أبراء للذمه..ضاع مني مبلغ من المال - نادي الهلال السعودي - شبكة الزعيم

الزعيم( سعد ) · #1 01/03/2009, 07:29 PM

بسم الله الرحمن الرحيم

أتصل بي اليوم ولدي من المدرسه(صف ثالث ابتدائي)..المهم..كلمني وهو يبكي ومو قادر افهم ولا كلمه واليكم تفاصيل المكالمه:

رن الجوال وانا منهمك في عملي

ولدي: بـا..بـا..ابـو..ي( بصوت متقطع وهو يبكي)

أنا: خير مين أنت !

ولدي:أنـ..ا..و لـ د ك..أكلمـ ك مـ ن المـ درسـه
أنا: أشفيك ..ليش تبكي ..ومن جواله هذا

ولدي:أنـ..ا في حـ..صة الريـ..اضه وهـ..ذا جـ..وال استاذ البـ..دنيه
أنا: عطني مدرسه البدنيه

مدرس البدنيه:السلام عليكم يأبو فلان
أنا: بلا سلام بلا هم وش سويتم للولد وشفيه يبكي أنت ماتفهم..أنت ماتعرف شي..أنا بحوسك..أنا بـسوي..

قاطعني استاذ البدنيه: يابو اسمعني ترى..

أنا: مااعطيته فرصه..أنت ماتفهم عطني الوكيل

الوكيل: هلا وغلا يابو فلان
أنا:لايكثر بس وشفي الولد يبكي..مدرسه ومدرسين ووكيل مايفهمون دورهم عطني المدير

المدير: يبلع ريقه يأبو خلني أفهمك
أنا: وش تفهمني الولد يبكي من ساعه

المدير: وحنا مثلك مو عارفين السبب
أنا: الشرهه على اللي عطاكم فرصه تتكلمون بما لاتفقهون.. عطني الولد

ولدي: بابا..انا في مصيبه..الحقني
أنا: ولا يهمك بس وش المشكله ترى عروقي طلعت والاعصاب تناقز

الولد:لا لو قلت بنفضح تعال خذني من المدرسه ولا بيودوني للشرطه
أنا: طيب 10 دقايق وأنا عندك

في السياره:

أنا: خير وشفيك وش سويت من مصيبه
الولد: ضيعت مصروفي وانا ابدل ملابسي في حصة الرياضه

أنا: ( بغيت اعطيه كف)..وانت الحين ساحبني على وجهي وسويت كل هذا الفلم عشان 4 ريال مصروفك

الولد: يا بابا..أنا ماهمني الاربعه ريال..
أنا: اجل ايش انت ووجهك

الولد: فيهم صورة الملك ..ورمز وطني واسم وزير الماليه
أنا: أنت وشتقول

الولد: يابابا شفت اللي سووه في كوزمين مدرب الهلال..
أنا : ايه وش دخل هذا بهذا

الولد : يابابا..لاتنسى اننا كنا بحصه الرياضه واخاف تكون الفلوس طاحت في ملعب المدرسه والعيال مايشوفونها ويتهموني بعدم الولاء
أنا: ( أعجبتني نباهه الولد)..بارك الله فيك.. ولاتعلم أحد ..وقمت انصحه بعدم حمل الفلوس والاكتفاء بالفيزا والماستر كارد
..
وأأأأأأأأأأأأأأه ياووووطــــــــن

azizf111 · #2 02/03/2009, 05:34 AM

هههههههههههههههههههه الله يرجك

بن مهدي · #3 02/03/2009, 05:38 AM

إقتباس

الرسالة الأصلية كتبت بواسطة الزعيم( سعد )


	..وقمت انصحه بعدم حمل الفلوس والاكتفاء بالفيزا والماستر كارد

الله يقطع ابليسك

ضحكتني

من جد سرنا مانفصخ نتروش بملابسنا نخاف يشوفونا

هوساوي الايطالي · #4 02/03/2009, 05:44 AM

هههههههههههههههههههههههه والله انك منسم

lلغشيان · #5 02/03/2009, 05:45 AM

هههههههههههههههههههههههههههههههههههههههههههههههههههههههههههههههه

انا اشهد انك ضرغام

قول لولدك انه له مستقبل

قلم الهلال النابض · #6 02/03/2009, 05:47 AM

ههههههههههههههههههههههههههههههههه

خطط مهروسه

مجنون انت جبتها على الجرح

ولد الدوادمي · #7 02/03/2009, 05:51 AM

يوه الخدامه رمت الجريده في الزباله وفيها صوره الملك
ههههههههههههههههههههههههههههههههههههههه

حسبي الله ونعم الوكيل
ستبقا رمزنا للهلال
يا كوزمن

مصيول666 · #8 02/03/2009, 05:53 AM

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههه
الله يقطع ابليسك
اجمل فيزا وماستر كاردد
هههههههههههههههههههههههههههههههههههههههههههههههههههههههههههه
حلووه السنياريو يابطل