السلام عليكم ورحمه الله وبركاته....

البنت هذي معقده لأنها ماتغازل ولأنها تؤمن بجدول عوازل
ولأنها تخاف ربي واهلها ولأنها ماهي إنسان طالع ونازل
إنسانه تحس إنها إنسان غالي وعن هالقناعه مستحيل تنازل
تنئ بسمها عن كلام الشماميت وعن الملاحق والقصص والمهازل
يا حبني للي مثلها والي تقدر تغازل بس ترفض تغزل
/
\
/
أنــــــــا معقـــــــده..!!
لأني أخاف ربي.. ولأني على الغلط ماارضى
ولأني ماسمع أغاني.. ولأني أحط يدي تحت عباتي
ولأني ماأشقر ولاأنمص.. ولأني ما ألبس قصير وعاري..
ولأني ما أحب النميمه.. والقيل والقال والكلام الفاضي...
ولأني ضعيفه بطيبتي وشخصيتي...ولاني ولاني
بس ما ابي كل الكلام يكون ضدي
ادري مو بس انــا فيه كثير قابلتهم مثلي واحسن بعد
كل اللي حواليهم يلقبونهم بـــالمعقدات...

ما والله كتبت هالكلام لشي بس ابي اطلع حرتي

هذا كلام قالوه ناس قراب وبعاد.. وياكثر من أنعاد وزاد..
يبوني أكون مثلهم.. وبالغلط معهم..
يبوني أكون مسلمه بالإسم وبلا إيمان وخوف وطاعه
كأن ربي خلقنا عشان نسوي إللي على كيفنا
من غير كتاب وسنه ومرجع يدلنا
على الصح يأمرنا وعن الغلط ينهانا.
.
.
نصحت يوم وتعجبوا مني ..!!
وشفيك إنتي معقده طالعي حواليك..
شوفي البنات وشلون..
هذي تسوي...... وهذي تفعل...... وإنتي تقولين حرام وحرام
حنا في سنة ألفين وسته.. يعني إللي حرام حللوه الناس
ولاتستغربين من أي شي يصير..
ولا تحاولين وتنصحين هي قناعه عندي ماتغير بسهوله
يعني مابكون شاذه عن الناس وغير بنت فلان وفلان
أنتي معقده.. والزمن هذا مو زمانك
صدقيني في هالزمن ماتعيشين
لو عن هالمبادئ ماتغيرين صدقيني بتتعبين وبتملين
إحمدي ربك ماصرخت في وجهك ولامشيت وسفهتك
صدقيني لو أحد غيري
كان سوى وسوى... بس مابي احرجك وأكسر بخاطرك
كل الكلام إللي قلتيه على عيني وعلى رأسي
بس تكفين مع غيري لاتقولينه.. شوفيني حذرتك
وأنتي وكيفك..!!
.
.
.
مرت سياره من جنبنا وكان صوت الاغاني مرتفع
حطيت يدي على إذني وسمعت صوت ضحكه من وراي
وسمعت صوت وحده هناك وش فيك إنتي شلي قاعده تسوينه
سبحان الله ..حرام لو كانت بيدك بس بالشارع ماهي بيدك
والله صدق معقده...
يــالله هالإنسانه غريبه.. عن هالكوكب جديده
وبها الزمن وحيده..
.
.
.
.
.
كنا جالسيين بجمعه بنات قامت وحده وسئلت سوال سخيف وتافه
ماورا من اجابته أي فايده .. والسوال اصلا كان ...ماقدر اكتبه بس والله كان قلة حيا
المصيبه واللي اعظم قامت الثانيه تدقها ابن عثيمين قصدها انا
قاعد معنا وشفيك انتي مخبوله...
تسالين قدامه ...الاولى اوووه نسيت سوري يا مطوعنا
لا وبعد معنا السديس والله اني رحت فيها...
استفزني ردها وكانت اللي جنبي تحاول تسكتها
بس قلت لها خافي من الله ثم خافي مننا ...
وهالمشايخ لنا الشرف نكون مثلهم ونتبع نهجهم
بس صدقيني كل كلمه اتقولينها الله يحاسبكِ عليها
.
.
.
مره كنت رايحه المدرسه وكان الجو بارد وممطر
قالت لي امي البسي هذا تدفي ...
لا تروحين كذا وتمرضين ...كانت امي احرص علي مني
ويوم لبسته ورحت اسئلتي وحده ليه لابسه كذا
قلت امي قالت لي البسيه عشان ما تمرضين
ردت وقالت لي حتى امك بلبسك تتحكم انتي طفله عشان تسمعين كلامها
ما تعرفين تقولين ما ابي هو انا اللي بمرض والا انتي
تعجبت حيل من ردها وشلون هي مع امها ..
عادي وش يعني لو اصيرطفله..يعني ما يسمع كلام امه الا الطفل
والا عشاني كبرت اتكبر على امي ونصايحها..
.
.
.
صدق أنا معقده..!؟
وعن هالناس شاذه..!!
لاني عن الحرام ابعد بعيد وعن اللي يامرنا به الله اسويه
بكون معقده بنظركم دام اللي اسويه يرضي الله
ودام اللي اسويه صح وواجب علينا نسويه
معقده لاني احاول اصلح اخطاء غيري وامر بالمعروف
وابعدهم عن المنكر معقده لاني احبهم واحب انصحهم
معقده لاني ابيهم معي بالجنه (باذن الله)
معقده لاني ابي ابعدهم عن الشيطان واهله
معقده لان هذي تربيه هلي اللي ربوني عليها
/
\
/
حتى .... >>> قالوا لي انتي معقده
من بقى بس ما قال ... يجي هنا يكتب انتي معقده
مدري على ويش بنوها والا على أي اساس قالوها
بس هذا الكلام ما ينطبق علي وحدي...
ياكثرهم المعقدات بهالمجتمع بس كلهم ساكتيين
وتغيروا عن منهج كان منهجهم لمجرد كلمه من وحده
ونغزه من ثانيه ..راحوا تلاشوا ليش بس لانهم ما يبون كلمه معقده
يا حسافه عليهم ...من كلام الناس تغيروا
واتبعوا منهج ضلال وكله من حكي هالناس وخطى الشيطان
الله يثبتنا على ما احنا عليه والله يزيدنا فوق اللي عندنا زود

~ باختصــــــار ~

انا معقده لاني مو مثل ما يبون الناس...

خالص التحيه والاحترام لكم....منــار