نادي الهلال السعودي - شبكة الزعيم - الموقع الرسمي - ** أنت ماعندك وطنيه ** والسبب واضح بالدليل

طالبكم لا احد يجي مطفي النور ويكتب رد من اول سطرين

واللي ماراح يقرا الموضوع كامل وبتمعن لا يتعب نفسه ويقرا سطر ولا اثنين من الان اقول له :yes:

اولا ابارك لكل ضعفاء النفوس اقالة عمهم وحارق دمهم كوزمين اولاريو :smilie47:

وجاءت الاقاله والكل يعلم لعدة أسباب ولكن لفت نظري السبب الثاني واللي هو عدم صعوده للمنصه عجبا يا اصحاب الخطط المدروسه

في نهائي كأس الخليج تصرف احد إداري فريق كل من ينتمي له يندرج في قائمة ضعفاء النفوس بعدم الصعود للمنصه

وسبق انه تهجم على الاتحاد السعودي بقذف مباشر للإتحاد السعودي اكثر من مره وعلى عينك ياتاجر في جميع القنوات الفضائيه

انا ماذكرت اسمه لإن ما احب اني انجس متصفح الشبكه بذكر اسمه :naughty: لكن هو معرف للجميع

وين قرار اتحادنا الموقر ولا صكوا عليه فالدرج بإيعاز من فريان ال سعود

ليته ما استقال من نادي ضعفاء النفوس وخلاه نائب رئيس لانه من يوم استقال وهو لازق فالاتحاد السعودي يبي منصب وقاعد يحط خطط مدعوسه عشان تطبق لهم :to: وكثرت هفوات الاتحاد السعودي من يوم جاهم ضيف شرف.

اسف على المقدمه الطويله السامجه

اكيد سامجه لانها تتكلم في اشخاص سامجين ومنطقهم دائما سامج ولا عندهم حجه قويه في كل مايقومون به.

لكن محور موضوعي الرئيسي

الوطنيه

نادي الهلال و إدارته وجماهيره ماعندهم وطنيه

تدرون ليه

اذا حطوا كبسة دجاج

ما يحطون دجاج الوطنيه

ياخذون دجاج فقيه :naughty:

وبما انهم ماياخذون دجاج الوطينه فهم ماعندهم وطنيه

لا تستغربون هذا الكلام في يوم من الايام او كلام مشابه له فالسابق

لان كل من يتكلم عن الوطنيه عنده شرخ في مخه

وفاهم مصطلح الوطنيه غلط

الوطنيه مو في كوره

الوطنيه مو في ان لم تكن معي فأنت ضدي

الوطنيه شعور يخلق مع الانسان مايحتاج ان احد يملي عليك هذا الشعور

الوطنيه مشاعر صادقه مو مشاعر يتصنعونها ضعفاء النفوس للوصول لغايتهم.

الوطنيه مو في صوره ارفعها

ممكن ارفع صوره امام العالم وامجدها في الاعلام لا رجعت البيت دستها

فهذا المثال يدل ان الوطنيه تستوجب شعور صادق :clapping:

او صوره احذفها

ممكن احذف صوره لكن يجي يوم ويحتاجني فيه وطني تتحرك فيني الوطنيه الصادقه

واكون في اول الصفوف وافديه بدمي

فهدا المثال يدل ان الوطنيه تستوجب شعور صادق :clapping:

او كلمه اقولها

ممكن اقول كلمه امدح فيها نفسي ومن اناصرهم واقول انا عندي وطنيه وفلان احسن واحد يخدم هذا البلد واللمع عالاخر ولكن اذا احتمى الوطيس واحتاجني الوطن قمت اتهرب واقول نفسي نفسي.

فهدا المثال يدل ان الوطنيه تستوجب شعور صادق :clapping:

والرياضه هي لعبه

متعه

ماتربط فيها وطنيه الا في المهمات الرسميه اللي يكون شعار الوطن فالخارج مو تعزفون على لحن الوطنيه في دوري كل الانديه اللي فيه من نفس الوطن.

عجبي فعلا الوطنيه تثار في امور وامور يتغاضون عن الوطنيه

طيب في يوم من الايام ووقت من الاوقات وززمن ليس بالبعيد

مذيع وطني في احد القنوات الوطنيه جاء يسوي لقاء مع مدرب منتخب وطن قام مترجم المدرب هذا او مدري وش موقعه فالإعراب وهو اجنبي بمد يده على هذا المذيع الشاب الوطني

وطلعت فالتلفزيون اكثر من مره

وينكم يا أهل الوطنيه :bx:
صح المذيع ماكان ياكل دجاج الوطنيه :clapping:

الى كل من غنى على سمفونية الوطنيه

ويعزف عليها اجمل الالحان اللي كل مالحنوا طلعت نشاز

انه مادرى عن الوطنيه ولا يعرف منها الا اسمها ويصخرها على مايشتهي و اهم حاجه عشان تكون وطني صميم في نظرهم

يجب عليك تكون معهم في كل شي

سواء صح او غلط

لان سياسة ان لم تكن معي فأنت ضدي هذا منبع الوطنيه عندهم بالاضافه لدجاج الوطنيه لازم تكثروا منه

الوطنيه المزعومه وش نتاجها اللي حصل

قرارات صب قهوه

+

تأجيج الشارع العام

+
كره لا يقدر بثمن للإشخاص اللي يدعون الوطنيه

ياعالم يابشر ياناس الله ماشفناه وبالعقل عرفناه

ورب البيت لو ان القرارات يرضى بها اي رجل عاقل يوجد لديه منطق عنده مخ بس مايكثر من دجاج الوطنيه

كان ما احد زعل او صارت إثاره مثل اللي صارت

لكن الإثاره صارت من اللي كل مايصدرون قرار قبل صدوره بشوي يكثرون من دجاج الوطنيه ولا يشربوا شاهي اخضر :laugh:

واللي يسوي الكبسه في اذنه سماعه ماتنزل

وش اقول ووش اخلي وربي حال يرثى له
لكن اقسم بالله وعزته وجلاله انكم ياهلاليين زعماء بوجود إدارة واعيه

ماتبي تسبب فتنه في المجتمع السعودي لان القرار اللي صدر لو صدر على إداره ضعيفة نفس كان ماخلت شي ماقالته او اججت الراي العام

ولكن الامير عبدالرحمن بن مساعد :smilie47: صاحب الاخلاق العاليه والوطنيه اللي يبطون أكلين دجاج الوطنيه انهم يوصلونها

طلع فضائيا واعترف انه متقبل( القرارت الوطنيه المطعمه بدجاج الوطنيه)

ولكن انا متأكد ان هذا القبول مو من قناعه داخليه كامله ظهرو قال الشي هذا

تدرون ليه

قاله لانه يحب هذا البلد والوطن والمجتمع

عرف انه لو ابدى زعل من هذا القرار كان اجج نصف الشعب السعودي ومعه حق انه يزعل وكل عاقل يزعل لان مافيه شي يستوجب الهيلمه الكذابه هذي لكن كتم الزعل وقدم مصلحة مجتمع ووطن على مصلحته

لكن بحكمة العقلاء والامراء الحقيقين... الامراء المتواضعين...... المخلصين

امتص هذا الغضب

لمصلحه عامه

ليتهم يا ابو فيصل يتعلمون منك كل يوم تقدم لهم درس مجاني

لكن لقد اسمعت لو ناديت حيا ولكن لا حياة لمن تنادي

ابو فيصل طالبك وطالبك وطالبك تكفى يا ابو فيصل يانسل الاحرار طبقها

( آن لأبي فيصل ان يمد رجليه)

هذي مقوله نصها

آن لأبي حنيفه ان يمد رجليه

وقصتها الآتي

روي عن ابي حنيفة أنه كان جالسا في حلقته العلمية يتباحث مع طلابه ويناقشهم في المسائل

العامة، و كان يشعر من طول الجلوس بألم في ركبته، لكنه لم يستطع ان يمد رجله لوجود رجل

عليه سمات الوقار جالسا امامه، فبقي أبو حنيفه حانيا رجله هيبة للرجل الجالس امامه في

الحلقة. وبعد ان خيم الصمت على الجميع انبرى الرجل لتوجيه سؤال للامام، وهنا استجمع الامام

قوته متوقعا سؤالا قويا من الرجل الذي بادر بالسؤال قائلا: متى يمسك الصائم عن الطعام؟ فرد

الامام: اذا طلع الفجر، وهنا اراد الرجل - حسب فهمه - ان يحرج ابا حنيفه فسأله: أرأيت ان طلع

الفجر منتصف الليل فما يصنع الصائم؟ وعندما رأى ابو حنيفة (سخافة هذا الرجل) اجابه قائلا: آن

لابي حنيفة ان يمد رجليه

اختلفت الروايات ولكن المعنى واحد

ونحن كجمهور للهلال ومحبين لك

نعيدها اكثر من مره

آن لابي فيصل ان يمد رجليه :alzaeem:

ونسأل الله العلي القدير انه يحفظك ويستر عليك من كل من فيه شر

ودمتم بخير يازعماء

ادري طولت عليكم لكن تحملوا :bx:

ودعواتكم ان مايجي بكره فيني قرار مغلف بالوطنيه :ap:

ردودكم تعطر المتصفح فلا تبخلوا بها علي