نادي الهلال السعودي - شبكة الزعيم - الموقع الرسمي

أعزائي الزعماء

يعتبر الشاعر الراحل محمد الاحمد السديري من كبار الشعراء وفطاحلتهم

وله قصائد رائعة جدا وكثيرة وأكثر قصيدة اشتهرت عنه قصيدته :يقول من

عدى وهذي هي القصيدة كاملة

يقول من عدى على راس عالي** رجم طويل يدهله كل قرناس

في راس مرجوم عسير المنالى**يشتاق له مندق بالقلب هوجاس

قعدت في راسه وحيد لحالى**والقلب في لجات الافكار غطاس

وقعت اعد ايامها والليالى**دنيا تقلب ما عرفنا لها قياس

دنيا تفرق بين غالى وغالى**لو شفت منها ربح يرجع للافلاس

يا ما هفا به من رجال مدالى**ما كنهم ركبوا على قب الافراس

ولا رددوا صم الرمك للتوالى**ولا ثار عج الخيل في كل مرواس

ولا قلطوهن للكمين الموالى**ولا صار فوق ظهورهن شلع الانفاس

في حومة الهيجا لهن اجتوالى**كل يبى من زاية الفعل نوماس

من بينهم عود الجنا والسلالى**مثل البروق الليل الادماس

اقطعك دنيا ما لها أول وتالى**لو اضحكت تبكى وتوريك الاتعاس

يا ابجاد شب النار وادنى الدلالى**واحمس لنا يا ابجاد ما يقعدالراس

فنجال يغدي ما تصور ببالى**وروابع تضرب بها اخماس وأسداس

لعل قصر ما يجيبه اظلالى**ينهد من عالى مبانيه للساس

لى صار ما هو مدهل للرجالى**وملجأ لمن هو يشكى الظيم والباس

بحسناك ما منشى حقوق الخيالى**يا خالق اجناس ومفنى اجناس

تجعل مقره دارس العهد بالى**صحصاح دو خالى ما به أوناس

لا خاب ظنى بالرفيق الموالى**مالك مشاريه على باقي الناس

وإن ناشنى من بعض الادنين صالى** مانى عن الزلات مخبر وبلاس

كالعنبر الغالى بالأسواق غالى**ولا درهم الفضية على صفر ونحاس

اجزية بالصده جنوب وشمالى**واتلى هوى قلبى اليا هب نسناس

المستريح اللى من العقل خالى**ما هو ولجات الهواجيس غطاس

ما هو بمثلى مشكلاته اجلالى**عجزت اسجلها بحبر وقرطاس

حملى ثقيل وشلت حملى لحالى**ونصبر على ضيم الليالي والاتعاس

نرسي كما ترسي عوالى الجبالى**ما ينهزع حيد عليه القدم داس

متى تربع دارنا والمفالى**تخضر افياضه عقب ما هي بيباس

ونشوف فيه الديدحان متوالى**مثل الرعاف بخصر مدقوق الالعاس

ينثر على البيداء سواة الزوالى**يشرق حمارة شرقة الصبع بالكاس

رحمة الله عليه رحمة واسعه