03/03/2009, 09:46 PM
|
 | شاعرة الهلال | | تاريخ التسجيل: 29/12/2001 المكان: الرياض
مشاركات: 7,890
| |
| يستاهل ابو سلطان ما كتبناه فيه ! وكل يوم يثبت أن الزعامة هلال وهلاليون !
ياللي تحبون ابو سلطان ==ودوا له القاف مكتوبي
والظرف له سيّد الالوان == الازرق اليوم مندوبي
مسّيك بالخير ياكحيلان == يامن له الطيب منسوبي
قبلك ..تغنيت بالقيفان == يشوقني .. كل محبوبي
أذْهَلْت من يعرف الميزان ==ويميّز ..لكل مشروبي
شباب وبك شايبٍ سَكّان==بين الحكيمين.. محسوبي
لامن تكلَّمْتْ بالمـيدان ==يلقى بك العقل مطلوبي
وصمتك عن اللغو لك عنوان== لو ماتكلمت مهيوبي !
وقلبك عشق سيّد الاوطان == يهزّك الشوق مطروبي
لامن دعا قلت له ولهان ==أبشر.. وتامر على ثوبي !!
لايشغلك ..راعي الاعلان == لاهل الشعارات منسوبي !!
ترى الزعامة لها نيشان == عن غير " آلِهْلال" محجوبي
يا علّ من ربّتكْ تحنان ==تفرح بك بقادم دروبي !
و تسعد بشوفة سمي سلطان == وتلقى بك البر مكسوبي
|
،
الوضع المتطور
