هلا وغلا بجدار الصين والطين ,,,

يقول المثل ( إذا وصيت وص عشره ) <== وش جابه لا تسألني ولا تدقق ;)

المهم :

إقتباس الرئيس الذي تمنى بعض الشباب إبتعاده قبل نهاية الموسم بقليل تمهيدا ( للفلقة ) والتي تحضّر لها ( العصابة ) مسبقا , أو تمنيا لنجاحه أكثر من نجاح العشق الحقيقي للكسب من الطرفين .. وترانا قلناها وقلناها .. الرئيس القضية اليوم لا يكترث بشأن الهلال لأن العرب اتفقوا ألا يتفقوا , حتى وإن هاجمه المحقون , فسيسخّر الله له العاشقين بلا بصيرة !!!!!

وش بصيرته الله يعافيك ؟؟ ووين البصيره , اللي تخلي البعض يشن حمله غير مبرره اثناء الموسم وفي وقت الحصاد , وفي وقت كان الرئيس هو الوحيد اللي يعمل ويدفع وغيره ( يشاخر ) وفوق هذا ما خلا جريده ماغسل بها غسيل الهلال , اي بصيره الله يرحم والديك ؟؟ نعم الان نحن امام تحدي كبير , إما رئيس يحظر ويوفر التزامات الفريق ( الماديه ) او الله يسهل دربه وبيض الله وجهه على ماقدمه من دعم في الموسم الماضي , فلن نجحد او ننكر انه كان الوحيد الذي دعم الفريق بأموال طائله ( بعد ان تخلى عنه اعضاء الشرف ) حقه ويجب ان يحصل عليه شكرا ياسعود قمت بالواجب , ونأمل منك اكثر , لكن الظاهر ان ظروفك ماتساعد ولا ضنتي ان فيه من بيعينك او بيغطي غيابك , فأعطهم فرصه ليوجدو رئيسا يدفع ويتواجد <== صفقوني ان حصلتو منهن شيء ,,

إقتباس أما فهد المصيبيح فيكفي أن نقول (( إذا كان ما تفعله حبا وانتماءا للهلال بكل ما تحمله من فسيولوجية معقدة , فالأجدر أن ترحل على عجل )) فلم يحدث أن انقسم الجمهور الهلالي بكل شرائحه على شخص في منصبك كما حدث معك ............ من خيرك كفاية شرك , ابتعد ودعنا نأسف على رحيلك إن كنت قادر !!

الله الله الله , بكل شرائحه !! اجل انقسمو ؟؟ ياعزيزي لا انقسام ولاهم يحزنون , هي فئه صغيره جدا , مازالت تتمنى ان تُبعد المصيبيح من اجل ان تنتصر لقناعاتها فقط , والدليل ان هذه الفئه كان لها تأثير على بعض الهلاليين ولكن ومع مرور الايام انتبه البعض وهاهم يرون الامور بصورة اوضح واشمل وينتصرون لهلالهم ولمن يعمل فيه بدعم المصيبيح وإعطاءه حقه المُستحق , اما ابقيه الباقيه فنرجو من الله ان تعود للحق وتعطيه لمن يستحقه ( والظاهر ردود الاعضاء توضح التغيير ) ,,

إقتباس الهلال يا سادة أعظم من أن ينتصر فلان على فلان ... وإن كنتم تنظرون لرئيس يروج في هذه الأيام ( لضائقة مالية ) فلا مرحبا بالجيوب المنفوخة من الخارج , حتى إذا ما قال النافخ ( ياكلمه ردي مكانك ) دفع ثمنها المنفوخ عبارة ( كلّش تبونه ؟؟؟ ضائقة مالية يا أخي !!! أسبوع وتنسون !!! )

ياعزيزي الرئيس كان فيه مشكله رئيسيه مثله مثل اللي قبله هو ونائبه اللي واحد في الغرب والثاني في الشرق , هو يفرق عنهم بأن كان (( يدفعععععع)) قريشات تسببت في تجديد عقود بعض اللاعبين ودفع الرواتب في وقتها , الان وبعد ان شاهد الرئيس انه يدفع ولا يجد إلا الشتم والانتقاد قال اخذها من قاصر واشوف وين بترسي به خلنا نشوف وبعدين يحلها حلال , جيبو رئيس جيبو عضو شرف يسدد الرواتب وبعدين قولو ما تشاؤوووون , ولو اني اتوقع ان الرئيس خلاص يسلم عليك وليته يعلنها بس علشان نشوف ,,

إقتباس يــــــــــــــــــــا ســـــــــــــــــــــادة : انتصروا لهلالكم .. ولا تنتصروا لآرائـــــــــــــــكم ..

نعم انتصرو لهلالكم وادعمو من يعمل من اجله , لا تحاولون تحبطون من يعمل فقط من اجل انكم لكم وجهة نظر !! سمعت يا...... ,,,

إقتباس وإن حدث الثاني فلا عجب لأن الهلال يفرض نفسه ... ولا مجد لرئيس ولا مدير .. وربما يكون المجد لجمهور الإيـــــــــــــــاب بإذن الله ...

الرئيس يمكن ماقام بواجبه , وعلشان كذا صح ان ماله في المجد شيء ان حصل , لكن المدير واللي قاعد يقوم بواجبه على اكمل وجه , ليه ماله نصيب في المجد ؟؟ وإلا هو ماله إلا كل امر شين بس ؟؟ وإلا العلوم الطيبه ماهي لُه !!! لا مايصير وكذا يصير الظلم هو سيد الموقف , فأعطو المجتهد حقه ونصيبه ,وإلا علشان ما نحبه نبي نسبه كذا !!

إقتباس يقول لن يكون هناك ( كبش فداء ) ....... وباطنه يقول ( إن كبش الفداء هو الهلال هذا الموسم ) أجهزوا عليه في ظل غياب كبيره واختلاف جمهوره , حتى نرضي الآخرين !!!!

هههههههههههه لا ماضنتي يسويها , لأن الخلل كان بسبب انه سمع كلامهم , وعلشانه سمع كلامهم وصلنا لهالمرحله , إن كان الله عطاه عقل وبصيره يسوي عكس اللي سوّاه العام , يعني يوجه مدافعه لهم فهم سبب كل شيء , وإلا الزعيم هو من اسباب المجد اللي حصلو عليه طول المده الماضيه , فلا لجنة حكام تُحل ولا حكم يوقف , ولاتلاعب في انظمة احتراف , ولا سماح ببربسه من خلال الفضائيات ويصير كلش تمام , بس يبي له يوريهم العين الحمراء من اولها , ولا يخق ,,,

اهلا اخي الغالي جدار الطين ,,,

مع بقايا ذكريات الموسم الماضي الاليمه ... وبعد ما حصل به من امور عجيبة غريبه .. وبعد الهزات العنيفة التي عصفت بالنادي... وبعد ( انعــــــــــدام) تصنيع المواهب في القاعدة الهلاليه... واضف الى ذلك تصفية نجوم الفريق الاول دون اي مبررات.. لا نطلب ان تكون منطقية فما نطلبه هو التبرير فقط كي نحس كجمهور ان ادارة النادي تعي تماما اهمية جمهور فريقها في مسيرته.. وتقدر تلك الجماهير كوقود لابد منه كي تستمر المسيرة ..!!

ولكن كل تلك الاحداث لم تغير من الامر شيئا ..!!

وهاهو الموسم الجديد قد ازف وما زال الامر مكانك سر ..!!

الرئيس مبتعد ... ومازلنا نتجرع نتاج ابتعاده مرا وعلقما..!!

ضعف اعدادي... استهتار بجلب لاعبين اجانب... تهاون بسد الثغرات بلاعبين سعوديين... فشل ذرييع في كل معركة ادارية تخوضها
وبامتياز ... !!

ادارة افردت المساحات ( لعبق) فمها ان ينتشر هنا وهناك... ولينشر معه مساحات اكبر واكبر من الامال والتطلعات... فجعلت الجميع يصطدم بالواقع المخيب لكل ما سبق... وتترك لهم اكتشاف ان الادارة ممثلة بالرئيس لا يتعدى دورها الثرثرة فقط... !!

فالكلام ان لم يكن مرتبط بالافعال ... فان هناك ازدواج في ممارسة الادارة... والادارة التي فيها ازدواج في المعايير فهي بالقطع ليست ادارة صحيحه ..!!

فبالله عليكم ماهي النجاحات التي حققها الرئيس للهلال كي نشيد به..!!



وفي غمرة كل تلك العيوب والاخطاء يخرج علينا ( فاغرو) الفاه.. مرددين مرحى للرئيس (الوسيم) و(الشاب) فقد قدم للهلال الكثير والكثير ..!!

اهذه معايير الرئاسة لديهم.. وسيم وشاب ..!!

من يدخل للمنتدى للوهلة الاولى ويدلف الى احد تلك الموضوعات المسطره ( اياها ).. يتخامر الى ذهنه بانه قد دخل (مجلس حريم).. والحزه ضحى...ويا قلبي لاتحزن ..!!!!!!!

فهل هذه معاييرهم المستحقة من وجهة نظرهم لرئاسة فريق عظيم كالهلال ؟!؟

عجبي... !!

فهل تملك تلك الفئة القدرة والجرأة على اثبات تميز هذا الرئيس.. وماهي الانجازات الادارية التي حققها هو وطاقم العمل الذي في معيته ...؟!؟ اشك في ذلك بل اتحدى ان يفعلوا ..!!

اما الحديث عن المصيبيح اخي جدار الطين فهو ذو شجون .. وسيطول الى ان يقضي الله امرا كان مفعولا..!!

فرفقا بالهلال يا ادارة الهلال وبجماهير الهلال ..!!!!!!!!!!


عذرا على الاطالة اخي ودمت لاخيك

حاتم

السلام عليكم ورحمة الله وبركاته


صراحة يااخي العزيز كلامك كله صحيح انا ما شفت رئيس نادي مثل

الرئيس سعود ؟ شفنا الرئيس الطيب الذكر الامير بندر بن محمد الرئيس

الذي يذهب اينما ذهب الهلال والذي قام بكل شي تجاه الزعيم من صفقات
وتحركات سريعة من اجل ان يظهر الهلال بالشكل الصحيح ولكن

ماذا نقول ( وأن عشت اراك الدهر عجبا )

* اخوي جدار الطين اسلوب جميل ورائع في نفس الوقت .

* انا اتفق معاك فيما يخص الرئيس المدعو (( سعود )) وحرام يكون هذا المدعو هو رئيس لاعظم نادي في قارة اسيا وزعيمها .

* اما فيما يخص الاداري ( فهد المصيبيح ) فهو والحق يقال افضل اداري مر على هذا النادي العريق ومن افضل الاداريين في المملكة ويكفي تحقيق الزعيم معاه اكثر من ( 12 ) بطولة في خلالثلاث سنوات فقط ويكفي انه يودي عمله في هذا النادي بكل امانة واخلاص وبعيدا عن المجاملات والواسطة .

* ومع هذا لا يمنع من وجود اخطاء للمصيبيح فهو بشر وهناك ضغوطات عليه من بعض اعضاء الشرف والجماهير ( العرب اتفقوا على الا يتفقو ) .

* انا مع استمرار هذا الاداري اذا كان رئيس النادي من امثال هذا الامير الذي لا يحل ولا يربط .

* ختاما ارجو عدم الاختلاف والتركيز على مباراة الاياب والكاس السوبر ان شاء الله ملك لزعيم نصف الكرة الارضية .

تسلم

جدارنا الكريم جدار الطين/

ثق أنني لم أرى هذا الموضوع المميز الآ قبل يومين وكم تمنيت أن أكون دخلت للنت خلال التره القليه الماضيه لقرآءة موضوعك والتعليق عليه ، ولكنها المشاغل قاطعها الله.

نبدأ بخفيف الظل وثقيل الظل ;) بس تعبير مميز لأنك لم تشأ أن تقول ثقيل الدم;) ولكنها يابتاع العربي سوى سوى وإلا لأ;)

إقتباس وبين خفيف الظل كلاعب .. ثقيل الظل كإداري ( فهد المصيبيح ) ..

أما الرئيس القضيه كما أشرت:

إقتباس الرئيس القضية اليوم لا يكترث بشأن الهلال لأن العرب اتفقوا ألا يتفقوا , حتى وإن هاجمه المحقون , فسيسخّر الله له العاشقين بلا بصيرة !!!!!

فلقد باع فريقه بتراب الفلوس ، وإلا هلك أن تقول لي كيف ترتكب هذه الجريمه بأن يذهب الفريق الى كأس السوبر أهم بطوله آسيويه أقول أنه يذهب الفريق الى كوريا وهو مجرد من أهم أسلحته اللاعبيين الأجانب فوالله لو رأس النادي أي شخص غير هلالي لما عمل ماعمله.

أما الضائقه الماليه التي أشرت اليها فمافائدة هذا الرئيس الغير متواجد نهائيا أن لم يكن يملك من الأموال التي يدعم بها الفريق.

النكته أخي الجدار أنه أجريت مكالمه بالبعثه في كوريا ووعدوا بمكافآت فأي مكافآت تلك التي يوعدون بها وهم لم يحصلوا على مكافآت بطولة الدوري والكأس الآسيويه ، أليست هذه نكته.

إقتباس # وجه الشبه بين ( حسين المسعري والمصيبيح ) كلاهما " لا يطـيــر " !!! وترى الأول أقل من 23 سنة !!َ!

أبشرك طار الأول وعقبال الثاني;)

إقتباس .. أبو نواف ............... مشتاقين ..

والله يأخي الكريم نحن المشتاقين وشكرا على هذه اللفته الكريمه.



برايفت لسور الصين وجدار الطين/

خلاص كفشكم حسام الزعيم;) وعلى قولتك ياسور الصين فتراه شغال في CIA وبعدين غلطتك أنت ياجدار الطين ليش تختار هالأسم القريب من المعنى لسور الصين;) بس ليت كل الكتاب مثلكم وكفى

سلالالالالالالالالالالالالالالالالالالالالالام

الغريب ...

إقتباس أفلا نقول سور الطين ؟!!!

اسأل الفاهم بالحيل وهو يعلمك ... والا تدري قول عني ما تقول

إقتباس الانقسام لايدل على شيء وليس شرطا أن يكون ذاك من خطأ المنقسم عليه !!!!

كلام سليم .. احسنت فيه .
ولكن ما قصدته هو أن هذا المنصب لم يكن يوما شغلا شاغلا للجماهير ..
حتى لو سألتني من يشغر هذا المنصب في أي ناد آخر .. ربما لم أجبك ..

إقتباس ولكنك لم تذكر دليلا واحدا على أن المصيبيح هو الداء !!

لا نريد اجترار الماضي .. ولكني ذكرت الرئيس أيضا سببا رئيسا للعلة التي يتحدث الكل عنها .. والتي يوشك النادي بسببها على السقوط _ لا قدّر الله _

إقتباس أنكم لاتعلمون حقيقة مايمر به الهلال من أزمة تاريخية تنذر بأن تجعل منه تاريخا وجنازة تنتظر الدفن !!!

أتوقع أن الرئيس بهجره للنادي هو السبب الحقيقي لكل ما يحدث تماما كالمدرسة التي يخرج منها المدير القوي لقضاء حاجة .. فتنقلب رأسا على عقب بحضرة وكيل ( أبله )..
عموما من الحلول تفريغ المصيبيح لدرجة معينة دون الأخريات ..


المــــوج ..
أسفرت بوجودك .. ياهلا ومرحبا بك ..
واعلم أنني _ والله يشهد _ أقول ما أقول عن قناعة لعل الهلال هو من يستفيد , وهذا عموما لا يعني بالضرورة أن ما أقوله صواب ..
تحياتي ..


أبــــــــــــو لمــــــى ..
هلا وغلا ..
لو عدت لموضوعات سابقة لي , ستجد أن مما لاحظته على المصيبيح وطالبته به ووافقني بعض الأعضاء عليه هو الحديث عبر أي وسيلة تناسبه للتعبير عما يدور أو المهم منه , لإفهام الجماهير كافة الجماهير عما يدور إبان الأزمات والمشاكل , ولكنه دائم الصمت وهذا مما يؤخذ ضده أيضا ..

إقتباس في نادي يعج بالمتناقظات

ماذا أردت بهذه الجملة الرئيس أم نائبه أم جماهيره أم أعضاء شرفه ؟؟؟؟
أم الدفاع عن أبو محمد وتصوير كل ما حوله من أجواء أنها غير صحية .... ( يعني كثّر خيره )!!!!!!


أبــــــو ذكــــرى ..

إقتباس والسور داخلين معسكر تجريبي لإن اللياقه ماشاء لله ( فل )

سور الصين كل صبح يتمرن سويدي مع هيفا

أنا مؤمن أن المصيبيح ليس كل المشكلة ولكنه أحد أطرافها الهامة , نتمنى منه طالما أنه ( باق ) أن يحاول فضح من يعملون ضده , وكشف كل من يستمرىء الخطأ ...
تحياتي ..


أحلـــى غريب ... مرة ثانية ..
وسع صدرك .. وانتظر رسالة خاصة !!


بقية الردود ( الدسمة ) قريبا إن شاء الله ..

شكرا للجميع

أبو ريمان

مساك الله بالرضا ..

إقتباس ولكن سعود أفضل من ألف مرة من فواز كمكلف .

كلام أكيد .. وهذا يعيدنا إلى أحد محاور النقاش العام الماضي .. لماذا يكلف المسعد ؟

إقتباس شخص مثل فهد يستطيع ان يحقق الفريق بقيادته كمدير مع توفيق

إقتباس الله نفس العدد من البطولات وفي نفس الفترة الزمنية

ليس شرطا .. لا أحد يستطيع الرهان على مثل هذا !
وربط هذه الإنجازات بشخص المصيبيح خطأ .

إقتباس وهناك أجهزة إدارية متكاملة لكل درجة سنية .

وهل ترى فيها نفعا ؟؟ أو بمعنى :
هل تشعر أن الأمور الإدارية بالنادي على ما يرام ؟

&&&&&&
هلا هلو
اللي يسمعك يقول أنا ساحب المصيبيح مع ثوبه ومطلعه من النادي !!
ثم إن الموضوع لم يناقش المصيبيح وحده .
تحياتي .

&&&&&&
المنزعم
شكرا لك .

&&&&&&
ريد هارت

إقتباس يقولون لك انوا االاعبين الهلاللين نظاميين لدرجة انو مافي احد يمشي في الممرات؟؟

فعلا هذا الشعب (الفوضوي)تأثر مما شاهده !!!!
هذي سواليف اسمها ( سواليف عوف )

&&&&&&&
أبو محمد
شكرا لك .

&&&&&&&
حسام الزعيم

إقتباس وانا اقول وجه الشبه بين جدار الصين وسور الطين كلاهما واحد وياعين لاتدمعي !!!!

يجيك عن خوالك ؟؟

&&&&&&&
سور الصين

إقتباس وإلا تدري عطه جدار الطين

اثقل .. اثقل شوي ;) ;)

&&&&&&&
العوام
هلا وغلا ..
الآن عرفت سبب اختيارك لهذا الاسم ========> نفس طويل ماشاء الله

إقتباس اللي تخلي البعض يشن حمله غير مبرره اثناء الموسم وفي وقت الحصاد ,

من تقصد ؟؟ أنا متيقن ان الأمور هدأت في ( وقت الحصاد ) وبشكل ملحوظ .

إقتباس بعد ان تخلى عنه اعضاء الشرف

من زمان وأنا أدور لها سبب .. هم من حالهم ( تصنيفه يعني )..
يعني هل الرئيس الحالي بريء من أسباب هذا الهجران براءة الذئب من دم يوسف ؟

إقتباس صفقوني ان حصلتو منهن شيء

ما هذا التشاؤم واليأس ؟؟؟؟ يعني لو يروح الأمير سعود يصك النادي ؟؟؟!!
ذكرتني بجماعة المسجد اللي مات مذنهم ولا صلوا

إقتباس , بكل شرائحه !!

ماذا فهمت من هذه الكلمة يا صديقي ؟؟؟

إقتباس والظاهر ردود الاعضاء توضح التغيير

لم يطرأ تغيرا ملحوظا , لا زال الجميع على حالات ثلاث .. مع أو ضد أو متحفظ .. إن كانت النسب في صالح موقفك فلا مانع من أن تحصر الردود ومن كان مع ومن كان ضد من خلال هذا الموضوع .

إقتباس مثله مثل اللي قبله

لا أعتقد .. لأن اللي قبله كان يدفع عد بالذاكرة وانظر ماذا فعل الهلال برئاسته فيما يخص المدربين والأجانب والمحليين ... لا تقولي معه أعضاء الشرف ... أرجع أقولك : ليش تركوا الرئيس الحالي لوحده ؟

إقتباس وليته يعلنها بس علشان نشوف

وش توقع يصير ؟؟؟ يصك النادي والا يباع بالمزاد ... الهلال هلال يا عوام وأنت ابخص ..

ممــــكن تربط لي بين هاتين الجملتين واللتين وردتا في معرض ردك :

إقتباس لرئيس هو الوحيد اللي يعمل ويدفع

و

إقتباس الرئيس يمكن ماقام بواجبه

النقطة الأخيرة ..

إقتباس لكن المدير واللي قاعد يقوم بواجبه على اكمل وجه

أكمل وجه ..... من يثبتها ؟؟؟؟؟؟؟؟

يا حبيلك يا أحلى عوام تراك أتعبتني وأنا وراي نوم

&&&&&&&
wolf
هلا وغلا ..

إقتباس وبعد ( انعــــــــــدام) تصنيع المواهب في القاعدة الهلاليه

يقولون الشباب على أكمل وجه !!

إقتباس تصفية نجوم الفريق الاول دون اي مبررات

يقولون الشباب على أكمل وجه !!!!

إقتباس وتقدر تلك الجماهير كوقود لابد منه كي تستمر المسيرة

يقولون الشباب ليته يروح علشان نشوف ... يعني بعده ما فيه مسيرة !!

إقتباس ضعف اعدادي... استهتار بجلب لاعبين اجانب... تهاون بسد الثغرات بلاعبين سعوديين... فشل ذرييع في كل معركة ادارية تخوضها

وهذا مربط الفرس .... بس يقولون الشباب لو يروح بلشتوا ..

إقتباس اهذه معايير الرئاسة لديهم.. وسيم وشاب

ويهوى الترحال .. وانا ماشي ليالي سواح ..
تحياتي يا غالي ..

&&&&&&
متميز ..
بين الاثنين قياس مع الفارق ..
شكرا لك ..

&&&&&&
عاشق المليونير
البطولة بإذن الله هلالية وبروح الانتصار فقط المزروعة داخل نفوس الهلاليين وحدهم .
شكرا لك ..

&&&&&&
أنت هلالي
سلمت.

&&&&&&
أبو نواف
هلا وغلا ..

إقتباس يذهب الفريق الى كوريا وهو مجرد من أهم أسلحته اللاعبيين الأجانب

بس كل شي على أكمل وجه ..

إقتباس أبشرك طار الأول وعقبال الثاني

البشارة لك;) ;)

إقتباس غلطتك أنت ياجدار الطين ليش تختار هالأسم القريب من المعنى لسور الصين

المشكلة إني اخترت له الاسم بالبدايات واختار لي الاسم بعدين

و ايضا رجعتم للمصيبيح؟؟؟؟؟؟؟!!!!!!!!!!!!!!!!!!!!!!!

هلا وغلا ومرحبتين بجدار العز جدار الطين

المهلي ما يولي ,,,

إقتباس الآن عرفت سبب اختيارك لهذا الاسم ========> نفس طويل ماشاء الله

هههههههههه لا تسوي بي سواة رفيق لنا قديم , قال مثل هالكلام وضعنا وما افتكينا إلا بعد استطباب شعبي وروحه وجيه

إقتباس من تقصد ؟؟ أنا متيقن ان الأمور هدأت في ( وقت الحصاد ) وبشكل ملحوظ .

ايه ياطويل العمر الامور هدت قبل وقت الحصاد بيوم او يومين , لكن وش هو عقبه ؟؟ عقب ماخبصو الدنيا , وحاسو مريرها , يُفترض ان اي مناقشه لموضوع الرئاسه تكون في فترات (( التوقف )) وهذا مالم يحصل ,,,

إقتباس من زمان وأنا أدور لها سبب .. هم من حالهم ( تصنيفه يعني ).. يعني هل الرئيس الحالي بريء من أسباب هذا الهجران براءة الذئب من دم يوسف ؟

لا انا سمعت ان الرئيس وقّف لهم عند باب النادي ومعه سوط طويل وكل ماجاء واحدن منهم لشطه وقال لاعاد اشوفك هنا !! , ياعزيزي ايه بكيفهم اجل مغصوبين , ومن يقدر يثبت انهم ابتعدو بسببه ؟؟ او من منهم قال انا ابتعدت عن النادي بسبب وجود هالرئيس ؟؟

إقتباس ما هذا التشاؤم واليأس ؟؟؟؟ يعني لو يروح الأمير سعود يصك النادي ؟؟؟!! ذكرتني بجماعة المسجد اللي مات مذنهم ولا صلوا

ههههههههه الله يرجك على هالتشبيه , اجل ماصلو الجماعه , لا ياغالي انت وعلشان تتأكد ارجع بذاكرتك ( لقبل لا يستلم سعود زمام الامور ) وبتعرف وش المقصد .

إقتباس ماذا فهمت من هذه الكلمة يا صديقي ؟؟؟

إلا انت وش كنت تقصد ؟؟

إقتباس لم يطرأ تغيرا ملحوظا , لا زال الجميع على حالات ثلاث .. مع أو ضد أو متحفظ .. إن كانت النسب في صالح موقفك فلا مانع من أن تحصر الردود ومن كان مع ومن كان ضد من خلال هذا الموضوع .

يعني لازم , طيب يالله نحسبها :

عدد الردود : 38 <== الى ماقبل ردي هذا ,,,

رد مكرر : 3 لجدار الطين , واحد لسور الصين , وواحد للغريب ,,,

عدد اللي معك في رأيك عن المصيبيح وقالوها بصراحه : 4

عدد اللي ضد رأيك عن المصيبيح وقالوها بصراحه : 17

عدد اللي ما تطرقو لموضوع فهد : 12

والظاهر ان النسبه واضحه , ولا تحتاج لأخذ ورد

إقتباس لا أعتقد .. لأن اللي قبله كان يدفع عد بالذاكرة وانظر ماذا فعل الهلال برئاسته فيما يخص المدربين والأجانب والمحليين ... لا تقولي معه أعضاء الشرف ... أرجع أقولك : ليش تركوا الرئيس الحالي لوحده ؟

وش ما اقول لك معه اعضاء شرف !!؟؟ إلا بقولها ونص , الرئيس السابق كان معه اعضاء شرف وكانو يدفعون ,ويجيبون لاعبين , واكبر مثال ( محمد الدعيع ) من اللي جابه ؟؟ ومسألة ليش اتركو الرئيس الحالي لوحده هنا السؤال , واللي اجابته يُفترض تكون منهم

إقتباس وش توقع يصير ؟؟؟ يصك النادي والا يباع بالمزاد ... الهلال هلال يا عوام وأنت ابخص ..

لا هين بيع بالمزاد مافيه , لكن من بيقبل بوظيفة رئيس ؟؟ وتجاربنا السابقه اعتقد تكفي حتى ( عذالنا ماقبلو ) والهلال بيبقى هلال في كل الاحوال ,,,

إقتباس ممــــكن تربط لي بين هاتين الجملتين واللتين وردتا في معرض ردك : اقتباس:لرئيس هو الوحيد اللي يعمل ويدفع و اقتباس:الرئيس يمكن ماقام بواجبه

وليه ما اربط لك ,

في الاولى اتكلم عن الرئيس في الموسم الماضي ( كان لحاله بالنادي يعمل ويدفع الاموال )

في الثانيه اتكلم عن الرئيس في الفتره اللي حنا فيها الان , فهو غير موجود , ولا يدفع ومن هنا قلت انه ماقام بواجبه ( بس )

إقتباس أكمل وجه ..... من يثبتها ؟؟؟؟؟؟؟؟

يثبتها امور منها :

أُختيركافضل اداري عربي في تصويت اجرته احد الصحف المصريه

تم ترشيحه ليكون مديرا للمنتخب السعودي الاول

اختياره من ضمن لجان ( تطوير الكره ) في المملكه , <== هذي امور عن طريقها نقدر نقول انه ( كان يقوم بواجبه على اكمل وجه) يعني هذي نتاج عمله , لكن من يقدر يثبت انه ما كان يقوم بواجبه وعلى اكمل وجه

إقتباس يا حبيلك يا أحلى عوام تراك أتعبتني وأنا وراي نوم

هههههههههههه الله يرجك وراك نوم وقاعد ترد على العوام , رح نم واذا صحيت رد علي وتراي انتظر ,,,

يالله تصبح على خير ,,

إذا سمحت لي يا جدار الطين ودي أوجه تحية خاصة لك شخصياً وللمتمرس عالي اللياقة - ما شاء الله - العوام .

هلا والله وغلا بأحلى عوام ..

يا كثرك بكل مكان

إقتباس هههههههههه لا تسوي بي سواة رفيق لنا قديم , قال مثل هالكلام وضعنا وما افتكينا إلا بعد استطباب شعبي وروحه وجيه

لا لا تخاف حنا صواريخنا بعيدة المدى

إقتباس , ومن يقدر يثبت انهم ابتعدو بسببه ؟؟

سبق ..... أقول كم رقم جوالك هههههههههه

& بكل شرائحه ... ما هيب واضحة ؟؟؟ غريبة !!

إقتباس طيب يالله نحسبها

ههههههههه صدقت رحت تسوي إحصائيات وبحث وتقصي وعد لا تعد ... هي كلمة عابرة بدليل أن النتائج ضدي .
ثم إن العبرة يا صديقي بالكيف وليست بالكم .. أربعة يدلون بدلوهم ويوردون أسبابهم ويشرحون فكرهم خير من ألف على غرار :

وش تبون بالرجال .. خلوه في حاله .. أبو محمد رااااااائع .. المصيبيح خلوووووووووووق .... إلخ .

إقتباس وش ما اقول لك معه اعضاء شرف !!؟؟

طبعا هم على قارعة الطريق !! النجاح حكر على سعود بن تركي , وحال الإخفاق يتناولهم العوام ويقول : أين أعضاء الشرف ؟؟؟

إقتباس ومسألة ليش اتركو الرئيس الحالي لوحده هنا السؤال , واللي اجابته يُفترض تكون منهم

توقع يستجيبون لنداءات العوام والا جدار الطين ويسولفون ويخلون البساط أحمدي !!

إقتباس في الاولى اتكلم عن الرئيس في الموسم الماضي ( كان لحاله بالنادي يعمل ويدفع الاموال )

يعني العام على قلوبنا?? فراشه بالإدارة ؟؟ هذا الموسم لم يبدأ وتقول لي العام وهالسنة !! بطولة السوبر امتداد للموسم الماضي المنصرم والحال لم يتغير . الحال واحد ( العام وهالسنه ) .

إقتباس في الثانيه اتكلم عن الرئيس في الفتره اللي حنا فيها الان , فهو غير موجود , ولا يدفع ومن هنا قلت انه ماقام بواجبه ( بس )

في وقت سابق كنت تقول يا صديقي ((( الرئيس سيقدم الكثير في المستقبل ))) !!! هل هو مجرد تكهن أخطأ أم هي من قبيل الكسب السريع في المناقشات والرهان على شيء غير موثوق ؟؟؟؟:sad:

إقتباس , فهو غير موجود , ولا يدفع ومن هنا قلت انه ماقام بواجبه ( بس )

بــس .. باختصار يسمى ((((( تقصير وقصور )))))

إقتباس أُختيركافضل اداري عربي في تصويت اجرته احد الصحف المصريه

ههههههههه أضحك الله سنك ياصديقي ..
استفتاء أفضل إداري عربي !!!! كم مرة عمل ؟؟؟ وكم مرة سمعت به ؟؟؟ومن حاز على هذا اللقب قبل المصيبيح ؟؟؟ ومن ياترى سيفوز به هذا العام ؟؟؟ هذه الأسئلة وغيرها يطرحها عليكم ( فلان ) أحد المنافحين عن الكابتن فهد وأحد المنتمين لجماعة دفاع بلا حدود .. في ظل الدفاع المستميت عن وجهات النظر نتمسك برأي صحيفة( مصرية )نموذجية لم تبرح قضية إلا ناقشتها حتى أفضل مدير كرة عربي !!!!!!!

هذا مثل استفتاء : من هو أحسن مدير مدرسة ابتدائية اسمها الفاروق ومديرها عبيد المنسلح بالعالم ؟؟؟

إقتباس كان يقوم بواجبه على اكمل وجه

ما فيه غيرها ؟؟

صديقي العوام هذا ليس استهتارا والله .. ولكن طفح الكيل .. رددتوا أفضل ( مدير عربي ) ولم نرد وقتها .. هذا لا يعني أننا اقتنعنا أو كما تقول (( قضوا ما باقي إلا ثلاثة أو أربعة بالطريق )) !!!

تحياتي ..

&&&&&&&&&&&&&&&&&&&&&&&&&&&&&&&&&&&&&&&&&
أبو ريمان ..

صبحك الله بالخير وتحياتي مع جزيل شكري ووافر تقديري ..

هلا وغلا بجدار الطين لو كنا بعام الفين واثنين

إقتباس يا كثرك بكل مكان

وش وش ؟؟ يعني انا هالحين ( كثار ) <== تكتب كذا

إقتباس لا لا تخاف حنا صواريخنا بعيدة المدى

زيييييييييين طمنتني , لأن فيه واحد قال لي هذولا صواريخهم مسمينها ( كان انسان )

إقتباس سبق ..... أقول كم رقم جوالك هههههههههه

ههههههههههه افاااا ورى الدعوى صارت كم رقمك ؟؟ او تعال ابيك بالعاير

إقتباس & بكل شرائحه ... ما هيب واضحة ؟؟؟ غريبة !!

ههههه واضحه ومن زود وضوحها تحتمل اكثر من معنى وعلشان كذا سألتك اي معنى تقصد

إقتباس ههههههههه صدقت رحت تسوي إحصائيات وبحث وتقصي وعد لا تعد ... هي كلمة عابرة بدليل أن النتائج ضدي . ثم إن العبرة يا صديقي بالكيف وليست بالكم .. أربعة يدلون بدلوهم ويوردون أسبابهم ويشرحون فكرهم خير من ألف على غرار : وش تبون بالرجال .. خلوه في حاله .. أبو محمد رااااااائع .. المصيبيح خلوووووووووووق .... إلخ .

:sad: :sad: ياشين اللي ما يصمل , هالحين تقول لي احسبهم وفي الاخير تقول صدّقت !! , وبعدين وش اربعه يدلون بدلوهم ويوردون اسبابهم خير من الف ؟؟ هنا ياغالي كلام ماهو سليم وحكم ماهو عادل , اذا بتحسبها بهالشكل , فكلام الاربعه اللي عن الف ما يجي يم الانجاز والنظام اللي يحصل عليه الهلال ويعرف عنه الجميع , هنا انت اتعبتني , وخليتني اعدعد واخرتها تقول لي بطلنا !! مالك حق ولاهي على كيفك ترى النسبه هذي ثابته ومرجع للي يبي يتأكد عن الاغلبيه هل هم مع او ضد

إقتباس طبعا هم على قارعة الطريق !! النجاح حكر على سعود بن تركي , وحال الإخفاق يتناولهم العوام ويقول : أين أعضاء الشرف ؟؟؟

وين مدفلج يالاخو ؟؟ ردك هذا كان عن نقطة اعضاء الشرف اللي كانو مع الامير بندر ابن محمد , وراك فريتاها وقطيتاها على قارعة الطريق ؟؟

إقتباس توقع يستجيبون لنداءات العوام والا جدار الطين ويسولفون ويخلون البساط أحمدي !!

واذا ما استجابو وش نسوي بهم ؟؟ ناخذ السوط من سعود وياويلك ياللي تمر علانا !!
وبعدين هالنقطه كانت اجابه عن تساؤلك عن اسباب ابتعادهم , وراك ( دفلجت ) يمين

إقتباس يعني العام على قلوبنا?? فراشه بالإدارة ؟؟ هذا الموسم لم يبدأ وتقول لي العام وهالسنة !! بطولة السوبر امتداد للموسم الماضي المنصرم والحال لم يتغير . الحال واحد ( العام وهالسنه ) .

هيه انت يالاخو , الموسم الماضي كان الرئيس هو الوحيد الموجود واللي (( يدفععععع)) وكان قايم بكل المصاريف الماديه من عقود ورواتب وغيره وهذا كلام صحيح , فلا تلخبط الامور الله يحييك ويطول لنا عمرك , والوقت اللي حنا فيه الان الرئيس ما نشوفه لا يدفع ولا يجي وهنا يكمن الفرق وعليك التمييز بين الموسم الماضي وهالحين وبالتأكيد بتشوف فوارق كثيره ( إن كنت تبي تشوف )

إقتباس في وقت سابق كنت تقول يا صديقي ((( الرئيس سيقدم الكثير في المستقبل ))) !!! هل هو مجرد تكهن أخطأ أم هي من قبيل الكسب السريع في المناقشات والرهان على شيء غير موثوق ؟؟؟؟

لا والله إلا كنت متأمل كثير منه , لكن ومن كثر ماشاف منكم من تجريح وانتقاد وجحود لكل ماقام به , قال مالي ومال وجع الراس خلني اخذها من قاصر , ولاضنتي فيه عاقل بيلومه

إقتباس بــس .. باختصار يسمى ((((( تقصير وقصور )))))

لا (( بس )) هذي تعني تحديد الرد على ماقلت , يعني مالها علاقه لا بالقصور ولا بالصنادق

إقتباس ههههههههه أضحك الله سنك ياصديقي .. استفتاء أفضل إداري عربي !!!! كم مرة عمل ؟؟؟ وكم مرة سمعت به ؟؟؟ومن حاز على هذا اللقب قبل المصيبيح ؟؟؟ ومن ياترى سيفوز به هذا العام ؟؟؟ هذه الأسئلة وغيرها يطرحها عليكم ( فلان ) أحد المنافحين عن الكابتن فهد وأحد المنتمين لجماعة دفاع بلا حدود .. في ظل الدفاع المستميت عن وجهات النظر نتمسك برأي صحيفة( مصرية )نموذجية لم تبرح قضية إلا ناقشتها حتى أفضل مدير كرة عربي !!!!!!!

ههههههههه اجل ضحكت ؟؟ ياجعله دايم ان شاء الله , ايه يابعدي إذا قالو الناس هذا هو الاميز , من بين مجموعه , فلا بد ان شغله زين وانه مؤدي واجباته , ولا يمكن يقولون عنه زين وهو شين , وبعدين هذي وحده من ثلاث , وراك ماقلت شيء عن ترشيحه لإدارة المنتخب ؟؟ او اختياره من ضمن لجان التطوير ؟؟ او هذي ماهي مقاييس تعجبك وتعترف بها , وبعدين وش سالفتكم مع مدراء المدارس انتم ؟؟

إقتباس صديقي العوام هذا ليس استهتارا والله .. ولكن طفح الكيل .. رددتوا أفضل ( مدير عربي ) ولم نرد وقتها .. هذا لا يعني أننا اقتنعنا أو كما تقول (( قضوا ما باقي إلا ثلاثة أو أربعة بالطريق )) !!!

ياغالي ماللاستهتار مكان بالدار ان شاء الله ولكن وين المنطق ؟؟ رجل يعمل ويجتهد ويجد (( التقدير )) من الاغلبيه , فلماذا لا تتغير قناعاتكم ؟؟

راجع ماقيل في فهد في السابق , وسترى التغيير الواضح حتى في ( استراتيجية الهجوم عليه ) فمن شرب الحليب وصلنا الى الدرجات الثلاث , ومن هنا يثبت بأن الهدف هو تثبيت قناعه , يعني قلتو عنه شين يعني لازم يطلع شين وهذا ماهو عدل ولا حق , ولا ضنتي ان فيه احد يرضى بالظلم او ان الظلم يرضيه <== ماكنه ابو فاس

تقبل تحياتي ,,,

الغالي العوام
هلا وغلا

إقتباس ترى النسبه هذي ثابته ومرجع للي يبي يتأكد عن الاغلبيه هل هم مع او ضد

لا يالغالي ترا ماعندك سالفة الموضوع لم يوضع للتصويت ليكون مرجعا لمن يريد التأكد !!!!

إقتباس واذا ما استجابو وش نسوي بهم ؟؟

أصلا هو فيه أحد قال لهم تعالو علشان نعرف هم استجابو ام لا ؟؟؟؟
من جاء على غير دعوة جلس من دون فراش ؟؟
وبعدين إذا الريس ماجاء وهو ريس وشوله يجون اعضاء الشرف ؟؟؟

إقتباس ايه يابعدي إذا قالو الناس هذا هو الاميز , من بين مجموعه , فلا بد ان شغله زين وانه مؤدي واجباته , ولا يمكن يقولون عنه زين وهو شين ,

ههههههههههههههه
أجل قالو ا الناس هذا هو الأميز !!!
الله يقلع شيطانك يالعوام
منهم الناس اللي قالوا ؟؟؟
المصاريا !!!!
يعني يالعوام ماصدقتوا صحافتنا اللي نثق بهم ؟؟!!
وتبوننا نصدق نصبة المصاريا !!!!!
أو بس علشان المصيبيح !!!
الجماعة يالعوام طاروا باللقب المهم وعطوك لقب رضاوه وبالمشاركة علشان تنبلع هالنصبة !!!
وأنتم ماصدقتوا خبر فما يهمكم هو المصيبيح وليس الهلال !!!

إقتباس وبعدين هذي وحده من ثلاث , وراك ماقلت شيء عن ترشيحه لإدارة المنتخب ؟؟

ترى خويك يقول علي داوود سبق أن عمل مديرا للمنتخب السعودي الأول وأيام المرحوم فيصل بن فهد !!!

إقتباس او اختياره من ضمن لجان التطوير ؟؟

أقول ياحبيبي شف الأسماء اللي معه وأحلب تطوير

تحياتي

هلا وغلا بالعوام ..

عساكم لقيتوا مذن جديد

إقتباس ههههههههههه افاااا ورى الدعوى صارت كم رقمك ؟؟

ياخي افهمها وننا نتعرف

إقتباس ههههه واضحه ومن زود وضوحها تحتمل اكثر من معنى وعلشان كذا سألتك اي معنى تقصد

أحرجتني أنت .. أنا عقلي على قدي .. مالها عندي إلا معنى واحد .. لكني طحت بذيب الكلمة عنده لها عشرين معنى

إقتباس ياشين اللي ما يصمل , هالحين تقول لي احسبهم وفي الاخير تقول صدّقت

قلتلك عقلي على قدي وما دريت إن اللي قدامي ( فطحل ) ====> مفرد فطاحلة .. يبي يروح يعد .. أقول صب قهوة

إقتباس رى النسبه هذي ثابته ومرجع للي يبي يتأكد عن الاغلبيه هل هم مع او ضد

أقول العلم اللي يجمد على الشارب .. العبرة بالكيف وليست بالكم .. ولا فيه داعي أكرر كلامي .

إقتباس وين مدفلج يالاخو ؟؟ ردك هذا كان عن نقطة اعضاء الشرف اللي كانو مع الامير بندر ابن محمد , وراك فريتاها وقطيتاها على قارعة الطريق ؟؟

أقسم بالله ما أدري وش سنعها هالجملة .. وش تبي ؟؟
أقول هذا اللي يقتبس( كل الموضوع) ولازم يرد عليه يضيع شوي

إقتباس واذا ما استجابو وش نسوي بهم ؟؟ ناخذ السوط من سعود وياويلك ياللي تمر علانا !!وبعدين هالنقطه كانت اجابه عن تساؤلك عن اسباب ابتعادهم , وراك ( دفلجت ) يمين

والله إن الشق أكبر من الرقعة .. ما قلت لك عطني جوالك .. والا تدري إنزل شوي بمستوى فكرك علشاني .. علشان أقدر أفهمك

إقتباس وهنا يكمن الفرق وعليك التمييز بين الموسم الماضي وهالحين وبالتأكيد بتشوف فوارق كثيره ( إن كنت تبي تشوف

ليس من الضروري إن اللي قدامك كل كلامه خطأ .. علشان تقتبس كل شي وترد عليه ====> فعلا ( إذا وصيت وص واحد .. وقله لا تخلي شي )

إقتباس لكن ومن كثر ماشاف منكم من تجريح وانتقاد وجحود لكل ماقام به , قال مالي ومال وجع الراس خلني اخذها من قاصر , ولاضنتي فيه عاقل بيلومه

لا لا لا يا شيخ .. معقول !!!! ما جاء علشان كلامنا .. زعل علينا الرجال يا شيخ !!! أشوى اللي فتحت عيوننا ..
أقول .. طالما إنه يتأثر بكلامنا ليش ما رجع علشان كلامنا ؟؟؟======> هذي مشكلة اللي يقول ( برمضان ) وينسى ( بربيع ثاني ) يا عوام

إقتباس يعني مالها علاقه لا بالقصور ولا بالصنادق

ههههههههههه تراي انتبهت لهالنكتة .. بس طلبتك ثاني مرة حطها بلون ثاني علشان تصير أوضح للقارىء العادي .. خبرك الناس ما هي واحد

إقتباس وراك ماقلت شيء عن ترشيحه لإدارة المنتخب ؟؟ او اختياره من ضمن لجان التطوير

ههههههههههه أنا من الناس اللي ما يرد على كل الموضوع .. طيب ياأخي مقتنع فيهن .. تطلبني شي ؟؟؟؟ نعم مقتنع خصوصا وإن القرارات الرياضية عندنا سليمة ووفق خطط مدروسة .. فأكيد اختيار أبو محمد مدروس .. علشان كذا ما رديت

إقتباس فمن شرب الحليب

هذي قالوها جماعة مدافعون بلا حدود أولا .. علمن أكيد ;) ;)
تحياتي يابو العواميم