السلام عليكم ،،

*****
قال رسول الله صلى الله عليه و سلم : "انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة "

*****

الرويبضه: مرحبا طال عمرك ووهاردك ،
الإمعـــه: هلا "طال عمرك انت"

الرويبضه: شفت الهلاليين ، سوو بادره طيبه وحطو صورة الأمير سلطان على صدورهم بعد البطول..
الإمعـــه: إي شفتها ، وش فيها ،،

الرويبضه: هي مافيها شي ،، لكن مدربهم هاللي مو شايف أحد بعينه مسح بالفنيله عرقه ورماها على الأرض وفيها صورة الأمير سلطان ،،
الإمعـــه: يعني بتقنعني ان البقيه بيعطرونها وبيعلقونها في الديوانيه؟ كلنا كذا مظاهر في مظاهر ..

الرويبضه: طيب ليش يحطونها من الأصل؟ وانت لو شفت المدرب كان تأكدت انه متعمد ويقصد اهانة البلد ورموزها !!
الإمعـــه: من جدك ؟

الرويبضه: طال عمرك، هذا مو شايف أحد بعينه، كبروا راسه علينا والهلاليين مايقولون له بم !!
الإمعـــه: هذا شي ماينسكت عليه ابد ، وش نسوي فيه برايك ؟

الرويبضه: مايبي لها كلام ، برااا ، اصلا مامن وراه الا الصداع ووجع الراس ،
الإمعـــه: جبتها ، بكره حضر عندي بمكتبي واكتب اللي انت تبي وانا أوقعه ،، والهلاليين مابيزعلون طيب؟

الرويبضه: خل يزعلون ، كل مره هم يفرحون وحنا نموت قهر ، جت على هالمره؟
الإمعـــه: على قولتك ،

الرويبضه: طيب، أنا استاذنك عشان اكتب صيغة الخطاب ،،
الإمعـــه: طيب ،،

الرويبضه: راح تثبت للكل انك صاحب القرار والكلمه حق والا باطل ، وتوقف الهلاليين عند حدهم ،،
الإمعـــه: مشكور على غيرتك على الوطن ورموز الوطن ،،

انتهى ،،

*****

لا تحزن ياهلالي ،،

لاتبكِ ياهلالي ،،

إنه زمن الرويبضه يدير فيه الإمعه ،،

إنه زمن الموازين المعكوسه يخون فيه الصادق ويصدق فيه الخائن ،

إنه زمن الأمانه تعطى لغير أهلها ،،


ذهب كوزمين ، وبقي الهلال ،، وما كوزمين إلا امتداد لمجد الهلال ومحطه وليس آخر ، ما كوزمين إلا دلالة على رفعة الهلال وفكر الهلال واخلاق الهلال ، ما كوزمين إلا رجل عشقنا وعشقناه كما قبله كل من سبقه ،،


أيها الهلالي ،،

ستعطي الرويبضة والإمعه مايريدون عندما تبكي ، ستعطي الصفراويين أصحاب القلوب السوداء مايريدون عندما تشتكي وتنوح ،،

ليكن ردك بالفعل ، ليكن بالملعب ، ليكن بالمدرجات ، والاستمرار في "دق الخشوم" ،،

ليكن درس جديد في فنون حقدهم ، ودرس جديد في فنون كبريائنا وقوتنا ،،


لنفرح في البطوله ، ولنعاهد ابن مساعد على استمرار الدعم المعنوي والمادي والالتفاف حوله ، ليعمل كالسابق ، هي الضارة النافعه ،

لها وجه أسود بسببهم ووجوه بيضاء كنور هلالنا في سماء البطولات ، بسببنا

البطولات ، لعبتنا لن نسمح بها ولو لحظه أن تكون بين أيديهم أو يمسوها ، البطولات ثقافتنا والحقد ديدنهم ،

لم أجد لوجودهم إلا فائده واحده، وهي:
كلما رأيتهم أو سمعت كلامهم حمدت الله ربي أني هلالي ،،


*** شكرا أباتشي الهلالي ،، شكرا من القلب ، فعلا في الوقت المناسب ،،


لكم صادق الود ،،

أخوكم/ أبو نوره