,,..السلام عليكم ورحمة الله وبركاته..,,
مساكم / صبحكم , الله بالخير
أولاً ( ألف مبروك لكل هلالي كأس ولي العهد والبطولة العربية)
كنت أتمنى أن اكتب موضوع فرحاً ببطولات الزعيم
ولكن هناك من يبحث عن تعكير هذه الفرحه
..,, الوطنيه ما تظهر إلا في أمور الهـلال
ما شاء الله حبهم للوطن ما يجي إلا إذا كان فيه تخريب على الهلال
علماً بأن الهلال نادي سعودي ..!
في بداية الأمر حملة تولي كوزمين لقيادة المنتخب الوطني
ماهو حب في المنتخب لكن حقد على الزعيم..!
ياناس فيه أربعه مدربين لا لا كوزمين بجيب لنا كأس العالم....!!
أبدى صاحب السمو الملكي الأمير عبدالله بن مساعد
وجهة نظره وصلت للعقلاء , لكن الحاقدين ما عندهم استيعاب
شككوا في وطنية ابن مساعد ... ( عقليات مريضه )
ثم جاءت الطامة الكبرى بقرار أبعاد كوزمين عن البلد نهائياً ..!
(عشانه فسخ فنيلته). ووضعها على المنصه وفيها صورة الغالي
صاحب السمو الملكي ولي العهد حفظه الله ورعاة وأعادة إلى الديار
سالماً معافى ..,
كالعادة الكذب بحرفنه وإبداع ( والله إنا نشوف مثلكم ..! )
اللي يقول رماها ومسح العرق وتفل وما طلع يسلم على راعي الحفل
وينهم عن لعيبه الشباب اللي ما طلعوا المنصه...!!!
هذا كله لإسقاط الهلال ,
ولو درسوا القرار بجوانب كثيرة ونظرة أكبر
ماشفنا الإسائه لهذا البلد وشعبه بقرار متسرع وغير عقلاني
يكفي إن الملك الله يحفظه رفضه
والشعب الهلالي وإدارة الهلال ولاعبين الهلال سعوديين
وعندهم غيره على الوطن وولاة الأمر ...,,
ووقفنا ضد هذا القرار لأننا نفكر ونعلم بأنه قرار حاقد
وليس له دخل بالوطنية , فكل عاقل يرى الفيديو يضحك على هذا القرار
..,, ولد عمي إتحادي ولكن عاقل
قال شافوا الهلال مبدع قالوا لا ليــه ..
والمدرب كوزمين جاب فضايحهم في أمور الدوري وماسكت قالوا
لازم نمسك أي شي ونطردهـ ..!
هنا أضع بعض الأبيات ( والزعيم سيبقى زعيم )
من قبل مبقى (هلالي) أنا شخصاً (سعودي)
....... بقلبي الموطـن , ونبضي يغــني له شعــوره
(للولاه) يبان حبي وعشقي فوق ودّي
....... في خفوقي قبل لطبع على صـــدري بصوره
من يحاول ( بالإهانه ) أنا له بالتصدّي
....... غــيرتي بركــــان ناراً يــزيد النـــــار ثــوره
لكن إني قبل أحكم على العالم (أهــدّي )
....... ماعرف الحقد المبطن وما أعرف وش اموره
ما اْنظر بنظره قصيره .. ولارمشي تعدّي
....... مثل من يقحـم بوطنيته فـــي حـــقـــد كـــوره
قبل افكر مثل فكره .. أنا بقولي : (حدّي.!)
....... ابعدي يا نفـــس عن هالكُـره أنتــي امعــذوره
واتخذ من حملة الشارع بـ (خلوها تصدّي)
....... حملة ً كُـــبرى بـ ( خلوها تنسم ) كـــل دوره
الله لا يجعل مثل هالفكرِ مقدوري وحــدّي
....... والله يبعدنا عـــن الحقــد ويكفيــنا شـــــروره
حامداً ربي (هلالي) ولي جزري ومــدّي
....... ومن يعــاند مجد ..أكيـد يغـــرق في بحــوره
الكؤوس إن جــيت دايـــم بتلقـاها بيــدّي
....... بالذهب مجدي كتب تاريخه الزاهي سطــوره
والزعيم ..أكــيد دايــــم بيعـلنها تحــدّي
....... كل عقبه تنرسم له ,,, تميــز فـي عـــبــــوره
من قبل مبقى (هلالي) أنا شخصاً (سعودي)
....... بقلبي الموطن , ونبضي يغني له شعــــــوره
وفــي الختـــام .. الهــلال مـــن قبــل كوزميــن بطــل وحارق دمكم
يعــنــي الزعيــــم بيبقـــى زعيــــم بإذن الله ..,,
وردة فعلنا على القرار وطنيه ميه في الميه, القرار خاطئ وله جوانب كثيرة, ووشفنا ردة فعــل الشعب الروماني والصحافه الإطاليه والسويديه
على هذآ القرار المتسرع ...!!
ترى عشق الزعامه دوم همي
وعنوان الحقـــد ماصار يمــي
سعودي والوطن يامر ويبشـــر
ولك ياموطني لحـــمي ودمـــي
يغمرني التفاؤل دائماً .. بعد قرار إبعاد كوزمين
ظفرنا بالبطولة العربيه .. وبخدمات اللاعب عيسى المحياني
وإن شاء الله نبارك لبعض بالدوري وآسيا..,,
ودمتـــم سالميــــن
الوضع العادي
