بسم الله الرحمن الرحيم

السلام عليكم ورحمه الله و بركاته



كلنا منقهرين و محترين و مرتفع ظغطنا لكن
الملز هو اللي بيريحنا هو اللي بيبرد قلوبنا
يا ليتها باستاد الملك فهد >>> و الله لا تستبعدون يمكن الاتحاد السعودي حط المباراة الملز عشان جمهور الهلال ما يكفيه و لا يقدرون يشجعون بقوة عادي لا تستغربون يسوونها ترى

تكفون هزوا الملعب هز الرياض كلها نبيها تهتز اثبتوا للكل ان حنا رجالها و حنا لها تكفون وحش الهلال بندر بن محمد طلبنا لا تردونه و بعدين اصلا اذا حنا الجمهور و منقهرين كذا وشلون اللاعبين اكيد نفسياتهم تعبانه وش تتوقعون شعورهم اذا شافوا الملعب مليان رادوي وش شعوره يعد ما فقد اللي جابه و ابرزه عندنا ويلي وش بيسوي ياسر و طارق و باقي الفريق تكفون سووها خلونا كلنا نتوحد كلنا مع الزعيم اهتفوا باسم كوزمين جيبوا اعلام رومانيا و شالاتها تكفون و عندي حركة حلوة انتم عارفين ان من الممكن يمنعون اي شيء فيه رومانيا و كوزمين اكتبوا ايم كوزمين على صدوركم و البسوا التيشيرت طبعا مع بنطلون يعني انت و اخوياك كل واحد يكتب على صدره حرف و اذا دخلتوا الملعب افصخوا الفنايل و الله هالحركة رهيبه دايما يسوونها بالدوري الايطالي >> احلف

تكفون ولعوها شعللوها خلونا نتحد يد وحدة مع الزعيم خلوا سليطين و نائبه و فصولي يولعون من القهر لا شافوا الجمهور تكفون ننسى اللي فات صحيح صعب لكن وش نستفيد اذا سوينا كذا كوزمين خلاص ما راح يرجع مافيه امل

تذكرون صورة حبيبنا شبيه الريح بعد القرار شلون نبيها تتغير 180 درجة بعد المباراة
ترى الادارة تشتغل ليل تهار عشان تسعدنا و اللي صار ما كان متوقع الحين جا وقتنا نرد الجميل للادارة

اسيا ما بقى عليها الا اسبوعين او اقل ما فيه وقت و اللاعبين نفسياتهم تعبانه محتاجينا بهذا الوقت اكثر من اول حسوا انهم افقدوا اللي يدلهم و يعلمهم خلونا نوصلهم ان حنا معاهم باي وقت


تكفون سووها بيشهد لكم التاريخ اذا صارت عبوا المدرجات تعبيه كل ما تعبت من التشجيع بالملعب تذكر القهر اللي بقلبك تذكر اسيا لو ما شجعت يمكن ما تجي

ـــــــــــــــــــــــــــــــــــــــــــــــــــــ

اما الخبر اللي عن ياسر

ياسر طلع على العربيه و نفى انه مو مصاب ببرنامج في المرمى
و اللي مو مصدق يقرا الخبر بشريط العربيه
الحمد الله



تكفون عاد اذا حضرتوا الا تقصرون بالفديو للجمهور و انشروه بالبلوتوث و النت بكل المنتديات عشان يعرون من الرقم الصعب >>> فاضين لك ينشرون انت وين و العالم وين


تحياتي
د.مهستر