الحقيقة استغربت الهجوم على توتي ووصفه بالدلوعه

وكأنه من اخرج ايطاليا
توتي هو نجم ايطاليا الوحيد الذي يلعب من اخلاص
بل ان اهداف فيري كانت بسببه
واه لو كان معه مونتيلا لرايتم العجب
في الامس الحكم ظلم توتي بالكرتين ومن ثم الطرد
في المرة الاول اسقط الكوري نفسه امام الحكم المهتز الغبي فانذر توتي

في المرة الثانية اعاقة صريحة لتوتي يطرد توتي
وكأن الحكم يتربص به لانه الوحيد الذي يلعب في المنتخب

المنتخب الازوي مااضاعه بالامس الا دفاعه ومدربه الغبي
وفيري الاناني الذي اضاع اهدافا بالجملة وبالانانية الغريبة
وين مونتيلا

توتي نجم سوبر وصانع ألعاب نادر وفنان فعلاً ..

لكن أعتقد بالنسبة للكرت الثاني مستحق .. ما ادري عن الكرت الأول ..

وإن كان أمر محزن لكل عشاق المتعة طرد لاعب من طراز توتي .. وإن كان خروج منتخب مثل إيطاليا من البطولة كمل الناقص وشوه جمال دور الثمانية كثيراً ..
لكن للحق الحكم في المباراة كان متميز جداً ومن الظلم وصفه بالمهتز ( هذا حسب رأيي ) ولا أستبعد ان تسند له قيادة مباراة مهمة في المراحل القادمة ..

بالنسبة لفييري .. أوافقك على وصفه باللاعب الأناني .. أوافقك جداً .. في الدقيقة ثلاث وسبعين من المباراة كان منطلق بكورة نحو المرمى الكوري وكان بإمكانه انه يمرر الكورة لتوتي ( لو مررها هدف ما فيه كلام ) لكنه فضل محاولة التسجيل بنفسه وطيرها برا الملعب .. علما بأن النتيجة وقتها كان تقدم ايطاليا بهدف .. يعني لو تسجل ثاني في هالتوقيت كان حسمت المباراة لإيطاليا .. يعني فييري برأيي أحد المسئولين الأساسيين عن خروج إيطاليا من كأس العالم أكثر من توتي بمراحل .. رغم الهدف الجميل اللي سجله .. بينما توتي أبدع كثيرا كثيرا في المباراة كما هي عادته ..

توتي نجم كبير بس ماكان بالمستوى في المباراة ومثل على الحكم ...نعم مثل عليه مع اني اعشق ايطاليا لكن هذي هي الحقيقيه....

بالنسبه لفييري اللحين تحاسبونه على فرص ضيعها....

فيري اللي جالس وحيد في المقدمه اربعه اشواط لوحده وارهقه المدرب

فيري اللي سجل اربعه اهدلف لايطاليا والغى الحكام هدف له وكان مصدر الخطوره الهجومي الوحيد... لا ادري ايطاليا بدون فيري من كيف سيكون حالها ... بعدين ما ادري كيف تقارنون فيري في مونتيلا

والله مافيه اي مقارنه فيري الافضل وبمراحل من ناحيه التهديف وتضييع الفرص شي طبيعي .....

عموما نجوم الازرق ماكانو بمستواهم واتفق معك ان الدفاع كان سبب الهزيمه ومخخطات تراب الدفاعيه زادت الطين بله .. تقبلو تحياتي

الى كل من يهاجم اللاعب الكبير توتي

لا اقول له سوي ( صوره فييري توضح كل شئ )

خرج توتي .. فخرجت ايطاليا !ّ

مشكورين على الكتابات الجميله....

خرج توتي خرجت ايطاليا قد يكون اقرب جمله للمباراه..

أخوي الغالي أوافقك الرأي بأن توتي نجم ولاعب كبير ومن الطراز النادر

بس بصراحة يستاهل الكرتين ويستاهل الطرد وتمثيله واضح للجميع ومافي بلنتي ولاهم يحزنون

وفييري كان ممكن يحسمها من بدري مرتين انفرد بالمرمى وضيعها واللي يشوفها يقول أول مرة يشوت كور ة

توتي ما استحق الطرد ابدا .. ولو كان ترك ابن الكلب المدرب ديل بييرو يلعب لنهاية المباراة بجانب توتي كان ... والا ماعاد ينفع الحكي .. خلاص طلع الآزوري..

هلا شباب


توتي ابدا ما استحق الطرد


الحكم تشدد جدا مع الازوري وبالمقابل تساهل وتغافل تماماً عن خشونه الكوريين


لكن ما ينفع الكلام هالحين

هم ارادوا ان كوريا هي اللي تفوز ونجحوا في ذلك

اقوووووووووووول توتي سيظل لاعب كبير و نجم رااااااااائع و شفنا انه نجم ايطاليا الوحيد في المونديال بالاضافة الى نيستا وخل اللي يبي يتكلم يتكلم على كيفه انشالله توتي سيرد السنة الجاية في الدوري

اما بالنسبة للطرد فهو غير مستحق و توتي لم يمثل بل فقد توازنه و قد قالها الخبير ناجي الجويني بانه لا يستحق الطرد واللقطة ما فيها بلنتي بس اسضا ما فيها طرد يعني لازم يكمل اللعب و ايضا هدف توماسي الملغي بحجة التسلل

ولكن صحيح الحكم اخطأ ولكن لا ننسى ان السبب الاول و الاخير هو تراباتوني

في النهاية صدق من قال خرج توتي فخرجت ايطاليا

لا امبلا استحق الطرد ...

شوفوا كيف دخل على اللاعب الكوري ,,

لا تخلوا مشاعركم تغلبكم ,, خليكم محايدين

يستحق الطرد وليس هو سبب خروج ايطاليا
وهو لاعب فنان

Beckham 4 ever .. ;)

ابي اوضح بعض النقاط لو سمحتو لي :
1- توتي لاعب فنان وبالنسبة للطرد فهو مضلوم ( لا يوجد بلنتي ولكن ما يستحق الكرت الاصفر الثاني لان فيه احتكاك مع المدافع الكوري ) هذا رايي والشتالي مثلي بعد شوفوا تحليله على اوربت كل يوم الساعة 9:00 مساءً .
2- ذكر الشتالي في تحليله وبحكم موقع أوربت في إيطاليا أن الشعب الايطالي وتلفزيوناتهم كانوا واثقين مكن الفوز على كوريا ووصل بهم الأمر إلى التهكم والسخرية ( لا وجايبين مغنية أوبرا تغنيلهم السلام الوطني ......واثقين ) ولا استفادوا من فرنسا والارجنتين والبرتغال .

وتقبلوا تحياتي

السلام عليكم ورحمه الله وبركاته

يا اخوان وش هذا الكلام من انتم عشان تقيمون ترباتوني وش عندكم من خبره عشان تتكلمون على مدرب كبير مثل هذاصاحب انجازات وبطولات يوم كنتو في بطون امهاتكم . انا معاكم انه فيه اخطاء لكن انكم تصفونه بالصفات الي قلتوها هذا شي سخيف غير مقبول .

واذا كان تقصدون التغييرات فايطاليا من يوم ما عرفناها وهي ما تعرف الا تدافع حتى الاعبين اسلوبهم يعتمد على الدفاع والاعتماد على الهجمه المرتده وهم احسن من يطبقها وهذا ليس في المنتخب فقط كل الدوري الايطالي يعتمد على الدفاع وتبون المدرب يغير كل هذا في وقت قصير هذا شي مستحيل .

الشي الوحيد الي يحسب على ترباتوني انك تحس انه شخصيته مهيب قويه على اللاعبين وخل كل من هب ودب يصرح ويتفلسف في التشكيله حتى اللاعبين بدا كل واحد يصرح ويقول انا احق اني العب اساسي . وانغرو بأنفسهم بشكل كبير .

اما بالنسبه لتوتي هو لاعب كبير هذي ما نختلف عليها لكن صغير في السن و يحتاج لطريقه معينه في التعامل عشان تخليه يعطيك كل ما عنده يعني زي ما يعامله كبيلو في روما مخليه نجم وقائد للفريق لكن ابن امه ينفس او يتكلم في التشكيله او امور التدريب او شي ماله دخل فيه .

اسف على الاطاله