:: اســأل والمجلس يجيــب :: - صفحة رقم 51 - نادي الهلال السعودي - شبكة الزعيم

حتى ظلالي هلالي · #751 20/04/2009, 04:09 AM

والي اكل تبن وجهازه خرف!!

كذا فجأه بدا يقول لي التصفح تعذر
والمسن استكشاف الاخطاء

والاتصال تمام مافيه اي شي
جربت من جهاز ثاني ..
وحتى من الجوال يعني كل شي تمام

بس وش الي جاه مدري ص1

سويت اعاده تشغيل للجهاز
وسكرته وفتحته
بس مافيه فايده ص1

ريكيلمي · #752 20/04/2009, 04:21 AM

عادي فرمتي الجهاز من جديد وش المشكلة

حتى ظلالي هلالي · #753 20/04/2009, 04:28 AM

عادي افرمته بكرى ض1

بس ابي الحين

امشي حالي بشي
:‏(‏
ا

Blue Sun · #754 20/04/2009, 09:13 AM

^
^
ما اتوقع يحتاج فرمته ..
سوي استعادة للنظام واختاري الفترة قبل ما تصير معك المشكلة ..

عاشق المستحيل · #755 20/04/2009, 11:49 AM

السلام عليكم ورحمة الله

هلا بالجميع

انا ساكن بالرياض مايقارب سنه
سؤالي/ هل يوجد بالرياض فقط الاسواق والاسواق والاسواق والثمامه؟!

نفسي امشي العيال احتار وين اروح الدعوه كلها مجمعات واسواق وغير الزحمه مستعد اتحملها بس اروح مكان اوسع صدري فيه غير هالاماكن الي الواحد يمل من التكرار في زيارتها...

لاحد يقول لي متنزهات الي مافيه الا منتزه السلام والبقيه قول عليها السلام
سؤالي الاخر / بين فتره وفتره تكون هناك مخيمات بشكل سوق <<الدعوه ادفع بالرياض وخلك كاش

كيف اعرفها عنها واين تقام اماكنها ؟!!

سؤال اخير

الي عنده شقه عوايل اجار او احد معارفه وسعر مناسب يخبرنا<<وش تحس به

لاني لازلت اعاني بالرياض لكن اقول الحمدالله على كل حال والشكوى لله وحده

سلام

ريكيلمي · #756 20/04/2009, 06:06 PM

مشكلة الرياض ان الشي الزين للحريم بس

يعني فيه ملاهي الخيمة , تولان , الباراجون <---<< و لا توطوط فيهن بس العيال و أمهم

اذا تحب التطعيس لا تروح الثمامة ياخي رح نساح بعد ما تنزل من القدية يجيك مفرقها عاليمين

فيه الشاليهات اللي بالثمامة فانتزي لاند أفضلهم للعوائل

اذا بتلعب الصغار فيه ساحات البلدية منتشرة في الأحياء

بس اذا انت عزابي دور لك استراحة أو شقة مع الشباب تسدح فيها

و ان كانك راعي دوران التحلية و التخصصي بس الله يعينك على الزحمة

ليش طيب ما تروح لمركز الملك عبدالعزيز في المربع بس كلها أشوام و الا حلوة

إلخ إلخ إلخ ...

دمت بود

متآبعه بصمت · #757 20/04/2009, 09:47 PM

إقتباس

الرسالة الأصلية كتبت بواسطة حتى ظلالي هلالي


	والي اكل تبن وجهازه خرف!! كذا فجأه بدا يقول لي التصفح تعذر والمسن استكشاف الاخطاء والاتصال تمام مافيه اي شي جربت من جهاز ثاني .. وحتى من الجوال يعني كل شي تمام بس وش الي جاه مدري ص1 سويت اعاده تشغيل للجهاز وسكرته وفتحته بس مافيه فايده ص1

يا قلبي مرحبا

شوفي مدري عن نوع جهازك بالضبط
بس بتلقين جنب الكيبورد زر عليه علامة دائره كأنه مركبة فضاء

< يمديك على الوصف

هذا يتحكم بإتصالك بالنت , إضغطي عليه وبتشوفينه يرسل إشارات وبكذا يكون الإتصال ضابط معك

ويمكن إتصالك محلي بس؟
ضبطيه خليه محلي وإنترنت من مركز الشبكة

وبالتوفيق قلبوو

لو أنا عندك كان قدرت أساعدك

بس ما باليد حيله

علمينا وش صار معك

مجنون رقم (10) · #758 20/04/2009, 09:49 PM

شباااااب انا اليوم اختبرت اول اختبااار لي في الجامعه

انا داخل كلية الاعلام واختبرت في مادة مدخل الاتصال

وأحس اني جبت العيد يعني يمكن اجيب 10 من 30

المهم انااا خااايف معدلي يطيح مرره مع العلم ان هذا اول

اختبااار لي .... ابي اسمع نصااايحكم وتجاربكم في الي جابو الفصل الاول

معدل طااايح وبعدين رفعوووه

الله يعطيكم العافيه

ريكيلمي · #759 20/04/2009, 09:54 PM

أخوي بالنسبة للمعدل ما تأثر فيه العشرين و الخمسين و المية

يمكن تأثر في المعدل الفصلي شوي

لكن التراكمي بعد كم فصل حتى حمل مادة لا يؤثر فيه تأثير كبير

بس شد حيلك

دمت بود

الأخت متابعة بـ بربرة

غيري توقيعك و الا شوتوه المشرفين

مجنون رقم (10) · #760 20/04/2009, 09:59 PM

مشكووووور ريكيملي واتمنى التفاااعل من البقيه

عتيبية هلالية · #761 21/04/2009, 02:40 AM

هلا ..}

امم ابغى اضيف موضوع هنآ وفيه صور لكن كل مرة احاول رفع الصورة يقول لي فشلت

وحاولت بكذا رابط وحاولت من الجهاز نفسة لكن دون جدوى

اللي بيفيدني

دمـوع · #762 21/04/2009, 03:18 AM

^^

اهلا عتيبة هلالية

افتحي اي موقع من مواقع مراكز تحميل الصور ( و إن كان ما عندك اكتبي عند السيد جوجل و هو ما يقصر بالخدمة

) .. وبعدها اختاري الصور ومن جهازك و رفعيهم ع النت
كان ودي احط لك روابط مواقع رفع صور بس اخاف يتهموني بعمل إعلانات لمواقع

موفقة .. متشوق للإطلاع على موضوعك

عتيبية هلالية · #763 21/04/2009, 03:23 AM

إقتباس

الرسالة الأصلية كتبت بواسطة دمـوع


	^^ اهلا عتيبة هلالية افتحي اي موقع من مواقع مراكز تحميل الصور ( و إن كان ما عندك اكتبي عند السيد جوجل و هو ما يقصر بالخدمة ) .. وبعدها اختاري الصور ومن جهازك و رفعيهم ع النت كان ودي احط لك روابط مواقع رفع صور بس اخاف يتهموني بعمل إعلانات لمواقع موفقة .. متشوق للإطلاع على موضوعك

هلا ..}

شكراً دموع

سويت نفس الحركة بس ماضبط معي

ورفعتها على النت ونسخة الرابط بعدها رفض

اشكرك

واسفة تعبتك

دمـوع · #764 21/04/2009, 03:32 AM

^^

بالعكس ما فيه تعب و لا كلافة .. انا ما رديت الا لأني متحمس للموضوع بالدرجة الأولى

ليقيني بقدرات صاحبته

جربي اكثر من مركز تحميل لأن يمكن الخلل من الموقع نفسه
او ان المشكلة بإمتداد الصور .. بعض المواقع ما تقبل امتداد صورة كــ BMP مثلاً
فإن كانوا كذلك و لتغيير امتداد الصورة افتحيها بالرسام و بعدها من القائمة ملف ثم حفظ باسم و غيري الإمتداد إلى JPG قبل الضغط على زر الحفظ

و اي خدمة احنا حاضرين بالخدمة

أبــ سامي ــو · #765 21/04/2009, 11:58 AM

السلام عليكم ورحمة الله وبركاته

ياشباب ويافتيات

هذي اخر سنة لي بالثانوي وناوي على جامعة الامام او الملك سعود في كلية القانون او الاقتصاد وما اعرف عنها معلومات مثل
النسب المطلوبة
الاختبار التحصيلي مطلوب او غير مطلوب
المواد التي تدرس فيهما
مجالات العمل في كل واحدة منهما
الافضل منهما

واذا عند اي واحد منكم اي معلومة الله يهينه يسدحها لي هنا والله يجزاه كل خير

واللي عنده قسم افضل وينصح به يسدحه هنا

والله لايخليني منكم ولا من طلتكم

أخوكم
أبـــ سامي ـــو