فكونا..وخذوا العلم - نادي الهلال السعودي - شبكة الزعيم

الزعيم( سعد ) · #1 04/02/2009, 04:50 PM

اعتبروها فرفشه بعد هزيمه لايرضاها الزعماء ولكن هذا حال الكره فائز وخاسر:
( للعلم فقط اخوكم تجاوز سنين الدراسه بكثير ولكن خواطر مع الحدث)
..

1-سول هذا الله يسلمكم يذكرني بطالب ( مصري ) أيام الدراسه ..كان اذا جاء الصبح يجيب معه سندويتش طعميه..ياهو كان يقهرني ريحه الطعميه تشق الخشم والواحد جوعان مع الصبح وكان ملقوف اول مايشوف المدرس يطلع يمسح السبوره( حركات فهلوه) انا ما اصدق يقوم والطش الطعميه من شنطته( أدري حرامي بس الجوع كافر)..عاد هو انتبه وصار مايتلقف ويقوم كالعاده
الزبده: لمن يلومون الاداره على التعاقد مع سول يوم المباراه لاتخلونه ياكل واذا جاء بيلعب جيبوا له أكل ..عاد هو اتحدى انه يلعب بيفكنا من شره

..

2-المحترف ويلهامسون كان معنا محترف اقصد طالب( فلسطيني)..كان الماخوذ شاطر بس يفقع المراره من زود الشطاره لاجاب 14 من 15 يقعد يبكي وكان يلبس نظارات لمن يشيلها ويمسح دموعه مايشوف عاد لو تشوفونه وهو يمسح دموعه ودي اعطيه من درجاتي مع العلم ان درجاتي ماتجمل ان جبت 11أو12 احشر الأهل واقول بيضت وجيهكم هالصيف ماعننا وعن باريس تقديرا لجهودي وتميزي في الدراسه..المهم هذاك اليوم نزل النظاره ع الماصه عشان يمسح دموعه ولمن جاء بيرجعها طاحت وانكسرت..عاد خذ لك طول اليوم هم وغم بس الحمدلله صار لابكى ماينزل النظاره..

الزبده: ويلهامسون مجتهد..بل رائع ..وفي مبارأه بعد أخرى يثبت جديته واجتهاده ويكفي انه يحرث الملعب حرث احسن من بعض لاعبينا

..

3-المحترف رادوي يذكرني بمحترف أووه اقصد طالب ( أردني ) كان لقبه غريب اول مايقول اسمه الثلاثي الفصل يفقع ضحك وكنت شخصيا رغم محاولة المدرس اسكاتي كنت أكثرهم ضحكاً المهم المدرس حسبي الله عليه حرشه وقله نكته على قبيلتي( رغم ان المدرس من نفس قبيلتي) وجاء قالها لي ضحك الفصل علي ومن يومها تبت ماعاد أضحك على اسمه واسم عائلته

الزبده: رادوي رده في الملعب وشوي شوي الخصم يتعب

..

( مع الاعتذار للجنسيات المذكوره)..ذكرتها بالخير ولم اسيء لها حتى لايتهمني احد بالاساءه.

.
اخيراً: ان أتصل المشرف واراد اغلاق او نقل موضوعي وقبل مايقول عطني فلان قولوا له:

سعد غير موجود

..

دمتم بحفظ الله

الزعيم( سعد ) · #2 04/02/2009, 05:27 PM

الله واكبر لهالدرجه مكتئبين..هذا وأنا تو اقول بسم الله وماذكرت باقي المحترفين

10الشلهوب الصغير10 · #3 04/02/2009, 06:28 PM

الزعيم سعد اشكرك على موضوعك اللي ريحني شوي
أمس قفلت معي من الهزيمة ولاني اليوم كان عندي اختبار ولا كنت مداكر وزادة قفلت معي بعد الاختبار لاني ما جاوبت زسن لكن ان شاء الله ننجح
وموضوعك من اول المواضيع اللي قريتها وان شاء الله تعطيني دفعة معنوية لقراءة اكبر قدر ممكن من المواضيع وان كان اغلبها ما له فايدة

الزعيم( سعد ) · #4 04/02/2009, 06:56 PM

إقتباس

الرسالة الأصلية كتبت بواسطة 10الشلهوب الصغير10


	الزعيم سعد اشكرك على موضوعك اللي ريحني شوي أمس قفلت معي من الهزيمة ولاني اليوم كان عندي اختبار ولا كنت مداكر وزادة قفلت معي بعد الاختبار لاني ما جاوبت زسن لكن ان شاء الله ننجح وموضوعك من اول المواضيع اللي قريتها وان شاء الله تعطيني دفعة معنوية لقراءة اكبر قدر ممكن من المواضيع وان كان اغلبها ما له فايدة

الله يوفقك يالغالي وراح تتذكر زمن الدراسه بعد الوظيفه والمسئوليه المهم شد حيلك والباقي على الله

دمت برعاية الله

هلالي زنان · #5 04/02/2009, 07:01 PM

يعطييييييييييييييييييييك العاااااااااااااااااااااااااااااافيه

خالد 6 عزيز · #6 04/02/2009, 07:40 PM

يعطيييييييييك العافييييييييييه

Hamd7770 · #7 04/02/2009, 07:55 PM

يعطـيك العااااااااااااااااافيه

الزعيم( سعد ) · #8 02/03/2009, 12:16 PM

يقول بعض الاخوه كثر من النقد الساخر..وهذا الموضوع كان بعد الهزيمه من الشباب ولم يطلع عليه الكثير