يقال في قديم الزمان ان هناك قرية خضراء سكانها يحملون اللون الاسو (عبيد ) واسيادها هم من القراطبة ينتمون لجدهم الاول قرطب بن قريطبة

المهم.....الاسياد هذولي استولوا على كل شيء في القرية حتى ان القرية لها خيرات كثار فاستولوا عليها دونن عن اهل القرية كان اهل القرية طيبين جدا حد السذاجة...الا انهم تركوا الجمل بما حمل للقراطبة....وليش سووا هالشيء..لانهم قالوا بما انهم سيديرون دفة الامر في القرية فهم يستحقون ذلك جراء مايعملون...ويكفينا اننا سنحضى برغد العيش دون عناء القيادة والحكم ومايترتب عليه من تعب ومسئوليات جسام


المهم في الامر ان هؤلاء القراطبة قاموا مشكورين بتطوير القرية وتوسيعها والاهتمام بالبنية التحتية لها حتى اصبحت مملكة لا قرية
ورغم ذلك اا انهم ظلوا كما هم يديرونها بالغباء في بعض منشأتهم التي قاموا بعملها من باب تطور القرية المهم من ضمن هالمنشأت منشأة تهتم بصغار القرية وعيالها( وترعاهم) وتنمي مواهبهموكان يدير هالمنشأة واحد قرطبي دلوبج مايدري وين الله حاطه فيه بس يدربي رويسه الله يصلحه وكان تحته مساعد له وهو ابن القرطبي السابق اللي كان ماسكن ادارة المنشأة قبل يجي هالبزر

وش بعد:

ايه فيقولك الاخ اللي ماسكن امور هالادارة اللي تهتم بعيال هالقرية من يوم جاء وهو بس ( يخطط) ( ويتعلم) (ويدرس)...علشان العمل يمشي بنظام ويكون له نتائج ايجابية ترفع رأس القرية قدام جاراتها من القرى الثانية


المهم ااننا وفي الاونة الاخيرة اصبح القرطبي صاحب الخطط المدروسة يرثع في خلق الله حتى اهل القرى المجاورة ماسلموا منه..حتى واحدن اجودي رجل (همام) ما سلم من أذاه..وفي يوم من الايام وبعدما فشل فريق القرية في احرازا احدى البطولات وكعادته من عقب هالدلوبج ماجاء المهم الفريق خسر البطولة وهي بطولة فضيحة ومشاركين فيها القرى اللي حول هالقرية لكن مستواهم كان اقل بكثير من مستوى القراطبة ومع ذلك ماقدروا يفوزون بالبطولة

قام عاد هالاخو القرطبي وحط حرته في الرجل (الهمام) وقام يطيح تهزيء في ابناء القرية الكرام اللي كانوا يقيمون عمل فرق القريةوكانوا يحللون خطط هالقرطبي ويثبتون فشلها فقام في احد الايام وهو متعبسا بالانطلاق عليهم وشتمهم واحدن واحد وكأنهم اصغر عياله


ومع الوقت كثرت سقطات هذا القرطبي والبزر اللي يساعده فقاموا يحوسون ويدوسون وفي يوم من الايام كان في القرية بطولة تحمل اسم القرطبي نائب الحاكم وفاز بها الفريق اللي ثلاتث ارباع اهل القرية يحبونه حتى الحاكم كان يحبه؟...الا هالبزر ماكان يحبه الا كان يكرهه


تدرون ليه لانه كان يشجع ويحب الفريق المجاور للفريق الازرق وهذاك الفريق من فئة المغضوب عليهم في القرية


المهم:

فقام مدرب هالفريق بعمل بسيط جدا ماهوب شيء جنب اللي يقومون به القراطبه في كل مكان وعاد البزر ماصدق على الله يلقى له شيء ضد هالفريق المحبوب وقام واصدر قرار بنفي هالمدرب من القرية الخضراء

واخونا الدلوبج جابوا له الخطاب وهو على فراشه وعيونوه فيها غمص وقام يوقع وهو ماقراءه ابد...وجت الفأس في الرأس



المهم هذي قصة بسيطة حلمت بها البارح وجيت اقولكم عليها يالشعب القرطبي




لكن الموضوع الاهم من هذا كله بحطه في نقاط:


1- الهلال والهلالين سيروا والقراطبة تنبح

2- ابو فيصل عبدالرحمن بن مساعد والله انه يحز في خاطري انهم مايقدرون الكفاءات لكن وش نسوي طال عمرك امن بلابها الشيطان


3- نواف بن سعد يكفينا ابتسامتك تخلينا نشوف البطوولات كلها زرقاء.

4- عبدالله بن مساعد يالبا كلش...ياخي يكفيني فخرا من تشجيعي للهلال انك زميل لي في تشجيع هذا الكيان

5-سامي الجابر....انت اسطورة الرياضة القرطبية وهذا انت تكمل انجازاتك اللي بديتها لاعب وتكملها وانت اداري ناجح

6- اولاري كوزميين يازينك وزين عيونك....تدري ليه البزر يطردك لانك تملك عيون احسن من عيونه كوزمين والله انك خسارة كبيرة للرياضة العربية والتي اتيت لها وابدعت فيها حتى انك وضعت خطط دفاعية اصبحت الفرق كلها تحتذي حذوك فيها لكن ياحظك ياكوزمين يوم انك ما انت بقرطبي وتعيش المآسي اللي حنا نعيشها مع هالكوارث


7- رادوي...ياويل قلبي ويلاه...ياناس هاللاعب خاقوقي من جد اتمنى لو ان الامر في يدي واعطيه الجنسية اطلق من حقون افريقيا اللي نكببر علابيهم من خيرنا وفالاخير يزمرون علينا من البطره

8- ويليهامسون...هالاعب يشبه للصوص(فرخ الديك) بس يناقز ..وانا اعتبره افضل لاعب بعد ريفالينو مر على الهلال..فعلا لاعب في الملعب عن عشرة لاعبين من فئة المبارك والغنام


9-التائب....اصير كورة في رجلك....احبه حبا جما بس طاح من عيني عقب تصريحاته الاخيرة..لاني مااحب الغرور واللي يشوف نفسه ماودك انه يقعد في الهلال ياطارق...لكن هالمرة بعديها لك لكن انتبه تعودها<< تكفى


10 -سوول الكوري..............لاتعليق يابو عيون وساع


11 - ياسر القحطاني....انت احسن لاعب اسيوي لكن تكفى يابو سعيد بطّل العريكة والرز على الريق وتشوف كيف يصير مستواك ورغم ذلك انت الاول في اسيا:9

12- الدعيع....عاد هنا وخروا كلبوكم...يالربع بسألكم بالله تخيلوا الهلال بدون الدعيع من قبل خمسطعشر سنة والى الان عبدالله ومحمد تخيلوا هل بيكون الهلال هو نفسه اللي نشوفه الحين...مااعتقد اللي بقوله ان الدعايعه<< عبدالله ومحمد هالاثنين اضافوا للهلال الشيء الكثير والكثير وياليت يجينا دعيع ثالث يكمل المشوار


واخيرا:


ياجمهور الهلال تعلمون جميعا ان ناديكم محارب من البزر وشلته فيصل عبدالهادي والزمرة اللي معه...الا ان فريقكم وراه رجالات يأبون ان يتعرض الازرق للاهانات من اي شخص كان لذلك هم يعملون جاهدين على تحقيق جميع البطولات وبقاء هذا الكيان شامخا كما كان ولايزال...المطلوب منكم ياجمهورنا العزيز الوقوف وبقوة مع ناديكم واول اختبار حقيقي لكم مباراة الشباب القادمة لابد من الحضور الجماعي
حتى يمتلئ الملعب عن بكرة ابيه

وثاني امتحان لكم مباراة الامارات واللي نتمنى منكم عدم حضورها ليس كرها في الوطن ولكن معارضتن لما يحدث من ادارات هذا المنتخب والتي اصبحت تتخبط في كل مكان وكل اتجاه.

ثالثا مطلوب من الجميع دعم جارنا وابن القرية المجاورة الرجل (الهمام) ليصبح رئيسا للاتحادين الاسيوي والعربي..وان حصل يحطونه رئيس للاتحاد السعودي بعد ماهيب شينة والله

رابعا ماتدرون لو ان رحيل كوزمين خيرة للهلال والخيرة فيما اخحتاره الله...يمكن ابو فيصل يجيب لنا ريكارد عشان نقهر العذال من الفئة المغضوب عليهم

تصدقون الحين سمعت خبر مدري عن مدى صحتها بان كوزمين سيعود للهلال بعد اجازة اسبوعين



ليت من يأكد هالخبر