بسم الله الرحمن الرحيم

السلام عليكم ورحمة الله وبركاته

أهلا بجمهور الزعيم

أهلا بالجمهور العظيم

أهلا بجمهور آسيا الاول

أهلا بجمهور القرن

أهلا بأسود المدرجات

أهلا بالجمهور الوفي

أهلا بالجمهور المخلص للكيان

قالها سمو الامير عبدالرحمن بن مساعد بعد الفوز في النهائي : اللهم لك الحمد حتى ترضى ولك الحمد اذا رضيت ولك الحمد بعد الرضا .

ألف مبروك البطوله ولو متأخره شوي معليه ، وألف مبروك الحصول على خدمات اللاعب ( عيسى المحياني ) الله يوفقه معنا ويوفقنا معه اللهم آمين ،

....... أمــا بــخــصــوص الـداهـيـه الـكـبـيـر ( كـوزمـيـن اولاريـو ) فما أقول غير
حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ،
آ آ آ آ آه ياكوزمين وأي آه ياروماني الــى متى ونحن هكذا مستمرون بالظلم
المهم ماودي أطول في هالموضوع لاني عارف أغلب مواضيع الشبكة عن كوزمين
ولمدة أسبوع تقريبآ والبعض يقول خلاص قفلوا هالموضوع وفكروا في الجاي
وانا معك والله انسوا اللي راح وفكروا في الجاي المرحله المقبله صعبه جدآ
تحتاج وقفة الجمهور الازرق الصادقه ...

ذهبت اليوم الى محلات الرياضه من أجل شراء العلم الروماني واحضاره الى مدرجات الملز يوم الخميس بإذن الله والحمدلله رحت وحصلت وبسعر ممتاز ومناسب
وأثناء شرائي للعلم سألته عن الكميه الموجوده عندك ، قال : عندي كميه واجده مره
قلت : كيف ؟ قال : ان فيه جماهير كثيرة وغفيرة تأتي الى المحل من أجل شراء
هذه الاعلام وانا استغرب هذه الكثره من الجماهير والاقبال على مثل هذه الامور
قلت في قلبي : بلا والله ماتدري وش الي صار في كوزمييين آآآآآآآآه بس آآآآه
وبعدين قال لي : تخيّل اليوم وصلت الاعلام حول الظهر وتم شراء ما يقارب النصف ..!!
قلت : معقوله ؟؟ قال : تعال وش بنفسك وراني أكياس فيها أعلام مليانه وجنبها 5أكياس تقريبآ كبيرة الحجم كلها فاضيه قال : شف هذي انتهت كلها وشروها ...
قلت : كفو والله ياجمهور الزعيم جمهور الوفاء هذا العشم فيكم

المهم أخذت العلم ومشيت لكن الحين المشكله الكبرى ؟ ؟ ؟ ؟ ؟ ؟ ؟

تتوقعون لو أدخل بالعلم وانا ماسكه يوافقون ؟ ؟
ولا لازم ازبنه ( اغبيه ) عشان مايقولون شيء الامن ؟؟
تحياتي لكم وانتظر ردودكم أيها الزعماء والله الله بالحظور . . .
.. !! 33 الف متفرج بإذن الله يزلزلون ملعب الملز بمقياس 9 ريختر .. !!

سلام يا أحلى شبكة