السلام عليكم

قبل اقول أي شيء عن هالقصه

اقسم بالله العظيم ان ماحدث معي كان صحيح وايضاً بالصدفه

القصه

جتني رساله بالأيميل من احد المنتديات اللي مشترك فيها

وكانت الرسايل كثيره من هالمنتدى بس اللي لفت نظري رساله كان عنوانها موبايلي اسوأ اختياري

على طول طق فيني عرق كل شي ولا موبايلي لأني محول رقمي لموبايلي

المهم قلت خلني اشوف وش القصه

الا وافتح الرساله وكانت طويله وكان صاحبها شوي والا يصيح

بصراحه رحمته من خلال قصته وتعاطفت معه كثير

وبالطبع كان يسب موبايلي وموظفينها وانه حصله مشكله بسبب جواله الموبايلي وان تعاملهم كان سيء

اللي يسمعه يقول موظفين الاتصالات يحطونك فوق روسهم

هذي صوره لبداية موضوعه




المهم بعد ماخلصت من رسالته

ارسلتله رساله على ايميله وسبيت فيها الاتصالات وانها نصبت علينا بمافيه الكفايه وووووو

الرجال ارسلي رساله على ايميلي يسألني عن رأيي بكلامه

فقلت له يمكن يكون كلامك صحيح ولاكن يكفي سنين والاتصالات تلعب علنا

والحمدلله اللي جاب موبايلي علشان نفتك منهم

الرجال ارسلي رساله ثانيه وبصراحه تفاجأت من رسالته لأني ماكنت متوقع هالشي

تبون تعرفون ليش تفاجأت

شوفو هالصوره وتعرفون



طلع الرجال موظف بالاتصالات

بالله هل هاذي طريقه تجذب فيها الشركه عملاء

هالشركه شكلها موظفه الكثير والكثير من الموظفين لأجل تشويه سمعت موبايلي بأي طريقه

اخيراً

اقسم لكم بالله العلي العظيم ان هذا هو ماحصل معي شخصياً دون زياده او نقصان

اتمنى اشوف تعليقاتكم

هذا الي بقروب ابو نواف


الصراحه ماهضمته ذا الي كاتب المووضوع


وشكرا

موبايلي عالم من جمالي

موبايلي عالم من أختياري

هلالي + موبايلي = عطااا + اخلاص

موبايلى عالم من التحدي ولذالك اختارت زعيم التحدي

هذي تعتبر من الاساليب الرخيصه لأغلب الشركات وإظهار الإشاعات فيما بينهم من خلال المنتديات والـ ( موبايل )

الطرق كثيرة ومن ضمنها تأليف القصص بطريقة تجعل المُتلقي يتقبلها

تنافس موبايلي والاتصالات من صالح المستفيد ( العميل ) ... وننتظر ( زين ) لكي تكون الخدمة أجود في جميع الشركات

تنافس موبايلي والاتصالات حالياً .. كتنافس شركتي بيبسي وكوكاكولا العالمية << ولازالت تتنافس حتى الآن

لكن الفارق ( هلال ) ... يعني .. موبايلي عالم من إختياري <---- عشان الهلال وبس ولا الخدمات ماتقارن بالامكانيات

موبايلي وبس موبايلي كم انت جميله

للاسف الاتصالات لاخدمة زي الناس واسعار اغلى من موبايلي .... وفوق هذا يقومون بتشويه سمعت موبايلي .... لكن شرهتك على اللي يخلي جواله عندهم ... قسما بالله رقمي مميز ونقلته لموبايلي ومرتاح ... وكل ارقام البيت تم نقلها لموبايلي ....هذا غير اللي اعرفهم كثير حولوا لموبايلي..... نقطه اخيره اخي الكريم ابي استأذنك في نقل هذا الموضوع لمنتدى ثاني ( رد علي اذا موافق او لا ).... واتمنى منك انك ترسل الموضوع هذا لنفس القروب عشان ينتبهون للعضو موظف الاتصالات.

بصراحه كلن يسرق من جهته والله.!
الله يعيين الشعب السعووووودي (((الفقير)))..المغلوب على أمره الله يعيين بس

موبايلي عالم من جمالي.!!

وش تبي نقول
الحمدلله اللي جاب موبايلي والا كان علوم

صادق والاتصالات كنا قبل موبايلي نترجهم من اجل خدمات فلشله واذا عرفت موظف اتصالات كانك تعرف وزير واليوم موبايلي مدللنا ومهنينا

هذي هي حيلة الفاشلين

وكل اللي نقوله موبايلي عالم من اختياري!!!