الرسالة الأصلية كتبت بواسطة بلوسكاي (مشاركة 11278206)

الوووووه

عطني كوزمين
ماتقول لي انت ووجهك وش ذا الخطط المدروسة حنا نتعب ونسهر الليالي ننظم بطولات ونخرب الجداول على الهلاليين ونختار حكام من ربعنا وانت تجي تخرب شغلنا كله تاخذ كل البطولات لحالك انت ووجهك، مافيه نصر مافيه اتحاد مافيه غيرهم من اندية الوطن. انانيتك هذي وحبك لنفسك وفريقك من وين جايبها اكيد مصدرها تربيتكم الرومانية العفنه ،،، لعن ابوك ماتشبع بطولات انت وكرشتك هاللي تقول شنطة تاون كار، النصر له 15 سنة ماذاق بطولة غير حقت اخوي فيصل السنة اللي فاتت تعبنا واحنا نرتبها لهم وما رضيت تسلمها الا بمنع لاعبين المنتخب عنك . انقلع لديرتك الله لايردك وخل تنفعك اخلاقك الرومانية.

عطني رادوي
انت ووجهك ذا المصوفر يقولون كابتن منتخب رومانيا. معقولة اخلاقك هذي اخلاق كبتن منتخب، تقول والعياذ بالله سيكيوريتي في مطار مغير قاعد في نصف الملعب تقطع كور انت واللي مايستحي على وجهه عزيز. اقطع كورة كورتين ماقلناش النظام يسمح عندنا بس كل الكور لا هذا تصرف مرفوض مرفوض مرفوض.

عطني ويلي
ويلي ولاك الشيطان انت ووجهك هاللي ماليه البرص، هذا اسلوبك في منتخب السويد ياللي ماتخجل على خشتك. هلحين رجالنا يتعبون يرتبون الزرع ويسقونه وانت تجي تحرث الملعب تخربه علينا. هذا اللي علموكم في السويد الناس تتعب وانتم تخربون، بعدين ماتقولي وش هالعجلة عندك ارفق ترى الدنيا ملحوقه وترى الذهب مهوب قاضي اللي ما تاخذه هالسنه تاخذه السنة الجاية. الاهم من هذا كله ماتقول لي يومك تشقق شبكة اخوانا في النصر وتزعل عيالنا الوليد وكحيلان ماتحترم البلد اللي استضافتك ماتدري ان النصر غالي علي وعلى نواف.

عطني التايب
هلحين ماتقول لي يا هالليبي اللي وجهك تقول وجه كوري شمالي يومك تناظر يمين وتشوت شمال من وين جبت هالاخلاق، فيه مسلم يغش الناس بهالطريقة ياللي ماتستحي على وجهك، وبعدين يومك تفرفر تقول مروحة قعادية هل هذي هي مراجلكم يا اهل ليبيا. شف ياطارق كان القذافي مارباك على الاخلاق العربية والاسلامية ترى حنا نربيك وترى بالخصوص باص العيون عندنا سلوك مرفوض ثم مرفوض ثم مرفوض.

عطني المفرج
هلحين على هالطول واللحية اللي منيب قايل تقوم تناقز بالملعب تقل مهبول تشقق شباك المسلمين، غاب المرشدي وفرحنا قلنا هالمطوع بيجي وهو عاقلهم ولا جاينا منه شر واخرتها تروح تقلد هالسويدي ويلي ولاه الشيطان تسوي في الشباب اللي سواه في النصر، هذي عمايل يعملها سعودي مسلم في فريق من فرق الوطن، ماتخجل على دمك، لازم تراجع نفسك يافهد وعملك هذا ترانا منه براء الى يوم الدين.

عطني الدعيع
محمد، هلحين هذا اللي نفتخر فيه ونقول عنه عميد لعيبة العالم يسوي كذا في ربعه. ياللي ماتستحي على وجهك تصك بابك بهالطريقة ولا هدف طول البطولة. يعني اخوانك في النصر مالهم حق عليك،، هلحين عيالنا الوليد وكحيلان هم اللي تضيق صدورهم وانت وربعك يالدعيع اللي لكم الوناسة. ماصدقنا على الله يفوزون على الاتحاد وتنفك عقدتهم تجي انت وخشتك ماتبي يجي عليك ولا هدف. ترضى على عيالنا الامراض النفسية اللي جتهم منك انت وربعك،، يا خوي صك بابك ما عيينا عليك لكن وش بيضرك لو جاء هدف والا هدفين تونسهم وتوسع صدورهم وين كرم اهل حايل يامحمد. غير من اسلوبك والا ترى غيرناه، نفسيات عيالنا مهيب لعبة في ايدينكم انت والقحطاني وويلي.